ياورطتي ورطتاه اللي ورطت بها !
 

السلام عليكم ..

كيفكم يامرقابيون ويامتمرقبون :in_love:


بويتيتن عذر لعدم المشاركه :mad:


اي قول :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لي مده أزهم على الهاجس ولا جاني=أباه لجل أضبط أفكاري وأرتبها
ماغير أنادي وهو ماكنه أوحاني=له بعض الأحيان ختّاتٍ يخت بها
وزود غيابه مصيرٍ همّه أشقاني=إن تسان ماقام لي حظي قعدت بها
كنت متريّح ولا أكابد ولا أعاني=وأقول لمنقّض جروحه يوتّبها
لين أني أبحرت لي مع عالمٍ ثاني=غامض ونفسي معه ماغير أعتّبها
من عقب ماني طليق وحر في شاني=ياورطتي ورطتاه اللي ورطت بها
يوم إن تلحفت بلحافي ولا أدفاني=كم ليلةٍ في صقيع وثلج بتّ بها
وسيطر علي العطش لين أيبس لساني=اللحظه اللي هرجت بها سكتّ بها
يالله ياعالم بحالي تولاني=وش فائدة هالقوافي يوم أكتبها
[/poem]



:



--

.

يامرحبا


يامرحب


يامرحب


والله ان شوفك يجيب العافيه للمرقابيين والمتمرقبين بعد


انا ماودي اعلق على هاجسك كفاني اخوي مشعان

بس اقول صح السانك من مكه الى الاحساء

والله اني فرحان لتواجدك طال عمرك وانت مقصر مع واجد

ومحرمنا من حسك واحاسيسك تقبل سلامي واحترامي

معدي

..


الله الله ..

جميل ان " نقرأ " لك من جديد ..

الحمدلله على السلامه يا " مبدعنا "..

و .. صحت قوافيك ولا هنت .. طآل عمرك ..

تقديري واحترآمي الصآدق لك ..:wardah:



..

هلا وغلا وحياك الله


وصح الله السانك مليون ×مليون


ودي وتقديري

اي والله ما ابركها من ورطة اللي خلتنا نشوفك يا ابو حواء :)


قافية العجز جميلة جدا ..

صح لسانك كثر ما ارهق المرقاب ومتابعيه غيابك يالامير :SnipeR (69):

من اسعد اللحظآت اللي نشووفك فيها يا أبو حواء

مرحبا بك وحي والله هالطله الاميريّه

صح لسانك * صح لسانك
وهاجس يجيب مثل هالفاتنه يوحي ومعه آذاني

تحيتي :wardah:

الله الله الله الله

صح لسانك مليون في مليون ياعبدربه ,

وعسى الله لايضرك ,

ودمت بخير ,

عبدربه


صح لسانك واطلب الله فالفرج


لا هنت


,

يامرحبا ياعبدربه

بعض الورطات ودك تدعيبها

صح لسانك ياشيخنا الجليل

غيمار

,

ابو حواء

لله درك
لله درك
ذهب ذهب ذهب

والله يتولانا فيمن تولاه ,



,

اي والله يامرحبا ياعبدربه
صح لسانك والله يكتب لك الاجر وانا اخوك

مـن عقـب مانـي طليـق وحـر فـي شـانـي
يــاورطــتــي ورطـــتــــاه الـــلــــي ورطـــــــت بـــهــــا


الله الله


حضورك يحتاج حفلة يبو حوا
لا تحرمنا جديد كتاباتكـ يا شيخنا ..!



تحياتي

ابرك الورطات اللي جابتك لنا يا شيخ

لا عاد تبطي علينا لا ندعي ان الله يورطك ونشوفك مره ثانيه:woow55:

صح لسانك
صح لسانك
صح لسانك

مرحبا يا عبدربه ..
عوده تثلج الصدر يابو فهد :)


رائعه بكل ماتعنيه الكلمه ..
من مناداك لهاجسك للورطه اللي ورطت بها للبحث عن الفائده ..
انت اكتب طال عمرك واترك الفوايد لنا .. :)

تحيتي و سلامي عليك ..
واعجابي القديم ..
المتجدد ..

الله الله الله

والله انك ماتجيب الا الزين

والله لك وحشه يامجرم :)

صح لسانك مدد

ولاعاد تغايب :icon_mrgreen:

الله يجزاك بالخير يامشعان :)

اف لاكن ماعينت لي واحدٍ اسمه : قناص
خله يقنص هالبويتات ويلعب في حسبتها بالنقد ،

والا الظاهر انها ماتحمل فتح موضوع على شانها :in_love:


تحياتي لاإلك :icon_mrgreen:

..

وعليكم السلام ورحمة الله وبركاته
هلا اخوي عبدربه
مرحبا بعودتك
وصح لسانك لاهنت
قصيده قمه

هاذي والله الورطه المبروكه

ههههههههه

صح الله لسانك يامبدع

تحياتي وتقديري

يوم إن تلحفت بلحافـي ولا أدفانـي
كم ليلةٍ في صقيع وثلـج بـتّ بهـا
وسيطر علي العطش لين أيبس لساني
اللحظه اللي هرجت بها سكتّ بهـا
يالله ياعـالـم بحـالـي تـولانـي
وش فائـدة هالقوافـي يـوم أكتبهـا


صح لساااانك يا عبدربه ,,,

ابيات رائعه ومعبره ,,,

تقبل مروري ومتابعتي ...

أبك تسيف عندك صقيع وثلج
وأنت وزان البحر والرطوبة حول الـ 100
يا دافع البلى
teeth:





صح اللسانك يا عبدربه
وخلك حول مجالس العلم ، واترك العالم الغامض
:)