(صدفة طراقي).!
 

السلآم عليكم

إسمحوا لها باالنفوذ.,

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
دارت الدنيا وأخذنا اللي لنا واللي علينا=والله أعلم كمّ راح من العمار وكمّ باقي
وأنت ياالمقفي لاعاد تمرنا وتلد فينا=مابقى شيءٍ يشجعنا على رجوى التلاقي
لاتحسب إنا نبيك..ولاتقول إنّك تبينا=من كبر له عن هوى حاجه ماعاد لها مذاقي
إعتبر ليلٍ جمعنا باالغلط في شطّ مينا=ليلةٍ لمّت وشتّت صبحها (صدفة طراقي).!
مرحلة عمر إنتهت فيما إنتهت به وإنتهينا=كنت أصيح من الفراق..وصرت أرحّب باالفراقي
لو ماأخذنا من جناب الحب كثر اللي عطينا=جعلها فدوة هواي اللي مضى لي وإشتياقي
كم شقينا في ملذات الحياه ولالقينا=غير شيءٍ لو مايسوى شيّ قلنا شيء راقي
والنهايه كيف مارحنا على الدنيا وجينا=نندفن فاالأرض لو نظراتنا فوق الأفاقي
الليالي تسرق الأعمار منا مادرينا=والله أعلم ويش كلٍ عقب هذا العمر لاقي
الكرامه.. ياخوات اللي لهم حصنٍ حصينا=والسلامه..يامنسفة الغتر فوق الطواقي
الخطأ مدري وريث أفكارنا والا يدينا=جاء على غفله وحملنا بحملٍ مايطاقي
الله إنه لايواخذنا به ولايبتلينا=ويعفي عنا قبل ميصال الأرواح التراقي[/poem]

يامرحبا يانايف ترراحيب المطر

والله أني كنت بعاتبك هالغيبه

لكن بعد هالقصيده راح العتب :)

حضرت وحضر الشعر الجزل ياجزل

صح لسانك وطال عمرك


تحياتي وتقديري

الله الله الله الله الله الله ,

شاعر شاعر مبدع يانايف ,

لله درك وعسى الله لايضرك ,

وصح لسانك مليون في مليون ,

ودمت بخير يامبدع ,

لاتحسـب إنـا نبيك..ولاتقـول إنّــك تبيـنـا
من كبر له عن هوى حاجه ماعاد لهـا مذاقـي
إعتبر ليـلٍ جمعنـا باالغلـط فـي شـطّ مينـا
ليلةٍ لمّت وشتّت صبحهـا (صدفـة طراقـي).!
مرحلة عمر إنتهت فيمـا إنتهـت بـه وإنتهينـا
كنت أصيح من الفراق..وصرت أرحّب باالفراقي


ابدن الهاشميه حسبي عليك
(hrt777-
(hrt777-
(hrt777-
(hrt777-

مرحبا تراحيب الحيا يابو صنهات

إعتبر ليـلٍ جمعنـا باالغلـط فـي شـطّ مينـا
ليلةٍ لمّت وشتّت صبحهـا (صدفـة طراقـي).!

ياسلام ياسلام

والله ان حرفك غير غير يالامير

صحّ لسااانك مـدد مــدد .. ولاهنت

تحيتي ولا عاد تغيب :woow55:

صح السانك قصيدة فيها من الابداع الشئ الكثير

موفق خير

،


حيّه وحي الشعر الفارق ،

الليالـي تسـرق الأعـمـار مـنـا مادريـنـا
والله أعلم ويش كلٍ عقـب هـذا العمـر لاقـي

الكرامه.. ياخوات اللي لهـم حصـنٍ حصينـا
والسلامه..يامنسفـة الغتـر فـوق الطـواقـي

الخطـأ مـدري وريـث أفكارنـا والا يديـنـا
جـاء علـى غفلـه وحملنـا بحمـلٍ مايطاقـي



عز الله صدقت ،


قصيده جممميله بكل تفاصيلها ، نسال الله السلامه ،
صح لسانك ولاهنت يا نايف ولا عاد تبطي ، لانك احد اللي اشفق على قصيدهم ،


تحياتي

ارحب ارحب :)

صحّ لسانك طال عمرك

لاعدمنا حضورك الرائع

تحياتي

اقسم بالله قبل افتح المتصفح ملتفت على اللي جنبي وقايل له : فيه شعر يا شيخ :)

من الشعراء الجميلين والقريبين الى الذائقة يا ابو صنهات ..
لو ماأخذنا مـن جنـاب الحـب كثـر اللـي عطينـا
جعلهـا فـدوة هـواي اللـي مضـى لـي وإشتيـاقـي
كــــم شـقـيـنـا فـــــي مــلـــذات الـحــيــاه ولالـقـيـنــا
غير شيءٍ لو مايسـوى شـيّ قلنـا شـيء راقـي

منك لله يا ابو صنهات :(

عليكم السلامـ ورحمه الله

صح لسانك يا نايف كثر اعجابي
شاعر مبدع ومتميز

اعجابي + محبتي

الله الله
ابو صنهات
الشعر معك غير وقصايدك قريبه من الروح
لله درك وصح لسانك

نايف صنهات



لله درك ، لله درك ، لله درك


ذهب والله يانايف ..



صح لسانك مليااار على هالفاتنه ..

لك فائق احترامي وتقديري ...!!

ابو صنهات

سمعتها وقريتها ولا زلت اقراها


لله درك يامبدع شعر فارق بكل المقاييس


تقديري ومحبتي

مدرسة شعريه لازلنا نتعلم منها

صح لسانك

إعتبر ليلٍ جمعنـا باالغلـط فـي شـطّ مينـا
ليلةٍ لمّت وشتّت صبحها (صدفـة طراقـي).!

مرحلة عمر إنتهت فيما إنتهت بـه وإنتهينـا
كنت أصيح من الفراق..وصرت أرحّب باالفراقي

لو ماأخذنا من جناب الحب كثر اللـي عطينـا
جعلها فدوة هواي اللي مضى لـي وإشتياقـي

/

الليالـي تسـرق الأعـمـار مـنـا مادريـنـا
والله أعلم ويش كلٍ عقـب هـذا العمـر لاقـي

الكرامه.. ياخوات اللي لهـم حصـنٍ حصينـا
والسلامه..يامنسفـة الغتـر فـوق الطـواقـي

الخطـأ مـدري وريـث أفكارنـا والا يديـنـا
جـاء علـى غفلـه وحملنـا بحمـلٍ مايطاقـي


"
السلامه يامنسفة الغتر فوق الطواقي :)
المبدع / نايف بن صنهات
إبداع بلا حدود ونص فارق أعجبني للأمانه
كامل الإعجاب والترحاب بما كتبت
تقديري لك