الحنظلـــيله ...
 

اسعد الله صباح الجميع
بكل خير وعسى الجميع بخير على الدوام



لتجديد التواصل
مع مرقابنا الغالي ..
بويتات ولاتحسب قصيده ..




[poem=font="Traditional Arabic,5,crimson,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
البارحه ماهي مثل كل ليله = البارحه بلحال وايامي لحال
ليلة عميل ٍ منقّرص من عميله = واهمومها هجن ٍ بلا قيد واعقال
اضوَق عليْ من خرم شوكَة فسيله = واطوَل عليْ من مركض ٍ في رجا اللآل
منلاث كنّي غادر ٍ لي قبيله = اضعفهم اللي يقسم الصخره اوصال
والضيق جمره والحنايا فتيله = ولاجيت اباانسم تقل فالصدر سلاّل
والعين كن ارموشها من نثيله = حمر ٍ مخليّها السهر عين رحّال
ماينفع المشحون راس الطويله = ولايكمد الحاسوس تتن ٍ وفنجال
من كلمة ٍ جتني تقل حنظليله = من صاحب ٍ سلمّْته الحال والمال
المترف اللي في عروقي مقيله = وغلاه. غيثه وسم وايامه اطوال
اقرب لي من انفاس جاش ٍ يشيله = وابعَد عليْ من ملمسي نجم واهلال
نوب ٍ بليّاه العمر عزتي له = ونوب ٍ حياتي معه ماهي على البال
ازريت اعدّل فيه صَعْبِه وميله = مثل الحمل لو حِرّك بقوه انهال
ماعاد تنفع فيه أيّات حيله = الا لاراح النير مع وسط خلخال
يمكن تغيّر فيه حاجه قليله = لو كنت ميّس ياس فزعه من الذال
ملافظه قسوه ونفسه بخيله= ومكابره يشعرك ماانته برجال
وعناده اقوى من عناد الكحيله = اللي مصارعها ماهي لكل خيال
ارياه عميا والثقافه عليله = وحساس وادنى شي يثّر على الحال
ويبغى العطا له غيمة ٍ مستسيله = وهو مايعطي لو كبر حبّة الخال
الله يبيحه كثر طَش الجديله = على جبين ٍ فيه للزبْد مدهال
الزين لو هو وصف نادر فصيله = لاجا عقيم اطبوع ما سيم بريال
والرجل عقله فالمواقف دليله = والبحر ينسف ما فبطنه على الجال
وتدري متى الفرحه تجي مستحيله؟ = لااغليت لك واحد يقهويك الاهمال[/poem]




وسلامةالجميع ...

وتدري متى الفرحه تجـي مستحيلـه؟
لااغليت لك واحد يقهويك الاهمـال

هذي مالها حل : )
ياسلام عليك يابو علي
قصيده جميله وتمكن واااضح
صح لسانك

الله الله
صح لسانك مدد
مودتي

هذا والله الشعر الحقيقي ياعبدالله وش بقول مااقول غير الله يكثر من أمثالك يا فخر الشعر
صح لسانك وبيانك يا أستاذي :wardah:

صح لسانك يامبدع ملايين قصيده جزله ومحبوكه


تحياتي وتقديري
:wardah:

والعين كـن ارموشهـا مـن نثيلـه
حمر ٍ مخليّهـا السهـر عيـن رحّـال

صح لسانك ياعبدالله
رائعه يارائع
ودي

الله الله

الله الله


قصيده يشدّك تسلسلها وجزالتها ..
ولا يتقنها الاّ شاعر شاعر

القدير/ عبدالله العلي

أبدعت في هذه الفاتنه اللي تشدّك من من المشد للقفله

صح لسانك
صح لسانك

الإعجاب والتحيه

الله الله


صح لسانك يالطيب



ولاهنت

عبدالله العلي
تأكد ان اي تعليق اكتبه
اراه في نفسي اقل من حق هالدره الشامخه

صح لسانك " ترليون مره "

من اروع ماقرات في هالايام يشهد الله


صح لسانك يا " جبل "

لا والله قصيدة ورائعه بعد

ممتعه وجميله

صح لسانك مدد يا بو عابد

وسلمت ،

وتدري متى الفرحه تجـي مستحيلـه؟
لااغليت لك واحد يقهويك الاهمـال


مبدع حرام باللي خلقك وخلقني انك مبدع





وخلها على الله وانا اخوك





تحيتي لك

الرجل عقله فالمواقف دليله
والبحر ينسف مافبطنه على الجال

ياسلام الله عليك يابوعلي

من القلب الى القلب

صح لسانك ولاهنت