عدّت وعدّيتها !!
 

السلام عليكم ورحمة الله وبركاته

ابطرح الميانه مع الشعبي بهالبويتات ....


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الكلمة اللي صداها للاوادم ظهر = لو كاني اوحيتها ماكنّي اوحيتها
لوانها قاسية مالي عليها صبر = لاكنّها كلمةٍ عدّت وعديتها
لا يا طويل الحنك مدري طويل العمر != كلمتك حزّت بنفسي مير خليتها
ليتك تعذرت والقى للرديّه عذر= وتشوف بالعين لامني توطيتها
ما انت بخطر يوم اجي يمّك وادوس الخطر != قل ماتقوله عيوني عنك لدّيتها
الشكر لله ما لحدٍ من عباده شكر= نفسي عن امثالك من الناس عزيتها
شفّي مع اهل المراجل والكرم والشعر = ناسٍ على الطيب خاوتني وخاويتها
وان كنت بالناقصه ترقا لسطح القمر = ياسرع مالعنكبوته ينخرب بيتها [/poem]

وسلامتكم ...

تموووووووون يا ابو عبدالرحمن :)

حجز وحضور أول ولّي عوده بعد ما افطر :icon_mrgreen:

ياجعله عافيه :wardah:

وانت تمون على رقبتي ورب البيت الحرام
وحجزك على درجة الافق يابومشعل

الشكر لله مـا لحـدٍ مـن عبـاده شكـر
نفسي عن امثالـك مـن النـاس عزيتهـا
شفّي مع اهل المراجـل والكـرم والشعـر
ناسٍ علـى الطيـب خاوتنـي وخاويتهـا


الله الله

كفو والله يا عمر ,, تقول وتطول طال عمرك

صحّ لسانك يا مبدع

سلمت ولاهنت

تحياتي ومحبتي لك :wardah:

الله الله الله
متميز ووافي

صح السانك مليارات
على هذه الباهيه الشامخه النادره في معانيها ومفرداتها

تحيتي ومحبتي وتقديري


اخوك \ وليد العمودي

هاذي والله البيوت
ماهيب بيوت العنكبوته

المبدع .. عمر عبدالرحمن

لو تكرمت سجلني متابع مع قائمة المعجبين بما تقدم

وصح لسانك عدد حروفها

ولا عدمناك ،

الشاعر المبدع
سيف بن صالح الدلبحي

سلمت ودمت ولاهنت

ولاعليك زود ياطويل العمر

صح بدنك والله يحييك :wardah::wardah:

سعود بن مشعل

مرحبا بك مليون مره

سلمت ودمت وصح بدنك ياطويل العمر

اااااالله


كفو وانت من آهل المرجله والشعر عز الله
صح لسانك يآبن ربيعان

اسفرت وانورت

انت الذهب ياعصابة الراس

صح بدنك ويامرحبا ياسلطان

وليد العمودي

مرحبا مليارات ولاتكفيك
صح بدنك وكلك
والله يديمك ويرفع قدرك

مشكور على حظورك البهي والمميز ياوليد:wardah:

هلا وترليون هلا
بالدكتور
بالدكتور
بالدكتور

(((اقولها و ماعلي منك ان زعلت وان رضيت )))
:wardah: :wardah: :wardah: :wardah:

ياهلا ثم ياهلا ثم ياهلا <<< شطر بيت :)
يامرزوق

ماعليك زود والله يعز شانك ويطول عمرك ولايخليني منك

سلمت والله ودمت ولاهنت

والله يرفع قدرك

المبدع
والنجم
والمميز
والمحبوب
عفاس بن حرباس

:wardah:

صح لسانك يـ الشاعر

وتسلم على هـ الفااخرهـ

تقديري’,,

لا يا طويل الحنك مـدري طويـل العمـر !
كلمتـك حـزّت بنفسـي ميـر خليتـهـا
ليتـك تعـذرت والقـى للـرديّـه عــذر
وتشـوف بالعـيـن لامـنـي توطيتـهـا

الاالشعبي يفخر بمثلكــــــ وشرواكـــــ ياعمر ,,,

ووالله انكـــــــ مستقبل للقبيله كلها يالامير اعجابي تخبره من مبطي ومتابعتك عاد ماني معلمك:icon_mrgreen::wardah: ,,,

شاعرة نجد

الله يسلمك ويديمك

صح بدنك وانا اخوك

صح بدنك وقلبك ياسلطان

جعلك تسلم ياحبيب القلب
والله يرفع قدرك ولايهينك

عشت وسلمت ودمت

الله الله

ياحلو هالابيات حلوااااااه

صح الله لساانك 1000

سجلني من متابعينك سداح الاول وانا الثاني

لاهنت لاهنت يالقررم