منتديات المرقاب الأدبية - ســـــــــــــــــاميات الــــــــــــــذوق

اخواني الاعو\زاء بهذا المنتدى الراقي
حبيت اشارك معكم بهذا المنتدى الرائع وهذه ثاني مشاركاتي ولكم تقديري
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عن واقع الشعر نشكي حال واقعنا =فيه اختلط وارد الكلمه وصادرها
ولو حاول البعض بافكاره يقنّعنا =جزلات الامثال ما تخفى نوادرها
وان كان لمسيرات اشوارهم طعنا =بنتيه في طرقة تذهل مسافرها
لكن ليا ضاعوا الجهال ما ضعنا = انمـيـز احكامـنـا مــن قـبـل نصـدرهـا
وبعض الطواريق ما ترضي مسامعنا =مختلة الوزن باطنها وظاهرها
اذا استمعنا لها زادة مواجعنا =بضاعة ما تجمل وجه تاجرها
وبعض التماثيل تروينا وتشبعنا = وقلوبنا من جمال الشعر تاسرها
باسلوبها العذب والباهر تمتعنا =روائع تشرح الخاطر جواهرها
وانا ادري ان القصيده مالها معنا =مدام تقرى بغير احساس شاعرها
لكن مادام به ناس تتابعنا = ما ودنا بالردي نجرح مشاعرها
ان دور الجزله اللي فوق ترفعنا =تشوّق افكارنا وتسر ناظرها
نهيم في حبها وبها تولعنا = كم ليلة لا مسوا العالم نسامرها
تعصى لنا امرار وامرار تطاوعنا= ونختار من ساميات الذوق فاخرها
كله على شان ما نخلف طبايعنا = ويبقى على العز ماضيها وحاضرها
وجزلات الاثمان نشريها ولا بعنا = وبالحبك والسبك والحكمه نسخرها
نحلق بها في سما الابداع وابدعنا= ونكد على رحلة الحكمه تذاكرها
والساقطة ما نسجلها بموقعنا= ولا نشوه بنشرها صفحات ناشرها[/poem]

الشاعر / مسفر جمعان الصفا
الائميل
mejghamdi@stc.com