إبن عبيان..=ماكان نقراء للسديـري وراكـان
 

مساكم شعرقرأ المرقاب اعضاء وزوار اضع بين ايديكم رد الشاعر مطلق بن عبيان على قصيدتي
والتي وجهتها له من خلال المنتدى الشعبي فأنا ومن باب الأمانه نقلتها الى هذا المتصفح
لتصافح ذائقتكم. علماً ان الشاعر سبق ورسلها من خلال الردود وأنا أرى أن المرقاب
الشعبي أجدر بإحتضان أحرفها الذهبيه


[poem=font="Simplified Arabic,5,sienna,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
طالت مراكيض الخيول الاصيلـه=على شرف فارس وبيرق وميـدان
ولاحت لي بروق الوسم فالمخيلـه=واستبشر الخاطر وغنى على شـان
صفراً مزاهبها السيوف الصقيلـه=تقلط ليا حان اللزز والفعـل بـان
لوماجزيل الشعـر يفحـم هزيلـه=ماكان نقراء للسديـري وراكـان
لكـن ياحمـدان راع الكحيـلـه=الحق على المليون والصبح مابـان
امايقولون الـك: مافيـك حيلـه=والايشيد بك العميمي وغسان
جمايل الدنيـا ولـو هـي قليلـه=اهمّهـا واعمّهـا عنـد الانسـان
معرفة اصحاب الامـور الجليلـه=اهل الحزم والعزم والعقل والشـان
تاخذهم القدره فصيلـه فصيلـه=اصحاب واحباب وطوايف وخلان
الصالحين اهل الصفـات النبيلـه=الهم على القمـه محجـه وبرهـان
والطالحين اهـل النوايـا الهزيلـه=معهم ليا جت للصمايل عمى اللوان
وانته مجمـل والشعـور الجميلـه=تعبير واحساس ومشاعر ووجـدان
والهرج يكفي عن كثيـره قليلـه=قالوه قدامـي وانـا اقولـه الآن [/poem]

غريبه وين اهل المرقاب ماسيرون ع هالنص الشااامخ

ولاعشان عضويتي جديده ومحد يعرفني منكم ردو ردو على المشاركات
لانزلتها ولاترى بشيل عفشي ههههههههههههههه