الارنب المسكينه !!
اخواني واخواتي
اوصيكم بتربية ابناءكم على الخشونه اليوم تعرضت لموقف لم يكن في الحسبان اخوكم معلم علوم بالمرحله المتوسطه وكان عندنا درس في الصف الاول متوسط عن التشريح فاحضرت ارنبٍ جميله ماهي بكبيره بلحيل ( خرنق ) وشمرت عن ساعدي ونطلت براسها امام التلاميذ في المعمل فضجوا باصولت غريبه ومنهم من خرج خارج المعمل ولم يرجع حتى بالتهديد والوعيد من قبلي ومنهم من نثر الدموع والجميع يقول الارنب المسكين ويش ذنبه وضاعت الحصه ماسوينا شي الا نسكتهم وكان هناك حمامه ماسكه دورها للقتل ولكن اجتمع حولي الطلاب يتوسلون لاتقتل الحمامه تكفا يا استاذ مسكينه ملخص الكلام ما استفادوا شي من هذا الدرس بس ضاعت الحصه على الفاضي والخوف كل الخوف ان ياتي اولياء امورهم غدا يشتكون من ماحدث اخواني ياسبحان الله هل يعقل ذلك نحن وحنا صغار نفرح يوم يذبحون الذبيحه ونتسابق على الشوايا فماذا حدث لابنائنا ؟ وهل هذا تطور ام تأخر ؟ مدري مير اوصيكم بان تعلموا اولادكم الخشونه ولا انسى احدهم اسمه حسن الشمري هو من مسك لي الارنب عندما شرعت بقتلها ويقول اتركهم اذبح الحمامه هذولا مهبل بدوي خالص بس يعجبكم teeth: |
ضااااوى حسبي الله على ابليسك
فعلا الابنا فى هذا الوقت ذابحتهم النعومه الزايده وبعض الكبار الك عليهم شوى تحياتى لك على هذا الموضوع |
ارحب ياضاااوي
صح ان الموقف فكاهي في الظاااهر ولكن والله انه شي يخووف ولا يبشر بخيررر اجل شباب الامه ومن يحملون على عواتقهم المسؤليه اجل كيف لي بحاال ذولا لو به جهااااد لكن حياة الترف والنعووومه لكن ذولا ما قد تلشغووو بالمطااارق يفطرون اسكريم ويتغدووون اندووومي teeth: |
والخوف كل الخوف ان ياتي اولياء امورهم غدا يشتكون من ماحدث
هذا هو المهم .. ياخوفكم يامعلمين من أولياء الأمور اخواني ياسبحان الله هل يعقل ذلك نحن وحنا صغار نفرح يوم يذبحون الذبيحه ونتسابق على الشوايا فماذا حدث لابنائنا ؟ وهل هذا تطور ام تأخر ؟ يا أخ ضاوي .. الله يرحم والديك هذا تأخر .. وش تبي .. تبي تعلم الولد كيف يذبح الحصص هذي أرجو انها ما تتكرر .. الله يستر بس لا يدري مدير إدارة التطوّر بالوزارة الجديده ( التربية والتعليم ) بالموضوع .. والمصيبه الكبرى لو درت كونداليزا رايس .. بنطول السالفه ويجيك باول ويلعن والدي الشغله كلها و و وغيروا المناهج .. |
الله يرجك يبو زياد
تصدق لو اني معهم ياضاوي .............. لبكي لأني صراحه انا نفسيتي ماتتحمل................ ولد دلوع بالحيل من كثر دلعي يسموني حموده .......... لكن انت الله يصلحك متعود في هالبران والقيزان تطارد الدبادب والأرانب وهذولي ورعان بيوت ........ السفاح ضاوي |
سلّم و الله على السنعوسي بيض الله وجهه.
شكل فصلك كله ما فيهم رجال الا هالشمري هههههههههههههههه مجمّع خكاريه الله لا يبلانا. اخوي ابو زياد الموضوع رائع جداً و استطعت ان تضعه لنا في قالب فكاهي رغم انه علمي بحت. فلا حول و لا قوة الا بالله العلي العظيم. اجل هذولا وشلون يبون يذبحون العدو بكره ان جاء العدو الى ديارنا؟ امحق شباب مستقبل امحق امحق |
[ALIGN=CENTER]
السلام عليكم ورحمة الله وبركاته أخي الفاضل ضاوي ,, طرح عميق جدا ومقلق ايضا !! وأين هم الآباء وأين دورهم ؟! وماالذي اشغلهم عن متابعة أبنائهم أظن أن هناك جزء ً من الحل في يد المدرسه وذلك بتكثيف الفخروسرد القصص عن تاريخنا وقدوتنا من مشاهير المسلمين العرب شكرا لكم جميل طرحكم اللذي ينبهنا لنقطه خطيره قد تكون تحولا لكثير من أبنائنا واخوتنا أسأل الله لنا ولكم المغفرة والتوفيق وفي انتظارك دائما فحضورك يحمل نكهة التمييز تحياتي ســــــــراب [/ALIGN] |
مرحبا أخوي ضاوي
عزالله ماسويت خير في الأرنب ياخي حرام عليك ليش تذبحه كان خدرتها قبل علشان ماتتعذب ياربي ياشين هذا المنظر الله لا يحطني فيه تحيااتي جوووووووود |
[ALIGN=CENTER]
الله يخلف على أهل الأرنب و يرحمه بس أمانه يا العصيمي تسلم لي من قلب على الشمري حسن .. و تقول له .. (( أنت رجل و الرجال قليل )) ... انا أشهد بس بجد .. ما ينلامون الطلبه .. وربي شي يخرع .. مسكين يالأرنب (cry- (cry- (cry-[/ALIGN] |
:p:eek: ضاوى
كل المشاركه كوووم :rolleyes:;) والارنب بعد ذكاتها من اللى زين الكبسه ولهبها عساه بالعافيه (m- ماصارت مدرسه ذى محل صيد ;):o الظاهر نبى نوجه اللى يبون الربع الخالى يمكم لاتستغرب أن دق عليك أحد تراه أعرابى يتقنص وأبوزع رقمك:) |
ضاوي
ههههههههههههههههههههههههههههه هههههههههههههههه ياخوي حراااام عليك ماعندك ظمير كيف تتجرأ وتنسف راس هالاورينب :mad: حرام حرام حرام <-------------- الولد متأثر من فلم توه شليفه ضاوي الظاهر نبا نرسل عليك الذباح فالضحيه أثرك سفاااااحcd بس سالفت هالوراعين يبيلها بحث طويل ودراسه تحياتي يالسفاح |
ياااااااااي
سفاح ههههههههههههه اخوي ضاوي مساءك جميل وفعلا عيالنا لازم نعلمهم الخشونه ونبعدهم عن الدلع الزاااااااائد لك كل التقدير |
ول0ول ول ول ول ول
وش المدرسه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لوني طالب كان من زمان ماخذ ملفي بس شكلي0000بسويها مع البنات علشان يخافون مني هههههههههههههه كيف امصع00رقبتها00ولا اذكيها ارجو الافاده0000 عندي درس السبت؟؟؟؟؟؟؟؟؟؟؟؟؟؟ سحااابه |
ياضاوي
كان جبت ضب وذكيته وبعدين جربوع يعني بالتدريج لين تاصل للأرنب يمكن يستوعبون :) والله الجيل التالي حق الهمبرقر مافيه طب طرح جميل يا الأستاذ / ضاوي تحياتي لك والله يصلحهم ويقوي قلوبهم على الطاعه والذبح الأسلامي :) سداااح |
اقتباس:
شليفه = تقرب حق أحد نعرفه ؟؟؟ |
ضاوي العصيمي
لاحول ولاقوة الا بالله00لاتستغرب ياخوي ضاوي
اذا الحين تشوف الولد كنه بنت!!ويوقولون حنا جنس ثالث والعياذ بالله!؟ المفروض ننمى الشجاعه لدى اولادنا من خلال سيرة الرسول الكريم وقصص الانبياء فذلك يلعب دور كبير في تنمية شخصيتهم00 الله يستر00 اخوي ضاوي00تحياتي لك وعلى فكره000قصيدة كنوز البشوت00رااااااااائعه اعجابي اختك الجافل |
اخواني واخواتي الكرام
الف شكر لكل من تفاعل مع هذا الموضوع وياهلابكم جميعا |
رفع الموضوع عمداً
|
تدري وش المشكله يا ضاوي .... إنك جبتلهم ارنب نظيف :)
لو انك مغبره بشوية تراب وملطخه بشوية طين قبل لا تجيبه ,, كان قالولك .. اذبح هالوصخ المعفن هههههههههههههههههههه على العموم انا ضد العنف بكافة صوره واشكاله ,, وانا انسان نباتي في الغالب ولكني لا اقاوم المفطح لا شفته :):) بس نصيحه درباااااالك تجيب بقره تذبحها ياضاوي ,,, عاد كله ولا البقر ,,,,, لأن نص الجيل راضع منها ههههههههههههههههههههه ... تذبح امهم عاد .. اجل ليلك مهو ليل :) تحياتي / حامد |
ههههههههههههههههههههههههههههه
أنا اضحك على رد هاللي سابقني برد :) ضاوي طرح مميز حقاً والله يصلح لنا ويصلح لكم الذريه دمت بخير :) |
أستاذ ضاوي
وش ذا التشريح اللي ماغسل وجه بمويه وصابون يابوي ليه تنطل الراس هي ذبيحه؟؟ خدّرها يامال الغنيمة بالكلوروفورم إلين تقوم تفرفش ثم تخبط على خشتها ولاّ خنعّها مع عمودها الفقري إمحط بها على حافة الطاوله إلين ماتستشل ياحلالاها ياليت ذبح الأوادم حلال والله لاأحوم على ناس واجد بس كلهم برا المرقاب ماتخافووووووش |
اخواني هذا الموضووووع قديم
يتورالي اني منزله هنا عام السبله لكن اشوف الربع يدورون شي يطقطقون عليه قلت ارده الهم يتسلون فيه في هذه الايام الرمضانيه وترى التقطيع مسموح ماش شي ممنوع يبا ينبسط ابو حمد الان >>>> للجميع تحية رمضانيه ملاحظه تراني بطلت التدريس من هاك السنه وصرت وكيل |
| جميع الأوقات بتوقيت GMT +3. الساعة الآن 08:35 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية