يا صاحبي !!
 

[poem=font=",5,black,bold,normal" bkcolor="transparent" bkimage="" border="double,4,black" type=2 line=0 align=center use=ex num="0,black""]
ياصاحبي خل العلاقة بيننا حسب الآصول = علاقة الآجواد واصحاب الوجية المنورة
علاقةٍ تبقى على مرَ اليالي ماتزول = لو ما بقا لاهل الوفا موطن ولا ظل اشجرة
خلك معي مانستمع ياصاحبي من كل زول = بالذات من ناسٍ تحب التفرقة والشوشرة
العالم اللي مالها مع حضرة الطيَب قبول = ماعاد يفرق هرج واحدهم عن آهروج المرة
مدري يشيلون الحمول إليا اوكلوهم بالحمول ؟!!= اللي امتوكد منه : ياطيب العرب فالثرثرة
لو كان ما كل الحكي راعيه يتليه ابفعول = مثل الحياض اللي تخرخر : فرَغتها الخرخرة
تعال ابشرح لك ظروفي والزمن لازم يهول= والخاطر المكسور صعب ان التناسي يجبره
انا انهبت عقلي هنوفٍ عند لحظات الوصول= فدبي وانا واقفٍ فالصف .. قالت معذرة
تبسمتلي واستحت ثم لفت الوجه الخجول = بلثامةٍ فتنة تزيّنها العيون المبهرة !!
تمشي مثل مشي القطا // وانا غديت امن الذهول = تقول واقف فوق روضة تحت مزنة ممطرة
ثم اوقفت وقفة آناقة .. واهرجت هرج امعسول = امصارحة بالعشق واعيون المحب امعَبرة
ثم اطلبت تبغا تشوف التذكرة وشبي عجول ؟!!= والعشر عندي عودت ثمان ماهي بعشره !!
عطيتها لو كنت اداري سيرتي عرضٍ وطول = ولافقت غير ابعطرها مسكوب فوق التذكرة
من يومها سهم الغلا ماله وسط قلبي نزول = عدّا على الرقم القياسي فالمحبة واكسره
هي سلوة المشتاق مدري ويش اوصف ويش اقول = كل الحلا والزين في عيني نصيب : الجوهرة !!
لكن طبع الوقت يقتل كل الآامال ويطول = هامات الآحلام السعيدة والخيال يبعثره
هذي ظروف الدايرة من بيننا اليومه تحول= وطاح الجمل وادمت طعون// وطار فالجو اغبرة
صحيح مومن واتبع القرءان واقوال الرسول = من شان هذا : باسئل الرحمن ربي واذكره
يستر عليها امن الحسد واضعاف الانفس والعقول = اللي يحسبون الغصون اليابسة كالمثمرة !!
مدري من اجروح الهوا // ولا من اهروج الخبول ؟!!= قمت اتغاضى عن بعض .. والبعض ارده وادحره
ولاشك ما للناقصة في ديرة الحكمة ذلول = والعذر ما هو شرط ذنب اللي تعذَر يغفره[/poem]

الله الله الله

ياسلام ياسلام

عزالله ابدعت واجزلت

وطربتنا يالسنافي

ومتابعين لك

جميل جميل



قصيده بمعنى الكلمه وابداعيه




شعر شعر شعر


هنا




لاهنت




صح السانك وطاب فالك




تحيتي لك

يا أخي نفسي أعرف كم عمرك

تجربــتك تجربة شآعر كبير
ابياتك متزنه وقصيدك بنمط متطوّر


توحيني ..:

الله لا يضَرك

الغالي


هزاع الشيباني



ـــــــــــــــــــــــــــــــــ


رائـــــــــــــــــــع في هذه (( الجوهره )) ...

صح لسانك .... لين ترضى




ــــــــــــــــــــــــــــــــــــــــــــــــــ ـــــ

لكـن طبـع الوقـت يقتـل كـل الآامـال ويطـول
هامـات الآحـلام السعـيـدة والخـيـال يبعـثـره

صح لسانك ياهزاع
طبت وطاب حرفك
تقديري لك

طيب طيب ياراعي دبي :)

هزاع الشيباني
وحضور آسر بكل ماتعنيه الكلمه
من وقفتك في الصف مروراً بإنسكاب العطر على التذكره حتى الإقلاع :)

لله درّك

هزاع

صح الله لسآآآآآآآنك حتى ترضىآ

ابداع × ابداع

والله لا يغير عليك

سجل متابعتي واعجابي

دمتآ بـ صحه وعافيه

تشكرآآآآآآآآت