على مطيحك ياعلمنا كل دمع العين طاح !!
..
. رحم الله ابو خالد واسكنه فسيح جناته . لاعادك الله يالصباح اللي حصل فيه الصباح الفاجعه سلت على بيض القلوب حرابها صحيت مع صوتٍ يناديني ترى سلطان راح قدام تكشف طلة الصبح البهيج حجابها والعلم وقعه في الضمير أشد من وقع الرماح الساعه اللي جابته ليت القدر ماجابها مكسور والهاجس سوات الطير مكسورالجناح كن القوافي سكرت قدام وجهه بابها على مطيحك ياعلمنا كل دمع العين طاح والله يعوض المملكة في فقدها ومصابها الحزن مع فرقاك كنه في عواتقنا وشاح ماعاد للافراح داعي لو يطول غيابها صدورنا ماعاد تدري بالسعه والانشراح وعيوننا لامرت الذكرى تبل اهدابها يبكي عليك اللي عليك اسند همومه واستراح وعين تشوف بك العوض من عقب فقد احبابها وشعب بعدك اوجاع وجراحً ماهي بـ ايا جراح ودارً سماها يشتكي لسهولها وهضابها والعهد ياراع الولايه والهدايه والصلاح والطيب كله والعلوم الطيبة واصحابها والجيش وجنود الحرابه والذخيرة والسلاح والرايه اللي فالعلا تومي على مرقابها ويبكي عليك الفعل والميقاف والحزم البراح في ساعة مايحسم اليوم الكبير الا بها ياللي سنينك للبلاد انجاز وايامك كفاح ليت المنايا مهلت لك ماخذتك أسبابها عسى البقا في راس زيزوم الوغا طير الفلاح مليكنا اللي قدمه الدنيا تلين صعابها *الله يبارك فيه ويكلل جهوده بالنجاح والعافيه طول الزمن تضفي عليه ثيابها .. |
سلطان الجذع
صح لسانك . ورحم الله الامير سلطان |
..
. ارحب ارحب ياعبد الله وصح بدنك |
صحيت مع صوتٍ يناديني ترى سلطان راح قدام تكشف طلة الصبح البهيج حجابها والعلم وقعه في الضمير أشد من وقع الرماح الساعه اللي جابته ليت القدر ماجابها الله يرحمه ويسكنه فسيح جناته سلطان صح لسانك على الابيات الرائعة من شاعر رائع بالفعل لاهنت نايف |
رحم الله ابو خالد
مهما قلنا من الشعر لا نوفيه حقه ولكنه رحل ورحلت الافراح معه وعوضنا بابو متعب ونايف واخوانهم وحكومتنا الرشيده ادام الله عزها سلطان يشدني حرفك حتى في الحزن والرثاء تحياتي |
الله اكبر
والله انها قمه وقصيده ترد روح الشعر لمحبيه اعجااابي بك لاحدود له مكسور والهاجس سوات الطير مكسورالجناح كن القوافي سكرت قدام وجهه بابها ياليل ياليل |
الله الله الله الله الله
فارقه عن الباقيات.. من اجمل ماقيل في المرحوم بإذن الله صحّ لسانك يا الجذع ولله درّك تحيتي,,, |
الله يرحمه ويسكنه فسيح جناته
والعوض بروس اخوانه ان شاء الله عزالله انه حلوووه جدا وحزينه صح لسانك تقديري الجم |
سلطان الجذع
صح لسانك . ورحم الله الامير سلطان تقبلني . |
صح لسانك يالجذع
والله يرحم سلطان ويسكنه الجنه لاهنت ابدعت تحيتي |
اقتباس:
نايف ارحب مليون .. صح بدنك ولاهنت على تشريفك .. |
اقتباس:
ارحب ارحب يابو فيصل .. صح بدنك ومرورك شرف كبير . لست الا احد تلاميذك :) . |
| جميع الأوقات بتوقيت GMT +3. الساعة الآن 03:43 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية