شاعر الملك
 

بسم الله ،

دوكم ،


يا هاجسي لا مرّك الركْب المُهيب أنه الجدال
ما في جلوسك خير ! ، والعالم تسوق (إ)زمولها !!

حتّى لو إنّك ماعزمت إلاّ أمس ، باقي لك مجال ،
(إ)سبوقنا تسبق (إ)سبوق الركب قبل وصولها !

في مدح رجلٍ يستحق المدح عن كلّ الرجال
بأجمع شعوري في قصيده له وأروح آقولها !

وأنا أدري إنّه نايلٍ من نشأته ما لا يُنال !
(إ)من المعادن له ذهبها ، والدُرر له لولها !

ولو قلت فيه أعظم من أعظم شيّ في شخصه يُقال ؟
ما تنصفه لا بنية أبياتي ولا مدلولها !!

ملك بطش فالكايده وأصبح لها مضرب مثال !
ما فيه شيٍ عنْه من يومه ظهر يحولها !!

من يوم شفته شفت فيه (إ)من السما بعض الخصال ،
اللي لو الجزله تطاول عنْه غصب (إ)يطولها !!

الأوّله مدّة يمينه كنّها وبل الخيال !
و مزون خيره من وفا ما ينقطع هملولها !!

وأكبر دليل إن مدّته ضربٍ من (إ)ضروب الخيال ،
خاناتها ، بعض الدول للحين ما وصلوا لها !!

والثانيه عن حرّ شمس القيض فـ غيومه إظلال !
والثالثه ، رحَابته تكفّ الأرض بـ طولها !!

عفواً .. !! / ترى وصفي هذاه الفال يقفاه العقال !
ما أجدت وصف الهامه العليا ولاني حولها !!

وش لون أوصّف بالسما كامل ؟! و لله الكمال
وسود الليالي عادةً ترخي عليه سدولها !

لا والله إلاّ كون ، يجمع كل زين ، وبإعتدال !
مفاخرٍ ما زاد ثابتها على محمولها !

فيها من المُمكن عدد ، وهناك شيّ من المُحال !
ما غيّرتها الازمنه تشرينها وأيلولها !

و قريحتي قالت بعد ما صاغٍ كلٍ به وقال
من قولها في ذمّتي ماهوب من منقولها !!

:wardah:

ماشاء الله ,


عفواً .. !! / ترى وصفي هذاه الفال يقفاه العقال !
ما أجدت وصف الهامه العليا ولاني حولها !!

دُره نفيسه ,, ياماجد صح الله لسانك ,

وفالك الفوز ياراعي الجــزله (hrt777-

فالك شاعر الملك

صح لسانك مدد والله يالامير

من يوم شفته شفت فيه (إ)من السما بعض الخصال ،
اللي لو الجزله تطاول عنْه غصب (إ)يطولها !!

الأوّله مدّة يمينه كنّها وبل الخيال !
و مزون خيره من وفا ما ينقطع هملولها !!

عساه ماينقطع هملولك ياماجد
وصح لسانك ويستاهل حبيب الشعب والله يطول بعمره
ويلبسه ثوب الشفاء والعافيه
اللهم آمين

سبوقنا تسبق سبوق الركب قبل وصولها.
كفو ياماجد وانت من اللي ليا حضروا جمّلوا عسى عمرك طويل
وصح لسانك.

صـــــــــــــــــح لسانك

عفواً

( 6 )


: )

هلا اخوي ماجد
صح لسانك لاهنت
قصيده رائعه
والله يحفظ الملك عبدالله ويطول عمره

صح بدنك
يا مصلح
زميل الدراسه العزيز
لاهنت

الله الله

ياسلام يابو هلال


شاعر متجدد اللهم لاضرر


صح لسانك .. وتمنياتي لك التوفيق


تحياتي ياصديقي

صحّ بدنك ،
مرورك فخر يا عبيد ،
لاهنت

حتّى لو إنّك ماعزمت إلاّ أمس ، باقي لك مجال ،
(إ)سبوقنا تسبق (إ)سبوق الركب قبل وصولها ...

حتى لون الوقت ضيق بس ماجد قادر على ان يروض القفيان
صح لسانك ... باالعربي ولانقليزي عندك ماعرف له هههههههه
لاهنت ولاهان بوحك وابو متعب مهما قلنا عنه لانوووفيه حقه
.....تحياتي الاسمووووووك..

بيض الله وجهك ياابو هلال

شاعر جزل وفاااالك التوفيق

الله عليك يا أبو هلال

شاعريه متجليه وثقه في مكانها

صح لسانك
صح لسانك
صح لسانك

وفالك الفلّه واللي في حوشها : )

بأجمع شعوري في قصيده له وأروح أقولها

يا سلام على اللقطه الإحترافيه

سلطان ،

فالك التووفيق ..

شاكر لك مرورك ..

لالالالا هنت

ماشاءالله تبارك الله
صح لسانك يبوهلال

مبدع في كل المحافل كعادتك ،،
بالتوفيييييق

ولا هملولك ..
صحّ بدنك ،
وشكرا لمرورك المختلف
لاهنت

صح لسانك ولا هنت

قصيده وافيه يالقرم

فالك التوفيق

هاذا القصيد للي عليه العلم ياماجد هلال
عزالله انك سابح ن عرض البحور وطولها

صح السانك جززززززززززززززززززززله

صح بدنك
ماعليك زود
والله لا يهينك
حضورك شرف

صح لسانك

ولاهنت على هـ الشامخه

تقديري’,,