ألفيّه
{ الســـــلام عليكم ورحمــة الله وبركآتـــــه } :wardah: صبــَاح / مســَاء : الخيــر . / أتمنـّى تكونون بـ أتّم الصحـّـه والعافيـه أقدم لكم قصيـدهـ [ عسى أنْ تحوز على رضـاكم وإستحسانكم ] بسم الله الرحمن ببدا كلامي ،، وأقول شي"ن" في ضميري من العام برتبه وأمشي بحسب النظامي ،، مدام انا فالشعر لي بصمة إبهام ألف"ن" أولف من جزيل الكلامي ،، ثمّ ارتفع به فوق رفّات الاعلام والباء بنام ولا يجيني منامي ،، من حظي اللي نايم"ن" طول الايام والتاء تعبت من الضرم والعسامي ،، يادلة "ن" فيها السعاده بالاوهـام والثاء ثلاث سنين قصة غرامي ،، بين الذنوب وبين تكفير الآثام والجيم جبت العيد قبل الصيامي ،، عيد ا لفراق اللي من الهم ماصام والحاء حظي مايقدر مقامي ،، وليا نخيته ماسمعني ولا قام والخاء خلاص الطير ماعاد حامي ،، طير السعد في ماكره صار منظام والدال دمع العين عرا عظامي ،، من لحم جسمي صاير كلي عظام والذال ذنبي واصلن للغمامي ،، بلاني اللي يأمر بقطع الأرحام والرا روى غيري وانا مت ضامي ،، ماذقت حلو الماء لو انه بالاحلام والزا زعيم همومي اكبر حرامي ،، يسرق لذيذ النوم أسهر ولانام والسين سقت الرجل وقت الظلامي ،، بديار مافيها دروبن للأقدام والشين شابت ضحكتي بالفطامي ،، أجامل ببسمه وانا حزني اكوام والصاد صار الوقت ضدي محامي ،، والجور ظالمني ويصدر بالاحكام والضاد ضاقت بي فجوجن ظوامي ،، باب السعه مقفول باقفال ولحام والطا طويت الجرهديّه جهامي ،، وجيت البحر والموج للموج لطام والظا ظروفي مثل سهم ٍ ورامي ،، وانا الضحيه والوعد صار قدام والعين عفت الما وعفت الطعامي ،، أجوع من همي على كثر الانعام والغين غافل لين جاني ملامي ،، والحين اداري كل شامت ولوّام والفاء فقدتك بإكتراب الحزامي ،، ياللي من اول خابرك درع وحزام والقاف قاري دروس في كل عامي ،، ولا ارتفع صفحه ولا جفت اقلام والكاف كل مامسيت مدري علامي ،، ياعقرب الساعه تباطيت الارقام واللام لو الحزن عضة إبهامي ،، مآكآن صار الشعر لوحه ورسام والميم ما تشهد يابدر التمامي ،، اني نديمك بالسهر كل الاعوام والنون نحت وناح ورق الحمامي ،،والحزن له صوت" على طول رنام والهاء هرجت ولا تحقق مرامي ،، ضايع كلامي بين بايع وسوام والواو والله ماتثير إهتمامي ،، الهرجه أللي بين لاش" ونمام والياء ياخلاّق احسن ختامي ،، في جنة الفردوس يارب الانام وختامها مني صلاة وسلامي ،، على نبي الله في دين الإسلام وسلامتكم :wardah: |
والزا زعيم همومي اكبر حرامي ،، يسرق لذيذ النوم أسهر ولانام
صح لسانك ياضيف الله كتبت وابدعت قصيده ولا اروع احترامي وتقديري ولك:wardah::wardah: |
اقتباس:
مشـاري البدراني / حيــّاك الله والروعــه مشاهد ناظرك لـ المتصّفح .. الله يسعدك وصحّ بدنك ، لاهنت على هالمــــــرور .. [ وكل ودي ] :wardah: |
ضيف الله العالي
صح لسانك وتقبل مروري وتقديري |
اقتباس:
صح بدنـــــــك ،، ولا هنت على هـ المرور " .. تحيتي .. " لك :wardah: |
اللهم صلي وسلم على نبينا وحبيبنا محمد بن عبدالله
صح لسانك يا العالي على هالبدع الجزل أعجاب وتحيه ولاهنت :) |
اقتباس:
وصحّ بدنك ، ولاهنت على هـ المرور ، العَطِر :wardah: |
ضيف الله العالي
لا الجم الله لسانك ولا شلّت يمينك ابدعت ابدعت ابدعت :) دمت بخير |
،
الفيه راقيه من شاعر مبدع ، ضيف الله يا مرحبا ومسهلا في مرقابك وبين اخوانك سعيد بتواجدك واسعد بمصافة ابداعك .. صح لسانك يا مبدعنا وتأكد اني متابع لكل ما تكتب اخوك:خالد السيحاني |
اقتباس:
كديميس السيحاني / ارحب ، وعسى ربيّ يسعدك على هـ المرور الابداع مرورك ،، دمت بصّحه وعافيه :wardah: |
صح الله لسانك
وبيض الله وجهك يالسنافي مبدع مبدع |
اقتباس:
وصحّ بدنــــــك ،، ومتابعتك " والله اني افتخر فيهـا ، وهذا شيء محفّز بالنسبه لي وقوّاك الله اخوي خالد لآهنــت على المــرور ، الجميــل :wardah: |
اقتباس:
يابعد راسي .. { سلمت ، ولا هنت } .. فايق التقدير والإحتراام لسموّك .. :wardah: |
| جميع الأوقات بتوقيت GMT +3. الساعة الآن 10:56 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية