صقر العروبه وباني مجدها الزاهر .. غيثٍ تبشر بخيراته براريقه
 

[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
لارحم ابو الفقر كمهو يمحق الخاطر =وإيقرّب الهم والهاجوس والضيقه
أشد منه بظلام الليل وأسافر =وألقاه قدامي مشمّر ذواليقه
يهز راسه ويضحك وين ياشاطر ؟=معك معك كل تغريبه وتشريقه !
لكن عسى ياالذكي ماصادنا ساهر =اللي على الخلق يامكثر تواهيقه
عشرة عمر وأنت خابرني وأنا خابر = عشنا فصول العدم وأعذب طواريقه
أعزف لك الحان في الماضي وفي الحاضر =لاونّ قلبك علي تلهب معاليقه
إن طعتني دام مالك عون ومناصر =خلك على العهد لا تخلف مواثيقه
قلت أنت يافقر لاتنهى ولا تامر =أسمع واخذ في كلام العقل تبريقه
خلاص أنا صامل في الوضع ومغامر =وإن راده الله .. حلمي طاب تحقيقه
صندوق دعم الفقارى كلهم حاضر = إلا .. صناديق للفقر وتلاحيقه
عقار تسليف جمعيات ياساتر !!= وحقوق الانسان لاهانت لها ويقه!
يعني ليالي وأنا ذابحك يالغادر = مادام لي في البلد فزعة مطاليقه
سلهم شوي وتنهد اااه .. ياماكر = ماخفت من قلت الحظ وتوافيقه
لاشك ياصاحبي مسكين ومكابر = الدرب من دونهم عوجٍ مزاليقه
وإن يسر الله قبلوك فالسرى العاطر =تبطي سنينك على طوله وتعليقه
ثم جاك دورك وجيت من الفرح طاير =أعطوك مدّة فلس مغير تذويقه
واخر مردك عليّ وحظك العاثر =أقطف زهر نبت قلبك من زماليقه
قلت إإإإيه .. حلمك علي تكفى يابو فاقر =لاتمتحني على ماء الوجه وأريقه
مادام مامنك فكه خلني أهاجر =يمكن يجي للمزاج الصلف ترويقه
ناظر .. وقال أنت وضعك مؤسف وقاهر ! =يفرض علي لو شتات الشمل ماطيقه
أعطيك هدنه قصيره والله القادر=يعطيك معطي طيوره في شواهيقه
معك ثلاثة شهور تسرّ وتجاهر =ترى هل الخير للمحتاج تعتيقه
أما عطاك الولي من مده الوافر = أروح وتروح في حفظه وتوفيقه
ولّى مسكتك معا علباك يالفاغر = ولايفكك أوباما وابو تفليقه
واليوم بادخل على الله .. ثم على النادر =زعيمنا اللي بعيدات ملاحيقه
صقر العروبه وباني مجدها الزاهر =غيثٍ تبشر بخيراته براريقه
تسلم يمينه ويسلم كفه الطاهر =دايم على الشعب راهيةٍ مغاديقه
خيره على المسلم وحتى على الكافر =في هامة العز له بصمه وتحليقه
ملك وعاهل وقايد أمة وكابر =أحبّه الله وتحبه مخاليقه
الله يديمك يا نور القلب والناظر =ويجير روحك يابو متعب من الضيقه
تفداك الارواح يامليكنا الظافر =أجر وطهور وجعلك من معاتيقه[/poem]

ياهلا ومسهلا يا بوشايع

اي والله الفقر لا ينهى ولا يامر
اعوذ بالله منه ومن موارده .. اجزلت والجزاله عوايدك

اللله يديمـك يـا نـور القلـب والناظـر

الله يديمـك يـا نـور القلـب والناظـر
ويجير روحك يابو متعـب مـن الضيقـه
تـفـداك الارواح يامليكـنـا الـظـافـر
أجـر وطهـور وجعلـك مـن معاتيقـه

اللهم آميين

صح لسانك شاعرنا

ولاهنت على هـ الشامخه

تقديري’,,

تجسيد للمعاناة بقلم متالق
صح لسانك مدد .. والله يبعد عنا وعنك شرور الفقر وبوائقه



تحياتي وتقديري

ابوشايع

صح السانك ملياااااااااااااااااااااااااااااااااااار

اولاً : أعتذر أشد الإعتذار من الجميع على تأخير الردود سهواً وضيق الوقت .



الغالي سداح


مرورك وسام لاهنت ياغالي



الله يحفظك

صح السانك



ولا هنت




نص جميل