ما بكيت آعز ربعي عشان ابكي عليك
 

[poem=font="Simplified Arabic,5,darkblue,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""] راحت الليله وأنا بين ذيك وبين ذيك=لادحجت بذيك هاذيك رحت أزمّها
هيه ياأللي ماعلى الأرض منك الا أقدميك=أفتح سموعك وبعدين عود صمّها
أحتريتك وأحتريتك وبطّلت أحتريك=طافتك كل المشاريه منتب يمّها
كنت مغرم فيك حد الجنون ومهتويك=كنت نفسي في محبتك مهدر دمّها
كنت أحبك حسبك الله سوات أمك وأبيك=ومن عذلني فيك رديت ياويل أمّها
رح وتلقى بالمخاليق واحد يشتريك=وهات لليله تميمه وبكره سمّها
والا أنا ماعادبي عرق ينبض مشتهيك=شحّت آبار المشاعر براهي جمّها
أحتزمت لساعة البعد من قدام أجيك=وجعل عيني للعمى كان بلّت كمّها
مابكيت آعز ربعي عشان أبكي عليك=قدّم الفرقى بيمناك وأنا عمّها
وألله أللي ما مع أسمه يابو شامه شريك=أني أقوى من جروح الفراق وهمّها
جاك ماعندي وآبشّرك بطلت أحتريك=أجمع أوراقك بكرتون ورد ولمّها[/poem]

الله الله الله

حبكة شاااااااعر رغم العنف : )
بس تركيب وشعر شعر
صح لسانك والله

الله عليك ياسليم

مبدع وجزل وفي انتضار جديدك


صح لسااانك مليااار

تحياتي

عنيفه يا سليم
ولكنها قمة في الشعر
صح لسانك * صح لسانك
ومرحبا بك بيننا

جميل جميل والله يانت قوي

الو كاد الله لا يضرك وصح السانك


دمت بخير

الله راقت لي وسلم بوحك ودام ابداعك يامبدع

صح لسانك ياسليم ولاهنت رائعه جداً


تحياتي وتقديري
:wardah:

سليم سلمانـ ... يا والله يا ويل امها :)




صح لسانك ولا هنت

الله الله
صح لسانك وبيانك جميل ورائع
مودتي لك .
:wardah:

هلا .. يا سليم سليمان .. ومسهلا

والله يحييك في مرقابك وبين اخوانك

مصافحة شاعر بدعه رهاوي عز الله

زادك الله من فضله

وصح لسانك مدد وانا اخوك ،

..