بقدوم أبو متعب غدا الشعب مرتاح
 

[poem=font="Simplified Arabic,4,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا مرحبا ترحيبه ٍ برقها لاح =من هاجسٍ صدق المشاعر حملها
للقايد الأعلا عدد نور الاصباح =نسل الملوك اللي عريبٍ نسلها
طير السعد غنى ومسك الفرح فاح =واستبشرت شبه الجزيره وأهلها
بقدوم أبو متعب غدا الشعب مرتاح =حتى الجبال الراسيه مع سهلها
والمملكة تفخر وجوّ الحزن راح =والعاصمة تزهى وتلبس حللها
عم الفرح بحدودها جبال وسفاح =داراً عزيزه ما ندوّر بدلها
وتبدلت أيام الاتراح بافراح =ماجور يا صقر العروبه وأملها
في شوفتك يا سيدي خاطري ساح =والعين هلت في قدومك وبلها
إلك الولا بقلوبنا صعب ينزاح =انجدده فارواحنا لين أجلها
يا خادم البيتين حبّك بالارواح =قلوب كل الشعب حبّك وصلها
فيك المكارم والعطا نورها ضاح =كل الخصال الطيّبه تختزلها
خيرك على شعبك كما الغيث لا طاح =أروى صحاري نجد وأسقى نخلها
مدة يمينك وافيه ما بها اشحاح =يشهد لك التاريخ محداً جهلها
زيزوم في وجه العدا سيف وارماح =لا من تمادت واسرفت في عللها
سقم العدا بكبودهم سمٍ اذحاح =ركايب الأشرار حبلك عقلها
زبن الدخيل وللموازين رجّاح =توفي حقوق الناس وأنته بطلها
للمملكة تبقى لها ستر واوشاح =الله يعزك يوم خيرك شملها
تعجز بيوت الشعر توفيك الامداح =نقيّت عذب اجزالها من عسلها
ما جيت أدوّر من ورى حروفي ارباح =الصدق أعده والوفا لك ثقلها
[/poem]

صح لسانك وبيانك يامحمد ويبيض وجهك ,
مودتي لك .

ارحبووا


الله يصبحك بالعافيه
وصح لسانك عدد محبي ابو متعب وزود
مودتي

الله الله الله

صح لسانك يابو مرزوق , مبدع كعادتك ,

تحياتي لك

زميلنا العزيز
والشاعر القدير .. محمد مرزوق السميري

يامرحبا ومسهلا

ومنوّر مرقابك بعد غيابك

قصيدة وافيه وتفيض بالوفاء غير المستغرب منك

صح لسانك يا بومرزوق مدد

والحمدلله على سلامة ابو متعب ،

..

صح لسانك يامحمد السماري

وعلى شانك

مبدع مبدع الله لايضرك

والله يحفظ لنا ابو متعب

تحيتي لك

الله يصح لسانك شاعرنا

وحمداَ لله على سلامة ملكنا

وتسلم على هـ الشعر الجزل

تقديري’,,