قصة سقوط الوالد في البئر ( شعراً )
 

السلام عليكم

أولاً :
أحمد الله وأثني عليه أن سلّم أبي ومرافقه من الحادث الغريب ،
وهذه من رحمة الله بهما ، فله الثناء والفضل .

وثانياً :
طرا لي أسوي هالبويتين وأطلعكم عليها ، والحقيقه أني بعد مافرغت منها
عملت بحث عن الخبر ووجدته مطابق للأبيات تماماً غير أن الأخ ياسر الروقي وفقه الله

قال إن السائق أصيب بإصابات طفيفه ، ونقل إلى مستشفى المويه ، والصحيح أن الذي أصيب
هو أبي وهو المرافق وليس السائق ، والسائق لم يصب بأذى والحمد لله على نجاتهما .



أقووول :
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الحمد لله عد ماغرّد الطير=والحمد لله كل صبح وعشيه
والفضل له عد النجوم الزواهير=وأنا أشكره مادامت النفس حيه
بعد على أبويه جرن المقادير=ثم فكه المعبود رب البريه
فزع له الله عقب ماطاح في البير=أنجاه رب البيت وأنجا خويه
على الطريق بجيبهم تالي عصير=طريق صحراوي ودارٍ خليه
والخير غاشيهم مزونه شخاتير=كل الدير من رحمة الله رويه
والجيب صمم للزلق والوحل مير=ليا قضى الخلاق جات القضيه
من بين خمس بيار حول على بير=وطاح وتعلق بين جمه وطيه
وقسم المطافي سجلوا عنه تقرير=من قائد الطقم لوكيل السريه
ماطلعوه الا بحبل وشناكير=جو له بونش أنقاذ مافيه زيه
وطلع ولكن حاصلٍ فيه تكسير= وأنا بعد سلموا هله ماعليه
مافكهم ياكود وال التدابير=اللي يعلم البينه والخفيه
سالم يابوي وجعل فيما حصل خير=والشكر لله كل صبح وعشيه

[/poem]
...


وهذا رابط الخبر من جريدة الجزيره :

http://198.171.236.64/20110320/ln39d.htm





:mad:

ارحب ارحب


ابا ارجع اقرا القصه

الله يحييك ياسعود ،

أقرأ على راحتك ، اف لاكن ماتعلمني وش بالا المنسق مايشتغل عندي :0012:

<- وش درّا سعود .

حمد لله على سلامتهم


وصح لسانك انت وان شاء الله ماصاب الوالد من كسور طهور

صح لسانك وحياك الله يابوحوا

والحمدلله كل صبح وعشيه

اي والله الحمد لله على سلامتهم واجر وعوافي ان شاء الله

والله يشفيه ويخليه لك ويرزقك برّه دنيا وآخره

صح لسانك

ولاهنت

احترآمي

و
ج
د

الحمدلله العلي القدير على سلامة والدنا القدير

والله يرعاه بحفظه

ومنور يا بوحواء

للشعر معك حكاية طويله لا تمل

صح لسانك وسلم راسك

وشرفت مرقابك يا حبيبنا كلنااااااااا


..

يامرحباااا يابو حوا
الحمدلله على سلامة والدنا
واذا سلم راسه الباقي يهون
شرفت مرقابك وليتك ماتطول عنه

الحمدالله على السلامه



وصح الله السانك مليون

ودي وتقديري

الحمدلله على سلامة الوالد وخويه ياأبو حوا

وصح لسانك ياخي ولا عاد تبطي

الحمدلله على سلامته
هذا أهم شي بغض النظر عن الأسباب !

ابو حواء تواجدك مبهج في كل حالاتك
لك كل التقدير

اول شي الحمدلله على سلامة الوالد ومايشوف شر

ثانياً صح الله لسانك على هالرائعه

تحياتي لك

,

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الحمد لله عد ماغرّد الطير=والحمد لله كل صبح وعشيه
والشكر له عد النجوم الزواهير=والفضل له مادامت الشمس حيه
بعد على أبويه جرن المقادير=ثم فكه المعبود رب البريه
فزع له الله عقب ماطاح في البير=مدري قدر وألا بلاً من خويه
على الطريق بجيبهم تالي عصير=طريق صحراوي ودارٍ خليه
والخير غاشيهم مزونه شخاتير=كل الدير من رحمة الله رويه
والجيب صمم للزلق والوحل مير=ليا قضى الخلاق جات القضيه
من بين خمس بيار حول على بير=وطاح وتعلق بين جمه وطيه
وأهل المطافي سجلوا عنه تقرير=من قائد الطقم لوكيل السريه
ماطلعوه الا بحبل وشناكير=جو له بونش أنقاذ مافيه زيه
وطلع ولكن حاصلٍ فيه تكسير= وأنا بعد سلموا هله ماعليه
مافكهم ياكود وال التدابير=اللي يعلم البينه والخفيه
سالم يابوي وجعل فيما حصل خير=والشكر لله كل صبح وعشيه[/poem]

ابو حواء :_
الحمدلله على سلامة الوالد ,
وان شاء الله دفعت شر .. عنه وعن اهله وذويه ومن يعز عليه ,,

ولا عاد تبطي المرقاب وأعضاءه بحاجه لأمثالك :)


,,

ابو حوا :

الحمد لله على سلامة الوالد

وصح لسانك على مشاعرك الصادقه


تقديري

الحمد لله على سلامة الوالد يابو حواء , وجعلها دافعتن اكبر منها ,

وصح لسانك يا مطول الغيبه !

سالم يابوي وجعل فيما حصل خير
والشكر لله كل صبـح وعشيـه

يستاهل الشكر سبحانه ,,,

والحمدلله على سلامة والدك يلعبدربه وجعلها اخر الاحزان ...

تقبل اعجابي بمانظمت اعلاه ولاتحرمنا تواصلك ,,

الحمد لله على سلامة الوالد واللي معه يا ابو عتيق

وخطاه السوء ان شاء الله .. والله يطول بعمره على الطاعه ويخليه لكم ويخليكم له

والله ان توني ادري عن الخبر

واكره شي عندي في الدنيا .. جوالك :(

اسلم وسلّم ياخوي

أبو حوا ..

اولاً: الحمدلله على سلامة الوالد ..ومايشوف شر إن شاء الله ..

ثانياً: لماذا كل هذا الغياب عن المرقاب ياعبدربه ..:(

والله لكــ وحشه كبيره كبيره .. وأنت تعرف مقدار غلاتكــ بقلوبنا كلنا ..

أبو حوا نسيت أقول ..

صح لسانكـــ :wardah:

مافكهـم ياكـود وال التدابـيـر
اللـي يعلـم البينـه والخفـيـه
سالم يابوي وجعل فيما حصل خير
والشكر لله كل صبـح وعشيـه


سبحانه قدر ولطف..

والحمد والشكر له على سلامة والدك

وصح لسانك على هـ النص الفااخر

تقديري’,,

وعليكم السلام ورحمة الله وبركاته
هلا اخوي عبدربه
صح لسانك لاهنت
والحمدلله على سلامة الوالد وجعله مايشوف شر

،


الحمد لله على سلامة شايبك .. بفضل من الله ورحمه ،
صح لسانك ولاهنت كتبت يابو حواء وعيشتنا جو الموقف



تحياتي واعجابي يا ذيب كشب :11:

والحمدلله كل صبح وعشيه


أبو حواء

اي والله الحمد لله على سلامتهم واجر وعوافي ان شاء الله

والله يشفيه ويخليه لك ويرزقك برّه دنيا وآخره

سلامة الوالد ياعبد ربه نسوق عليها البشاير لحالها

حمدالله على سلامته والله يحفظه ويرعااه

وصح لسانك مليااار

تحياااتي