قالو(- بــدو -)
 

مع التحيه والاحترام لكل العبرين :wardah:

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قالو بدو قلت البدو له با المعالي منزله=قطّاعة البيدا وجو الخوف والذيب يعوي
ماحوّلو عن هامة العليا وهام المرجله=وافعالهم نجم(ن)على البارز من الذل يهوي
البدو لا حصلت بيت(ن) با الرفاعه هم هله=والنار حيه وبسناها تشوي الخيبة شوي
مايكسبون الاّ اصعب الحاله ويرمون اسهله=واسهلهم اللي من فناجيل المعزه مرتوي
البدو فوق الارض طول وعرض ما احد(ن) يجهله=عز الضيوف وطيبهم مكشوف والصيت رهوي
عز الدخيل وحاكمين الخيل وقت الزلزله=عز الرفيق وحافظين العهد وسناد الخوي
عادتهم فوق النجوم ولا تنوش المهزله=ما يستوي طبع بدوي والمهزله ما يستوي
البدو تاخذ من سمو الروح للروح اجمله=وتبني على متن الشموخ الحس فوق المعنوي
وان جات مأساة النهار وراحلتها غربله=ما يخضعون لسطوة الميقاف لو هو مأسوي
يردون صعبات المناهل منهله مع منهله=واللي عليها ينطوي واللي تحتها ينطوي
ومن الوفا زرع السنابل سنبله في سنبله=والكل منهم للسنابل من قناعه مهتوي
وانا بدوي(ن) علّق القربه على جنب جمله=ولا لويت من الحضاره شي بحروفي لوي
انا بدوي(ن) ما عمل با الغش من ضمن عمله=يعمل على كسب الوجيه الفالحات ويحتوي
قالو بدو قلت البدو له با المعالي منزله=قطاعة البيدا وجو الخوف والذيب يعوي[/poem]

أنت شاعر لســت مجرد ناظم

لا جديد سوى الإبداع :wardah:

صح لسانك

ولاهنت على هـ الشامخه

تقديري’,,

يــــردون صـعــبــات الـمـنـاهــل مـنـهـلــه مـــــع مـنـهـلــه
والــلـــي عـلـيـهــا يـنــطــوي والــلـــي تـحـتـهــا يــنــطــوي


بغير قصور بباقي أبيات القصيده كل بيت عن قصيده لاهنت يا الرمالي


على الجزل والثمين مليون صح السانك

مرزوق

لله درك يامبدع

وانا بدوي(ن) علّق القربه علـى جنـب جملـه
ولا لويت من الحضـاره شـي بحروفـي لـوي



صح الله السانك يا مبدع


ودي وتقديري

لله درك يا مرزوق

درّه يفتخر بها كل بدوي اصيل

اعجابي اللا محدود

وصح لسانك بلا حدود