العهود الوثيقه
 

مساء الشعر والورد
لمكانٍ جعل للشعر قلباً ينبض بالجمال والتميّز
يسعدني ان اضع لكم بعض نزف الشعور وكم اتوق للوصول الى ذائقتكم
[poem=font="Simplified Arabic,4,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كفّر عن ذنوبك معي طول الايـام=لاعاد يرجع لـي غيابـك دقيقـه
قدّر معاليقٍٍٍٍ مـن الفـرْح صيّـام=تفطر وتتعشـى كأبـه وضيقـه
وان كان ماكفّتك دمعاتـي العـام=هاك القصايـد بالمدامـع غريقـه
شف الفراق يشابهه حكم الاعـدام=يفني العهود المحكمـه والطليقـه
وانا بدونك رحت من ضمن الايتام=لـوانّ يتمـي سابقـك فالحقيقـه
وكمّل وجودك مافقدتّه من احـلام=غابت وخالفها بصـدري حريقـه
لو الغلا مافيـه ياالغالـي الـزام=مير البلا نقض العهـود الوثيقه [/poem]

ودمتم بخير

..


صحت قوافيك يا عنايد ..

بالتوفيق بإذن الله ..

تقديري لك ..:wardah:


..

.
صحت أفكآرِك
.
لاهنتِ
.
:wardah:

من الشعر المثالي جدا

تستحقين الإعجاب والحضور يا عنايد

صح لسانك

كفّر عن ذنوبك معي طول الايـام
لاعاد يرجع لي غيابـك دقيقـه

مطلع عن قصيدة كاملة :)



قدّر معاليقٍٍٍٍ من الفـرْح صيّـام
تفطر وتتعشـى كأبـه وضيقـه

دامهي صايمة ورى الشطر مايكون ( وليا أفطرت تفطر كآبة وضيقه )


وان كان ماكفّتك دمعاتي العـام
هاك القصايد بالمدامـع غريقـه

سؤال حساس في بيت راقي



شف الفراق يشابهه حكم الاعدام
يفني العهود المحكمه والطليقـه

شف لو مكانها ( ترى ) وهي نفس المعنى بس المفرده يمكن أفضل .
هو يشوف بس يسوي نفسه مغمض :icon_mrgreen: وكلمة ترى تصير علم مجرب


وانا بدونك رحت من ضمن الايتام
لوانّ يتمـي سابقـك فالحقيقـه

الله يرحم من جابك وبيت ذهب .



وكمّل وجودك مافقدتّه من احلام
غابت وخالفها بصـدري حريقـه

الله الله الله


لو الغلا مافيه ياالغالـي الـزام
مير البلا نقض العهـود الوثيقـه

اي والله البلا نقض العهود الوثيقه

صح كلك مليون مرة ولا تكفيك

واعذري مداخلتي من دافع الاعجاب بما كتبتي :)

صح لسانك ياعنايد ,

ودمتي وسلمتي ,

صح الله لسانك مدد

نص جميل


قدّر معاليقٍٍٍٍ من الفـرْح صيّـام
تفطر وتتعشـى كأبـه وضيقـه

وانا مع ماذهب اليه شاعرنا الكبير نواف واضيف بما انه فطور ليش مايكون معه سحور والكآبه والضيقه وجهان لعمله واحده ولتفاد التكرار وهذا ما يسمى حشو من اجل الوزن غيري تركيبة الشطر مثل

تسحر وتفطر من البعد ضيقه

هنا افتكيتي من الكئابه

لكن هناك تمكن واضح وصور جميله يدل ان هناك شاعره خلف النص

تحياتي