( فارق التشبيه ) .. !!
السلام عليكم ورحمة الله .،
حيل الله أقوى وإنفاذاً لما تقرر : ) [poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] تعبت امن السهر وأثر السهر يثّر على راعيه = لو يقضّي لزومه .. لازم إنه يكحل عيونه طرح وسمه على محجر عيوني ليه .. مدري ليه ؟ = وأنا اللي كل ليله محتميه وواقف ٍ دونه ! على وجهي بياض ٍ ما يقارن مع بياض وْجيه = وعلى وجهه سواد ٍ قاطع ٍ لونه مثل لونه وأنا مع فارق الوقت أنتقل يا فارق التشبيه = تيامن رحلتي .. لو رحلتي ماهيب ميمونه ! على مقعد ذهاب اسنين من عمري ( حجزت أوكيه ) = تقادت .. والزمان الشين مفترٍ دركسونه سلمت امن أوله والله وأعلم ويش في تاليه = ضمنت الأوله .. والتاليه ماهيب مضمونه أسج الرجل .. وأطلق قيدها فالدرب يا ماشيه = ولا سجّيت والخاطر وقف .. واشطونه اشطونه !! شريط أفل مكراته لأبو زيد .. وشريط أطويه = وأبو زيد الهلالي يرفع احجاجه بحاجونه أبا أسوّي سواته .. وأعطي دروبه .. وأبا أجاريه = لو إنه مبتدع له سنة ٍ ما هيب مسنونه يا ليت الليل ما يمسي عليّه لا نويت أسريه = ويا ليته لا نويت أسري معه يمشي على هونه توجّهت ونسانيس الهوى ما تضبط التوجيه = تهب وتطرح الراس العنيد .. وتنصب امتونه أعارضها .. وأنا ما كل قاف ٍ طارف آغنّيه = وأخالفها .. وأهندب لي قصيد ٍ مـ / أعرف لحونه بغيت آقوم وأفرد كل ضلع امن الزعل .. وأثنيه = وخفت أقوم والصدر الوسيع يطيح مكنونه تحت محني محاديب الضلوع العوج .. فيه وفيه = شموخ .. وخاطر ٍ مكسور .. وابويتات موزونه تريّح يا ضميري لو أبكتب كل ما تمليه ؟ = أملّ امن القصيد ونص خلق الله يملّونه يحلّ الطاري .. وهذا محلّه .. والله ايحيّيه = وكان الله في عوني .. وكان الله في عونه أشبّ النار والجمر الحمر يحرق قدم واطيه = وأبو غليون جمره مـ / أحرق الاّ راس غليونه تقولون الطبيب اليا لقى له جرح ٍ ايداويه ؟ = تراكم تجرحونه بالكلام اللي تقولونه ! عقب دار الزمان .. وقرّ راسه .. وأزعله مرضيه = على راس الوعل من حر كبده كسّر قرونه يموت الشاعر اللي ليل عشّاق السهر يحييه = ويعيش الشاعر اللي من قصيده يخلص ديونه لو إنه ما يلفّ .. وكل مرّ يمرّه يحلّيه = على رجله يلف الحبل أبو عقده .. ( وأبو غونه ) صحينا بعد غيبوبة ملذّات الهوى والتيه = وصاحينا ليا جانا يجيب أفكار مجنونه ليا منه شهر صوته على ضلع ٍ عوى عاويه = عليه الذيب الأسحم كل ليل يحدد سنونه عسى الله يصلح الجمهور .. ويعافيه .. ويخلّيه = وحال الناس وشلونه ؟ .. وحال الشعر وشلونه ؟ يا حظ اللي تعلّق فالمساجد والله مقدّيه = قبل روحه تعلّق بين .. ( زرتمْته ) و ( حنحونه ) [/poem] وبس : ) |
أبك اصبر اصبر
ابي ارجع |
اشهد بالله انك مبدع
وليت التقصي جاي من مبطي لله درك لله درك لله درك |
،
حجز ، ملكي |
شاعر مبدع مبدع مبدع وكبييييييير يا عايض ..
