ضحكتي من قلب راحت ..؟
/
\ إبتدى ليلٍ ظلامه..مبتدى قصة عذابي..! .................وحشةٍ مالي مفرّ ولاّ قدرت افتكّ منها آآه ياوقتٍ قضيته طفل والعب في ترابي ...............ليتني باقي على حالي وحالي وش محنها..؟ ضحكتي من قلب..؟راحت مع مراح اردى صحابي .....................والنتايج ماجهل مردودها قلبٍ ضمنها لا بغيت ابوح سدي..!ذاب في حلقي جوابي ..................عزتي تفرض مكانتها وعطفي مادفنها جفت عروق السوالف وذبلت زهرة شبابي ..................والهجوس مقيده يادوب ياصلني رسنها ماحزنت إلا على باقي مشاعر في كتابي ..................هيّ لقت مسكانها لكنّ وين إللي سكنها..؟ رحت ادوّر لي وطن يحضن شتاتي وإنسكابي.! ....................مالقيت إلا وجيهٍ..حزنها يفرش كفنها ليه مدري..؟ قلت يمكن جربوا حزن إغترابي ..............وأكتشفت إن العرب..في شامها تبكي يمنها كنت أحسب إني لحالي شايلٍ فوقي زهابي ....................أثر به ناسٍ تعيش الجور والسبه وطنها ولا فرحت إلا على ضحكت كتابي في غيابي ....................لافقد عيني ودمع جفونها وإللي حزنها..؟ وما هويت إلا الطموح إللي على القمه رقى بي ..............ودي اتنفس هوى الأمال..؟واركض واحتضنها..! ليت مرسول الأماني يلتفت ويشوف ما بي ..................ليه؟ لا حصّل شيوخ المال في لحضه زبنها.! والله إني ذاخرٍ ليّ كنز في داخل حسابي ....................عشت إبه شيخٍ عزيز بهيبته يأمر وينهى ولا لبست إلا على قدي وتعرفني ثيابي ................والزمن ليّ فيه مبدى والخطا تتبع زمنها..؟ يامتى.!حظي يجي في غفلتي ويدق بابي ................لين اشوف الفاتن تعانق مشاعر من فتنها شفت بـ أيامي قلوب اسود من جناح الغرابي ...............والقلوب البيّض مسجونه ولا أدري من سجنها في غياهيب النوايا مايقديني صوابي .................الصدور قبور..بس الرابح اللي ما ومنها..! الله إنه لا يضيع ليّ من الصبر إحتسابي .................مابقى رجوى ورجوى الناس قد صديت عنها هبّ..ياضوح السراب اثرك سرابٍ في سرابي ..................ما أنت مروي ضاميٍ نفسه من آمالك طعنها تبت من طردك سنين وخاطر المجروح تابي ................بس قلي راحت الاعصاب كم يسوى ثمنها...؟ / \ |
جيت بـ/أقتبس بيت و شفت إني بـ/إظلم بآقي الابيآت
قصيده كامله متكآمله / و البيت منها عن قصيده صح لسسآنك ملـيـون و لآهنت على الجزآلـه :wardah: |
على بالحرام من الاربع
انها قصيده في غاية الروووعه مبدع لاعدمتك |
شفت بـ أيامي قلوب اسود من جناح الغرابي ...............والقلوب البيّض مسجونه ولا أدري من سجنها في غياهيب النوايا مايقديني صوابي .................الصدور قبور..بس الرابح اللي ما ومنها..! الله الله فيحان القرمودي ما اجملك جعلت للشعر مذاق خاص هذا الصباح بذكاء استعرضت شاعريتك و استخرجت لنا درر وجدانية تمتع القاريء المتذوق هنا .. شعر يستحق الإعجاب قوافي عذبة و صور متفرده و ابيات آسرة .. اعدت قرائتها لأكثر من مرة اعترف انك كتبتني هنا .. وكتبت آخرين غيري يحملون في قلوبهم ذات الوجع حتى شاركناك الألم , و الحلم , والحيرة , والضيق , والصدمة و صارت ( الآه ) صوتا عادلاً لهمساتك فيحان القرمودي صح لسانك |
سلطان الكامل وجه الله
لك من الشكر اعذبه واصدقه ولك تحاياي بقدر فهمك للشعر ومايحتويه من معنى لمتذوقيه شكراً لك |
عبدالله السمران
الله انه يزيدك ويجعل حياتك سعاده الروعه لاغيرها حضورك شكراً لك على تكرمك وحضورك:wardah: |
الأخت دارين
عندما يثق الشاعر بمستوى مفهوم القارئ فإنه يتأكد بوجود إناسٍ تفهم مايقوله فيجيد ويتعب على مايقدم لكِ و يجد ماهم أهلٍ لما يكتب انا كتبتك هنا وإنتي كتبتيني بجميل حرفك لك جميل عبارات الشكر والإمتنان لما قدمتي..صح الله بدنك وأتمنى بإن تكوني عوناً وإنصافاً للمشاعر شكراً لكِ بقدر حرفك الذي جدتي به هنا / تحياتي:wardah: |
اقتباس:
يا سلام يا سلام الله عليك يا فيحان القرمودي ابداع × ابداع وعزالله انك آطربتنا على هالصبح بهذه الفاخره صصح لسآآآآآنك حتى ترضىآ ولاهنت وبآنتظار القادم تقبل ودي وآعجابي وهاك >>> :wardah: تشكرآآآآآآآآآت |
مرحبا اخوي محسن
اشكرك على:wardah: واشكرك على المرور هنا وفي قلب من كان هنا صح الله بدنك وإعجابك ومتابعتك تسجلت بإسمك في نوتة الذكريات لك اصدق التحايا وأفخمها ,, |
ضحكتي من قلب..؟راحت مع مراح اردى صحابي
.....................والنتايج ماجهل مردودها قلبٍ ضمنها هذذا اقوى بيت قريته والأبيات اللي باقيه اقوى منه لو انه هو اقوى بيت والباقي مدوي الوكاد انك مبدع من اول حرف وهوا حرف (الألف) لاخر حرف وهوا حرف (الالف) لاهنت :wardah: |
ياسلام ياسلام ياسلام ,
فيحان عزالله أنك تكتب اللي يطربنا , وشااعر مبدع وجميل جدآآ , وعسى الله لايضرك , وصح لسانك مليون في مليون , وسجل الأعجآب بما تكتب , ودمت بخير , |
شفت بـ أيامي قلوب اسود من جناح الغرابي
...............والقلوب البيّض مسجونه ولا أدري من سجنها فيحان القرمودي جعل القلوب السود تفداك وصح لسانك ملايين على هذا الدر الثمين تحياتي لك |
مرحبا اخوي عبدالله
حضورك وكلامك هنا له نكهه خاصه وإشاده معتبره لك تحياتي وجل إمتناني وصح الله بدنك أخوك ..:wardah: |
مرحبا عبدالعزيز
دائماً تسعدني بجميل حرفك متابعتك وإعجابك شرف اي والله صح الله بدنك ولك خالص التقدير ,, |
الله الله
يافيحان مبدع :) |
فيحان
شاعر جميل في كل حالاتك صح لسانك مليون ولا يكفون ابدعتنا يعلم الله قريتها مرتين وثلاث ’’ قصيده تجدد نفسها في معانيها صح لسانك مليون ولا يكفون ودمت بصحه وعافيه اخوك |
شفت بـ أيامي قلوب اسود من جناح الغرابي
...............والقلوب البيّض مسجونه ولا أدري من سجنها الله يكفينا ويّاك شر القلوب السود وأهلها صح لسانك ملايين يا فيحان ولا هنت |
آخي فيحان القرمودي
صح لسانك ودمت هطولا |
حرف راقي
ومعنى باقي صح لسانك حتى ترضى يا فيحان . . |
:
من / إبتدى ليلٍ ظلامه مبتدى قصة عذابي..! ......... وحشةٍ مالي مفرّ ولاّ قدرت افتكّ منها الى / تبت من طردك سنين وخاطر المجروح تابي ....... بس قلي راحت الاعصاب كم يسوى ثمنها.؟ بالرغم من أن كل بيت من الأبيات أعلاه ينافس الأخر إما بعذوبة الحروف او بتميز الصور الشعرية يظل البيت الأجمل من وجهة نظري المتواضعة هو ذلك البيت الشعري المتمثل في دعاء الخالق سبحانه عز وجل ورجواه .. الكريم فيحان القرمودي صح الله لسانك ولاهنت على تميز الأبيات .. دمت بخير .. |
سيف صالح
هلا ومرحبا وفداك الاش صح الله بدنك واشكرك على حضورك المتواصل لاهنت لاهنت لك تحيات المحب للمحب ,, |
مرحبا اخوي نايل
الإبداع هو حضورك لاعدمتك تحياتي وشكري لك ,, |
| جميع الأوقات بتوقيت GMT +3. الساعة الآن 10:20 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية