هلا في حفلة اللي دون ضيفانه ماصك الباب
 

السلام عليكم ورحمة الله وبركاته
هذه قصيدة ترحيبيه ألقيتها في حفل زواج أبناء الشيخ/ محيل بن سويلم العازمي العتيبي

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
هلا يامرحبا فالحفله اللي نورها ماغاب =شعاعه مثل براق المزون اللي يصب السيل
يزيد النور نور اللي لفوا في قمة المرقاب = كرام يستحقون الثناء والشكر والتبجيل
هلا في حفلة اللي دون ضيفانه ماصك الباب= يعز اللي نخاه ويسعد اللي جاه يشك الميل
جمع مجد القبيله وأعتنى به وأحفظه بكتاب = وهاذي تعتبر بذرة وفا يجني ثمرها الجيل
كريم جامع كل الفضايل يحفظ الآداب = أليا منك غويت أنشد عنه ويقال ذاك محيل
بفعل آلاد عاصي تشهد الاصحاب والاجناب = وفعل آلاد عاصي شمس عزه ماغشاها ليل
بياض وجيههم بأفعالهم فالماقف الغصاب = ووقفتهم تثبت ساس مجد مستحيل يزيل
مزبنة الدخيل وكم قتل دون الدخيل أرقاب = وهاذي ثابته ماتقبل التحريف والتأويل
وجار العازمي يحسب بمنزلة أقرب الأقراب=ويكرم في كنفهم مانقص قدره وله تفضيل
كرام رغم ميلات الزمان اللي يحد الناب= وللضيفان ذباحه حشو ومفطحات الحيل
هذا نبذه من أنجازات من حازوا على الاعجاب = وموجز يكتفى به عن كثيرر القول والتفصيل
بدون قصور في كل القبايل من يعيب يعاب= ويظلم نفسه اللي يحتقر تاريخهم ويعيل
وقبل الختم أبارك للشباب اللي فرحهم طاب = عسى وجه الزمن يضحك لهم مايلحقه تبديل
وأعيد اللي بديته وأختمه وأكرر الترحاب = بكل اللي لفا واللي حضوره زادنا تجميل

[/poem]

كفو يابعدي :)


سؤال

اللي يصب السيل البرق والا المزون :0012:

ولي رجعه

مار سلم لي علاك ولا عاد تغير رقم التالفون :in_love:


..

والله ونعم في محيل وربعه كلهم والاد عاصي جميع من غير قصور في القبايل

وصح لسانك

والنعم والله ،
وصح اللسانك مدد يالقرم
:)

الله الله الله
ونعم والله في المادح والممدوح
قصيده من الطراز الفاخر واطربتني كثير يامبدع
وسلام الله عليك ياعبد ربه وبدال حرف الياء اللي في يصب يصير تاء يصير البرق ماازين من مكانه في الشطر ومعطي جمال بالشطر واتوقع انه يبي يحط تاء بدال الياء لكن العجله والخطا المطبعي وارد
صح لسانك على هالقصيد الطيب الممتع

تحياتي

ماعليك زود أبو حواء

وحي هالحضور

مايبي لها يابو حواء أكيد المزون اللي تصب السيل

وماشاء الله عليك أثرك في اللغه مايحتاج

وسلامي عليك
وابشر الله يسعدك

تقبل كل الشكر

رشيد منور

اسمتعت بهذة الرائعة على الهواء مباشرة

بيض الله وجهك وصح لسااانك

ماعليك زود يامرزوق واللابه اللي انت منها

وصح بدنك ملايين

تشرفت بمرورك العطر

تحياتي لك

أرحب ياسلطان

ولاعليك زود

وصح بدنك

تشرفت بمرورك الجميل

لك كل الشكر

هلا ومرحبا يامحمد
ولاعليك زود
وصح بدنك
وكل الشكر لحضورك العطر

تقبل تحياتي

هلا والله ابو سعيد
ولاعليك زود

صح بدنك

تحياتي لفكرك ولمرورك العطر

دمت بود

هلا ومرحبا ابو ناصر

ولاعليك زود لاعدمتك

وصح بدنك

تشرفت بحضورك الجميل

تقبل تحياتي

مرحبا ومسهلا ابو فارس

الروعه تكمن في حضور شخصك الكريم

صح بدنك ولاهنت على تشريفك

تقبل تحياتي