يا بنت شومي !
السلام عليكم ورحمة الله وبركاته
ابيات متواضعه للتواصل [poem=font="Traditional Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يا بنت شومي عن قليل المروه=اللي سواد القلب عنّك مخفيه يلعب بقلبك بالكلام وهدوه=لين يتمكن من ملامسك بإيديه واليا تمكن صار ماهو بهوه=اللي قبل يلقاك زينه حكاويه خبيث تفكيره ووجهه مشوه=والصدق دلوه ما تجيبه عراويه متساويٍ دايم وطاه وعلوه=ولا تلزمه عند الرجال المشاريه بينه وما بين الوفاء فيه هوه=وابليس مهما صار عيا يخليه نازل بصدره داخل القلب جوه=ومن وين ما وده بكيفه يوديه وابليس غوى آدم وحوى غلوه=وجودنا فالارض سبة مساويه شومي عنه يا بنت لوه ولوه=لا تخدعك مشاعرٍ منّك اليه حفظك لنفسك يعتبر منك قوه=وتهاونك دايم مقامك يوطيه يطرحك في عمق الخباثه سطوه=والنذل شيطانه لفعله يجريه صعبه يبين لك رداه ودنوه=لا صار توه ما خذا شي باغيه الحب طول الوقت ما شب ضوه=اللي مع الاحباب له عدة وجيه اللي على بيض النوايا يموه=لا بارك الله في سواته ولا فيه عدو نفسه حط دينه عدوه=ومعز نفسه عزت الدين ترضيه والسامي اللي ينكشف لك سموه=في قوله وفعله ورفعة مباديه يحفظ حقوق امحبته والاخوه=ودرب الوفاء ماهو مع الناس مخطيه حبيت اوضح لك وحبيت انوه=والناس كلٍ معه عقله يقديه والعاقل اللي ما يعود لهوه=وكلٍ على مشهاة نفسه يمشيه العاقل اللي ما رضى بالهزوه=يعرف من يحبه ومنهو يعاديه يكفيك عرضات الضعيّف وسوه=ويكيفك نكبات التفاكير والتيه الخالق اللي كلنا في رجوه=اللي ما خيب دعوة انسان يرجيه اللي محمد مرسله بالنبوه=مغرّقٍ فرعون موسى منجيه الواحد المعبود مبطي وتوه=سبحانه القادر على ما يسويه ! [/poem] وسلامتكم . |
1
والله واحد |
الله الله ياسلام على الابداع
ياسلام على الشعر والكلام الراقي جزاله اعتبرها مدرسه .. مدرسة ابو منصورللشعر مرحبا والله يامشخص وصح لسانك مدد والصدق انا محضوض اني تشرفت بالرد الاول ان لم يسبقني احد تقبل مروري وودي |
مشخص السلمي
وما ذا سنظن أو نتوقع حينما نقرأ اسمه بكل تأكيد أننا ستلازمنا الغبطة قبل أن نطلع على النص والطمأنينة بعده لله أنت يا رجل لك من قلب أخيك :wardah: |
يآسلآم يآسلآم
مشخص السلمي.. يآحلوها بقافيتها وبحرها ومعناها.. لله درك يأمبدع.. شاعر جميل جدآآ عسى الله لآيضرك.. صح لسآآن مليوووون.. وتقبل تحيّتي ومودتي.. أخوك,, |
الجزل : مشخص السلمي
لله درَك ولا فض فوك صح لسانك مليوووووووون يالجزل وبيض الله وجهك حبكة شاعر متمكن تقديري واحترامي |
لله درك يامشخص
فيها ابيات جوهرية ثمينه ثمينه يحتار الواحد ويش يتخير منها صح الله لسانك يامبدع , |
لــلـــي عــلـــى بــيـــض الـنــوايــا يــمـــوه
لا بـــــارك الله فـــــي ســواتـــه ولا فــيـــه عـــــدو نــفــســه حــــــط ديـــنـــه عــــــدوه ومـعــز نـفـسـه عـــزت الـديــن تـرضـيــه الله الله الله الله صح لسانك يابو منصور .. جزاله وابداع وتمكن معهووود عسى الله يزيدك من فضله ويكتبها لك في موازين اعمالك .. سلمت وسلم فكرك محبتي وتقديري |
أبو منصور
حجز لين ارجع يالامير:wardah: |
مشخص
صح السانك يالنشمي قصيده لها قيمه ادبيه تحيتي |
لــلـــي عــلـــى بــيـــض الـنــوايــا يــمـــوه
لا بـــــارك الله فـــــي ســواتـــه ولا فــيـــه عـــــدو نــفــســه حــــــط ديـــنـــه عــــــدوه ومـعــز نـفـسـه عـــزت الـديــن تـرضـيــه الله يعطيك العافيه الف صح لسانك والف تحيه |
مسفر المقاطي
مرحبابك تراحيب المطر وحجز غالي :) |
اقتباس:
ابو محيا مرحبابك تراحيب المطر مرورك الكريم اسعدني يالغالي صح بدنك ولاهنت ولاخلا ولاعدم محبه وتحيه :) |
اقتباس:
يا مرحبابك يا محمد السالم الشاعر المبدع اسعدني تواجدك وكلامك ولاهنت يا بوسالم محبه وتحيه :wardah: |
اقتباس:
مرحبابك يا عبدالعزيز الجش مرورك الكريم اسعدني يا لغالي ، صح بدنك ولاهنت لاهنت محبه وتحيه لجنابك الكريم .:wardah: |
أبو منصور الله يبيـّض وجهك جزاله جزاله جزاله صح ّ لسانك والله تقديري لك ،، |
صح لسانك يامشخص عدد حروفها
ولاهنت على هالكايفه الثمينه ابدعت وامتعت يالجزل وعز الله قلت نصيحه ثمينه الله لايضرك يامبدع تحيتي واعجابي |
اقتباس:
عليكم السلام ورحمة الله وتسلم يـ الشاعر وصح لسانك ولاهنت على هـ النص الـ هادف والأبدااع الفااخر تقديري لك’,, |
متساويٍ دايـم وطـاه وعلـوه
ولا تلزمه عند الرجال المشاريـه هذي اللي مالها دوااء وافية من واااافي صح قلبك ولاهنت يا مشخص |
خبيث تفكيره ووجهـه مشـوه
والصدق دلوه ما تجيبـه عراويـه متساويٍ دايـم وطـاه وعلـوه ولا تلزمه عند الرجـال المشاريـه عزالله إبداع مشخص مايحتاج صح لسانك مليوون ولاخلأ ولا عدم |
والسامي اللي ينكشف لك سمـوه
في قوله وفعلـه ورفعـة مباديـه يحفظ حقـوق امحبتـه والاخـوه ودرب الوفاء ماهو مع الناس مخطيه صح لسانك ولا هنت:wardah: |
متساوين دايــم وطاه و عـــــلوه
ولا تلزمه عند الرجال المشاريه مشخص السلمي صح لسانك مليون مره على هذا النص تحياتي |
| جميع الأوقات بتوقيت GMT +3. الساعة الآن 05:46 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية