تقول اني موكّل على الجدي والسبّع
 

[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مضى الليل ساهر والسهر صار لي طبع=تقول اني موكل على الجدي والسبّع
من اقبالة المغرب اليا غفوة السبع=وانا مثل طيراً منّه الريش متجبّع
مغير اقتلب واسوج واهيد وارتبع=سوات الغليث اللي من الغلث ما ربّع
اليا شاف لمعة بارق المزن ثم ربع=وقعد يجتلد ويكوسر الصوت ويخبّع
سبب واحداً حبه على خافقي طبع=وهو تحت عرش القلب فالظل متربّع
أحبه وقلبي من محبّته ماشبع=لو اني من الهجران والصد متشبّع
عليه الله اكبر في محاسنّه يالربع=من الحسن يشري صن ويحكم ويربّع
محاسنّه تجبع قلب من ينظره جبع=وله طبع مع كل المزايين ماطبّع
اليا شافني مهموم من داخله نبع=كلامّ مثل وصف أعظم السحر لا نبّع
ونسيت الهموم اللي لها بالحشا قبع=وغدالي بعيني نجد غدران ومربّع
عسى طير حظي معه حر ولهو تبع=يجيبه لو انه من ورى الجدي والسبّع
[/poem]

يجيبه لو انه من ورى الجدي و السبّع


الله الله ياسليم ..


قصيده عسره الا على الشعراء امثالك ..


صح لسانك و سجل اعجابي ..


تحيتي

عسى طير حظي معه حر ولهـو تبـع
يجيبه لو انه من ورى الجدي والسبّـع

ياسلام ياسلام

سليم

صحّ لسانك مــدد .. ولاهنت

تحيتي:wardah:

يا سلام عليك يا بوسليمان

صح لسانك وسلمت على هالقاف الجزل والوقفه الصعبه



أعجاب وتحيه يا رائع .

الله الله ياسليم ..


قصيده جزلة من راس جزل


صح لسانك و سجل اعجابي ..


تحيتي

:wardah: