حسني مبارك
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
حسني مبارك و البعير البارك=اشباه والتشبيه صوره حيه
تلقف يمينك ما رمته ايسارك=وقال المثل في الغفله الماريه
أحرمك شعبك تهتني في دارك=من يوم ما ثارت عليك الهيه
ما جملت بك صملتك واصرارك=و اثر السقوط مبيت ٍ لك نيه
ما ادري نواسي فيك و لا نبارك=و لا نغض انظارنا موليه
وحنا ولو نجهل جميع اسرارك=نستنبط ان مواقفك عاديه
من شعبك اللي واجهك يا مبارك=من باب قمع الظلم و "الحريه"
[/poem]

ههههههههههه
الشاعر سامي بن شطوان
فعلاً حسني مبارك مثل البعير البارك
والجمل لاطاح كثرت سكاكينه
الله يعين شعب مصر على ما أصابهم
ويرزقهم بخير خلف لخير سلف
كل الود لك على هالقصيدة الجزلة
تحياتي لك



محمد

الله الله .. الله

مبدع في تصويرك يا سامي
: )

نسأل الله لمصر ( حاكماً يحكم بشرع الله وسنة نبيه )

ابيات رائعه جدا



لاهنت ياسامي وصح لسانك مدد

اهل مصر راحوا فيها ومبارك توسدها \

سامي

صح لسانك ويا مرحبا بك

محمد المغيرة

شكرا على مرورك الكريم

و حضورك المشرف

تحيااااااااااااااتي

تعداد الاخوه المصريين قرابة 90 مليون نسمه

وثروة حسني مبارك قرابة 90 ملياردولار

اعتقد فيه توازن بين الحالتين

لاضر ولااضرار

حياك الله ياعم حسني اذا ماوسعتك الفسيحه

توسعك المملكه العربيه السعوديه

كفيت ووفت ..

الاخ ناصر شرفني مرورك

تحية طيبة