ياضيقة الخاطر متى فك الحصار
 

[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ألليل طرّف وأقبلت شمس النهار=وأنا عيوني ماكحلها نومها
لاجيت أبا أرقد دق من خلف الستار=قلبي وزفراته سريت أزومها
ياضيقة الخاطر متى فك الحصار=عني وعشر أيام نذر أصومها
صارت معي واقع ولا عنها فرار=ياشين عثرات البخت وقسومها
مايذبحك لا شك مثل ألأنتظار=وألنفس لا منك قعدت تلومها
وراع أليمين اللي يصافح باليسار=ويمناه محدً عارفً وش قومها
أثر الليال السود بالعمر أختبار=تعطيك بالمجان كل علومها
وأنا عطتني علم واضح للكبار=مير أنعكس في ناظري مفهومها
لكن فدى ياهاجسي ماصار صار=واصلاً طموحاتك فدى من يومها
الحظ لو زيته على راس العيار=در المتاوم دوب يكفي تومها
أضحك على الأخلاق ياحسن الجوار=وداوم على العادات حسب سلومها
مافيه داعي للتشبث بالحوار=بكره حوارينا تهد عقومها
ثم تصحي النيام ويطير الغبار=وتقوم خلق الله تحك خشومها
أنا معك لكن ماعندي قرار=وألبشت ماتاسعك كل كمومها
مجبور أجنب عنك رهبه وأنكسار=مالي بظالمها ولا مظلومها
والغاده اللي ماتجي دون إنتحار=لو أبتعد عنها تشق هدومها
أحيان أدورها تحت حذف الشرار=وأحيان لو أشوفها ما أسومها
راحت بعيني دون من حب البهار=ولا عاد يغريني شذا يشمومها
لو أني آخذها بعين الأعتبار=ويلزمني الميقاف في ملزومها
عذري إذا قابلتها ذاك النهار=ابقول عيني ما صحت من نومها
[/poem]

صح لسانك

راحت بعيني دون من حب البهـارولا عاد يغرينـي شـذا يشمومهـا

ياضيقة الخاطر متى فك الحصـار
عني وعشر أيـام نـذر أصومهـا
صارت معي واقع ولا عنها فـرار
ياشين عثرات البخـت وقسومهـا


صح لسانك يـ الشاعر

ولاهنت على هـ الفااخرهـ

تقديري’,,

صح لسانك يا سليم

ولاهنت

ياسلام ومليار سلام

جزلة المعاني سبك وحبك ومستوى راقي



يصعب على غيرك


جازتلي ذا الدرة

تقبل مروري واجمل تحاياي

أثر الليال السود بالعمـر أختبـار
تعطيـك بالمجـان كـل علومهـا


الله .. الله
مبدع بكل ماتعنيه الكلمه

حضورك ( ألق ) يا سليم ، ولك كل التقدير

صح الله لسانك

شعر وشعور وحبك وسبك

لاهنت

يالغالي

الرائع .. سليم سليمان


حضورك مميز يعلم الله
وقصيدتك اعلاه غارقه بالعذوبه
وفريده في تركيبها

مجبور أجنب عنك رهبه وأنكسـار
مالـي بظالمـهـا ولا مظلومـهـا


الله الله

صح لسانك بلا عدد
مع صادق الاعجاب ،،

..

لاهنتي ... وصح الله بدنك يــ أوختاه