لحظة حب
بسم الله الرحمن الرحيم
السلام عليكم ورحمة الله وبركاته إخوتي الكرام أعود لكم بجديدي في شعر النظم وبهذه الأبيات الوجدانيه أتمنى أن تنال الرضى وهي متوفره صوتيه سلام على العذب اللطيف الناعم الفتان=سلام الله على سحر العيون ومابدا فيها سلام الله على القلب الحنون ونبضه الولهان=احس بنبضته في داخله واعرف معانيها كأنه يوم ينبض يرسل الأشواق للشريان=وشريانه يوزعها على جسمه ويبديها أحس بنبضته كلمة(أحبك)من أرق انسان=واحس بضحكته شمعة غلا دنياي تضويها حنانه يقلب الضيقه سرور ويطرد الاحزان=ويازين المشاعر يوم ياخذها ويعطيها احبه كثر مايطري علي ويشعل الوجدان=كثر مايهدي اعماقي سعاده يوم يلفيها أحبه كثر زين يحتويه وفي عيونه بان=كثر ماهمسته تسحر سموعي يوم توحيها واحبه كثر ماقلبه نظيف وبالوفا مليان=كثر ماتشتعل نيران شوقي ثم يطفيها أحبه كثر ماجاد السحاب وصادق الامزان=بغيث يسقي وساع الفيافي لين يرويها أحبه كثر ماله فالخفوق وفي عيوني شان=كثر مايصنع البسمه على شاني ويهديها نثرت اعذب احساسيسي قصيده باعذاب الأوزان=بدايتها على آن ونهايتها على إيها على شانه ليا منه قراها ينتفض فرحان=يرددها من الفرحه ويرجع لي يغنيها واردد له هلا والله وحشني صوتك الرنان=هلا والله فديت الهمسه الحلوه وراعيها ويسألني(وش أخبارك)؟وش أحساسك معاي الان؟=وهل باقي مشاعر داخلك مازلت تخفيها؟ واقول أخباري اني في وجودك يااجمل الخلان=كأني مالك الدنيا من اولها لتاليها وإذا باقي بصدري شي مايستحمل الكتمان=ولهت لشوفة عيونك عسى عيني ماتبكيها واذا ودك تشرفني بداري سجّل العنوان=مابين ظلوع صدرك يالغلا بايسر محانيها يجاوبني خجل واضحك طرب من ضحكة الخجلان=واقول تدوم هالضحكه عسى ربي يخليها |
ارجو من الإخوان المراقبين إصلاح خلل التنسيق
|
. الله الله الله الله العالي / رائد ! عزالله أنك تروي الذوائق .. صح الله السانك ملايين الـ ملايين ، |
ياسلام ياسلام ,
صح لسانك مليون ياعذب , ودمت بخير , |
طلال
لاهنت يالغالي وأسعدتني كثيراً بتواجدك في متصفحي صح بدنك واشكرك على الإطراء الطيب |
أحبه كثر ماجاد السحاب وصادق الامزان=بغيث يسقي وساع الفيافي لين يرويها أحبه كثر ماله فالخفوق وفي عيوني شان=كثر مايصنع البسمه على شاني ويهديها صح لسانك يا رائد العالي عذوبه طاغيه ووجدانيات رائعه لاهنت تحياتي لك |
عبد العزيز سلمت ولا ندمت
وصح بدنك يالغالي ولاهنت |
رائد العالي
صح لسانك مدد اعجابي وتقدري اخوك |
ياهلا ومرحبا بك أخي سيف
تواجدك اسعدني وصح بدك لاهنت |
رائد العالي
صح لسانك وسلمت اناملك |
اخي هادي صح بدنك ولك الشكر والتقدير
|
| جميع الأوقات بتوقيت GMT +3. الساعة الآن 09:53 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية