عذابه من المستشعر الغاوي الملقوف ...
 

[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الا يالطريسي قبل يعصف بي العاصوف=ابعقل بعيري واوثق القيد واشده
انا لي سنه ياصاحبي كني المصدوف=عن الشعر فكري طاري الهم يحتده
ليا جيت ابرّح للنقط فالكتاب حروف=تغانمني اللي يبري الحال ويهده
لكن مؤمن برب البشر ماعليّه خوف=ارد الهجوم بعشر هجمات مرتده
مضى مامضى واللي مضى ماعليه حسوف=مادام الجمل ماضاع وسمه على خده
ياراع الوفا جعل التعب فالزمن مخلوف=تعبنا نوّصل حبل الافكار ونمده
وشعر النبط تال الزمن ماعليه وصوف=بليا وجه ما ينعرف خاله وجده
تعبت افتله واهجرسه مفرد ومردوف=ولا ادري معه ولا مع القوم في ضده
تقول الف ولا الفين ولا تقول الوف=اقول العدد تقراه ماتقدر تعده
عذابه من المستشعر الغاوي الملقوف=تعدى الحواجز واعتدى واعتلى سده
على ويش ابنكر منكرٍ عندهم معروف=ياربي دخيلك فالرخاء من عنا الشده
اللهي رضاك اسمى هدف يارجا الملهوف=لو الناس تسخط كلها مالها لده
تسمّع يامشعل في كلامي وشف لك شوف=لعلك تشوف اللي على حيد ونرده
خويي واخوي وسيفي اللي بعشر سيوف=وشاعر وماهر باجزل الشعر ما قده
قبل يتعب الضيف وقبل يتعب المضيوف=كثير الكلام ان مانفع يمرض الغده
يمر الزمن وتمرني للحبيب طيوف=تزيد الغلا وتنشط القلب وتقده
سقا الله ديار صويحبي ضامر السرجوف=ابو رمشٍ ليا غض يضفي على خده
بعد حل واحتل وبنا عرش وسط الجوف=عطيته صدوق الود وارها علي وده[/poem]

من أجمل النصوص

شاعريّة واضحه ، وحضور مميز

لله درّك ، شاعر وأكثر

صح لسانك يا بن جزاء وموفق يالغالي .

الله يجمل حالك

شهادة عزيزه .. شرفتني بمرورك

تسلم اخوي مشخص ...

وصح بدنك ولا هنت على المرور

عبدالمجيد بن جزاء

قرأنا شعر هنا

صح لسانك جميل هذا النص

والشاعريه واضحه كوضوح الشمس في كبد السماء

ارحب يا ابو جزاء

سعداء بوجودك

اهلا بك

وصح لسانك

يا مرحباا مليووون والله يا ابو جزاء

وهلابك والله يا غالي

وسعداء يوجودك يا بعدي

قصيده رائعه ومميزه من شاعر شهادتي فيه مجروحه

صح لساانك مليار

مرحبا يا عبدالمجيد

سعداء بحضورك وصحّ لسانك ملايين

بالتوفيق :)

تحياتي لك

شاعر ياعبدالمجيد بن جزاء ..



وحضور قوي ..