ماشاء الله تبارك الله .. والله إن الكلام يقصر في مدح هذا النص .. حسبي الله على عدوّك ونعم الوكيل وبس :mad: |
هذا القصيد اللي يطرب البال
عز الله انك حبكتها حبك يا عايض صح لسانك بقدر جمال ما كتبت احترامي لك :wardah: :wardah: |
حجز
ولي عوده يا مبدع |
وحجز ملكي ثاني مؤكد
صح لسانكـ مقدما ياعايض اسمح لي بالبقاء هنا .. والا اقول لا تسمح ولن ابرح من هنا:icon_mrgreen: |
صح السانك ملايين وابشرك حال الشعر بخير وباحسن حال بوجود امثالك من المبدعين لله درك والله لايضرك تحياتي وتقديري |
صح لسانك ياعايض شاعر مبدع وجزل تحياتي وتقديررري |
يا سلام عليك
صح لسانك ولا هنت:SnipeR (69): |
<< يمديني أحجز يالربع و(آخذ الأوكيه) :icon_mrgreen: صح لسانك يا عايض ولي عوده :SnipeR (69): |
بغيت آقوم وأفرد كل ضلع امن الزعـل .. وأثنيـه وخفت أقـوم والصـدر الوسيـع يطيـح مكنونـه تحت محني محاديب الضلوع العوج .. فيـه وفيـه شموخ .. وخاطر ٍ مكسور .. وابويتـات موزونـه تريّح يا ضميـري لـو أبكتـب كـل مـا تمليـه ؟ أمـلّ امـن القصيـد ونـص خلـق الله يملّـونـه بغيت ابكي وانا خابر دموعي من ثلاث الوان اه ياعايض ياخي شعرك مؤثرمؤثر صح لسانك صح لسانك تحياتي |
يكثر الكلام والإعجاب
ويبقى ان عايض النفيعي لايشبهه الا عايض النفيعي صح لسانك وصح الشعر من بدعك الله لايضرك ويزيدك تقبل السلام والتحايا |
ينقص المدح شانها يا عايض ولا يوفيها
لله درك لله درك لله درك صدقني الشهادة في ابداعك مجروحه ودي ومتابعتي |
عايض النفيعي ..
مبدع من الطراز الفاخر .. تكتب بـ اسلوب لا شبيه له الا اسلوب عايض النفيعي .. ترضي الذائقه وتطربها .. وصدقني اننا في صدد توكيل لجنة تقصي خاصه فيك انت لحالك تطالبك كل اسبوع بـ قصيده في الشعبي وقصيده في المواهب و 7 مشاركات في الركن .. لا عدمناك ولا عدمنا ابداعك .. وجدد الاعجاب .. |
لله درك يابطل
هذا الكلام الي موصي عليه الدكتور .............. اذا قريت قصيدتك احس اني مرتفع عن الأرض ...... طبعاً طبيعياً :woow55: صح السانك والله ياعايض .................. عشان كذا انا طلبت هالطلب ........ ولو اني داري انها ماهي طازه .... هذي ماجات في ليل ونهار ......... هذي ابيات تكوه وبراد وزقاره . لله درك |
:
الله الله الله الله الله الله الله الله عايض .. هذا الشعر والا فـ لا ! قسم بـ الله انك أبدعت و أشبعتنا شعر .. لله درك من شاعر .. هـ المتصفح غيررررر .. لي أكثر من عودهـ هنا لـ الاستفادهـ لله درك |
العطاوي سلطان
إشادتك وإطرائك محل فخر لأخوك وإعجابك وسام مرحبا مرحبا |
هنا ..
ذهب صافي :) هنا .. شعر غير .. وإحساس غير .. عايض . إعجاااابي الكبير بهذا البدع الفاخر .. ومحبتي لكـــ:wardah: |
يـا حـظ اللـي تعلّـق فالمساجـد والله مقـدّيـه
قبل روحه تعلّق بين .. ( زرتمْته ) و ( حنحونـه ) صح لسانك شاعرنا ولاهنت على هـ الفااخرهـ تقديري لك,’’ |
الله
عايض النفيعي يالهذه الشاعرية المتدفقة وهذا الزخم الفكري و هذا العمق اللغوي دائما ما تأخذنا للبعيد في كل ما تكتب و تأبى علينا ان نمر مرور الكرام فـ تجبرنا على التوقف لنقرأ .. و تكافأنا و تمتع ذائقتنا عايض النفيعي تصغر الكلمات امامك مع كل نص جديد تقدمه صح لسانك اليوم وكل يوم |
| جميع الأوقات بتوقيت GMT +3. الساعة الآن 08:25 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية