بسم الله الرحمن الرحيم

لكل من ينبض قلبه شعرا
[poem=font="Simplified Arabic,6,#4F1F04,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
انا موتي وميلادي قصيدة وانسكاب حروف = على صفحة بها نزف الشعور وتدفن آهاتي

اسافر للورق رحلة مسافر من بلاد الخوف = هذاك الموطن اللي في ربوعه تسكن ابياتي

هجوسي ترسم الشعب المسالم والحدود طيوف = ولا اسمع منه غير آمر وترديد لعباراتي

واحارب كل من يطري على بالي بدون سيوف = واكون المنتصر في كل حرب بكل حالاتي

اطوّع هتلر وكسرى واوباما واغازل نوف = ونوف انثى وحورية وترضي كل رغباتي

اصور جنتي من غير جهد ولا تعب مخلوف = يصير اللي على بالي وتتحقق طموحاتي

ولكن اصعب من اني اسافر بالخطر محفوف = وصولي قبل ما يرتد طرفي لكل غاياتي

ولا احلى من الجلوس اللي جلسته بعد طول وقوف = سوى رشفه بعد ما جفّ ريقي ويبست لهاتي

قصيدي لـ كتبتك والهموم تلوف قلبي لوف = اقول اني كتبتك ياقصيدي من معاناتي [/poem]


وسلامتكم

صح بدنك يا هادي

هلا بك يا عبد العزيز

تسلم من ذوقك الله يطول بعمرك

صح بدنك وتسلم على مرورك