كلن على معمر رفع مشعابه (مجاراه لابن فطيس )
 

السلام عليكم ورحمة الله وبركاته
اخر الجديد مجاراه لقصيدة الشاعر الكبير شاعر المليون محمد بن فطيس واهديه منها السلام وكان لي الشرف بمجاراته
عساها تنال اعجابه واعجابكم واسئل الله القوي العزيز ان يخمد نار الفتنه ويصلح حال المسلمين ويدحر كل ظالم



قصيده بن فطيس



[poem=font="simplified arabic,5,orangered,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
​​كـــلـــن على معمر يهج ركابه=يالله جعل مايصيبنا اللي صابه
حاكم وكان أسمه يهز العالــم=واليوم بارو به جميع أصحابــه
وحنا العرب نضحك ونرسل عنه=سوالفن بأسمه وهي كـذابــــه
نضحك عليه وقصته حـــزينـــه=ماكن حنا مسلمين ولابـــــــــه
لو واحدن منكم رئيس لدولـــــه=وبنا وعمر يوم كانت غـابـــــــــه
هو بيتنحا أو بيطلـــع بـــــــــرا=ويروح من داره وريـــح ترابــــه
وحنا المواطن لا رحل من داره=من شوقه أتضيق عليه ثيابـــــه
أبن علي شلوه عقبه حسنــــي=واليوم لمعمر سعو طلابــــــــه
وقابوس مع بشــار واليمــــاني=وأبن خليفه!!! نارهم شبــــــابه
الله يستر ويش باقي بكــــــره=ثوراتهم منهي لفت باأسبابــــه
الغرب للأسلام سوا خطـــــــه=شبو الفتن والكل كشر نابـــــه
يبغون خيرات العرب بأكملهــا=ويطرشون جنودهم سلابــــــه
ماسدنا اللي صار في الفلوجــه=وخلو العراق من المجازر غابــه
النفط صدر عقبهم لمريكــــــــا=ماقيل ذا خير البلاد أولابــــــــه
يا أمــــة محمد تراهـــــا بلـــوا=لاتضحكون يصيبكم ماصابــــــه
أبكو على حال العرب بأكملهــــا=وأدعو عسا ربــي يعــــز كتابــــه

[/poem]

مجاراتي

[poem=font="simplified arabic,5,orangered,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كلن على معمر يهج ركابه=شطرٍ يميز مطلعه كتابه
للشاعر اللي فاز بأول بيرق=لمحمد بن فطيس وهو اولابه
غنى وانا غنيت مع طاروقه =كلن على معمر رفع مشعابه
يالله دخيلك من زوال النعمه=يالله عساها ماتصير نهابه
شعله وشبت فالهشيم اليابس=شبّابها ماينطفي مشهابه
صكو عليها الغرب منا ومنا=لين اصبحت نيرانها شبابه
وحنا نتفرج في سنى شعلتها=لكن حسافه مانقول الجابه
بدال مانرفى خمال الامه=نفتح مجال لشلةٍ مرتابه
نضحك على حال العرب ماندري=باللي حصل من حولنا مانابه
واجب علينا نتعض بالحاصل =ونوحد صفوف العرب ونجابه
الشرق الاوسط في صفيحٍ ساخن=والغرب لترابه يسيل لعابه
ماقلتها راضن بفعل معمر =ولاني براضي عن فعول اقرابه
اقولها للي يبي فرقتنا =مافي حقوق المسلمين طلابه
حنا حماة الدين باسم الدوله=مانلتفت للزمره اللعابه
الله يعافينا ولا يبلانا =والله يعين المبتلى بمصابه
هذا ترا واقع حديث الشارع=ياقع به اللي مايحسب حسابه
قلته وانا من لابةٍ معروفه=شاعر سعودي من شباب عتابه
[/poem]

صح لسانك ولاهنت
مجاراه طيبه من شاعر كفو

صح السانك ياعبدالله

مجاراه رائعه لشاعر رائع


اعجابي


تحيتي

صح لسانك ياعبدالله..وبيض الله وجهك

ومثل ماقال مدله مبدع وجاريت مبدع

تحيتي,,,

اي والله مبدع وجاريت مبدع

عبدالله المرشدي

والله شعرك يطربني من وقت طويل


وهالقصيده خير دليل على ان اعجابي في محله

صح لسانك يالشاعر الوافي ...

والله يصلح حال الاسلام والمسلمين في كل بلد

الله الله الله

ابدع شاعر المليون وابدعت يا بو عابد

وكانتا من اجمل ما يحكي الوضع الراهن

صح لسانك مدد
ولسان ابن فطيس مدد ،

..

لله درّك يا عبدالله

قصيدة جزله للشاعر المبدع ابن فطيس ومعناها ثمين
وقصيدة المجاراه لا تقل ابداعاً عنها

صح لسانك وصح لسانه

والله يستر على بلاد المسلمين ويحفظ امنها وامانها ويرد شر اهل الشر في نحورهم



محبتي وتحيتي :)

صح لسام يالغالي ولسان ابن فطيس

جاريت فابدعت ..

صح بدنك ياسيف

ولاهنت

والله يصلح الحال

تحيتي لك

صح الله السان ابن فطيس

وصح الله السانك

ابدعت في المجاراه لاهنت

ودي وتقديري

الله الله

صح لسااان المليوني

وصح لسااانك ياعبدالله مجاراه من اروع مايكون

وكفو بك وبلابتك يالعتيبي

تقبل مروري

المرشدي..


صح لسانك ملايين..

مجاراه فاخره ورائعه..

تقبل ودي وتقديري..

وعليكم السلام ورحمة الله وبركاته

مجاراه طيبه تستاهل المرور والقراءة يا عبدالله

الله يعدل حال الامة وصح لسانك ولا هنت


بانتظار الجديد

بسم الله

مجاااااااراااااااااه راااااااائعه

وصح لساااااااانك ولاهنت

ولك مودتي

سلطان العطاوي


صح بدنك
ولاهنت

تحيتي لك

نواف بن فهيد

صح بدنك

ولاهنت

اعجابك يسعدني

تحيتي

مدله الضميان


صح بدنك

ولاهنت

تحيتي لك