قسوة عتابك !
السلام عليكم ،
أتمنى لها الرضا و القبول ، [poem=font="Simplified Arabic,4,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] ياليتني ، قبل أقفّي عنك زعلان=طوّلت بالي على قسوة عتابك الله ، وأنا أعوذ به من كل شيطان=واجهتك بشيّ ، ما جا في حسابك ماني طبيعي معاك أحيان ، و أحيان=تنزل عليّ السكينه في رحابك أشعلت لك في ظلوع الصدر نيران=لين أحرقتني ، وشبّت في ثيابك على جنابك ، زهفت بزلة لسان=عنها ، ومضمونها ، يكرم جنابك إي و الله إنّي على ما صار ندمان=ساعة تداركت ، وش معني جوابك صحيح ما قيل ، ما يستدّ عجلان=شف كيف ينزف صوابي من صوابك والله ، لو كان مالك داخلي شان=ما رحت تارك خفوقي عند بابك من ليلة البارحه ، ما بتّ سهران=جازت من النوم عيني ودّها بك إرحم عيوني معك يا خدر الاعيان=إسبوع ، ما خايلت بارق سحابك إقبل ترى شوفتك تشرى بالاثمان=وإرفق بروح ٍ تعذّب من عذابك ما كنت أحسّ بوجودك ، لكن الآن=عرفت قيمة حضورك في غيابك ! [/poem] |
حجز .....نبر ون يانبر ون :)
|
ياحظ الشعبي
وياحظنا فيك :) وصح لسانك لين ترضى والف سلامه يابعد روحي أنت :11: |
حجز لين أقرأ الرساله . .
ياخي أنت وينك ، الساحه الشعبيه كلها ودها بك ! ياعيني على الحضور وتسان :SnipeR (69): |
هلابك والله ومرحبا
وهلا بالشعر الصافي حجز يليق بالشعر يابوراشد واصبر عليّ لين اقرا كتابك :) |
ماء شاء الله
عليك الق وابداع من اجمل ماتصفحت هذا اليوم مـا كنـت أحـسّ بوجـودك ، لكـن الآن عرفـت قيمـة حضـورك فـي غيـابـك جميل الاعتراف شاعرنا الراقي لافض فوك |
ما كنت أحسّ بوجودك ، لكـن الآن
عرفت قيمة حضورك في غيابـك يكتب بماء الذهب ويغلف بورق الورد ويهدى لكل من يفتقد أحد .! :) رحيم الغنامي مرحبا بهذا الإسم العزيز والغالي صاحب المكانه الراقيه والساميه في قلوب محبيه أسعدني كثيراً / رؤية إسمك وعودتك البديعه |
ما كنت أحسّ بوجودك ، لكـن الآن
عرفت قيمة حضورك في غيابـك ؛؛؛؛؛؛؛؛؛؛؛؛؛؛؛؛؛؛؛؛؛؛؛ الله الله الله الله يارحيم .!! ابداع ×ابداع ماتجيب الا الجزل يالجزل .:) صح لسانك وبيض الله وجهك .:wardah: |
ياهلا ياهلا يامرحبا مليار ولا تكفيك يابوراشد
وش هالمفاجاة االسارة ياحبيب الكل اي قبول الله يرحم والدينك وش هالتواضع اللي ماله داعي انت عارف ان الكل متعطشين لشوف اسمك في المرقاب ولسماع جديدك صح لسانك يامبدعنا على هالفاتنة اللي تاسر القلب لين ترضى تحيتي ومودتي واعجابي اللامحدود بموهبتك النادرة والمتجددة......اخوك |
ماكنت احس بوجودك لكن الان
عرفت قيمت حضورك من غيابك صح لسانك يابوراشد ولاهنت على الابداع المتدفق |
ما كنت أحسّ بوجودك ، لكـن الآن
عرفت قيمة حضورك في غيابـك ! صح اللسانك يا رحيّم الغنامي ولاهنت على الأبيات المسكّته بعد الغياب ، :) |
مـن ليلـة البارحـه ، مـا بــتّ سـهـران جــازت مــن الـنـوم عيـنـي ودّهــا بـــك إرحـم عيونـي معـك يـا خـدر الاعيـان إسبـوع ، مــا خايـلـت بــارق سحـابـك ماله حق ما يرحم عيونك يا رحيم وانت صح لسانك مبدع وشعرك ممتع ولا يمل تحياتي لك |
صحيـح مـا قيـل ، مـا يستـدّ عـجـلان شف كيف ينزف صوابي من صوابـك الدحمي صح لسانك لين ترضاء قصيده رائعه من بدايتها.الى نها يتها ولا يسغرب منك يابو راشد |
اقتباس:
هلا ومرحبا ... مهما تغيب جمهورك اللي انا احدهم وافتخر وراك وراك.. والعاطفيه ذي تذبح يابوراشد مايوفيها كلام .. صح لسانك يالغالي ,, |
صحيـح مـا قيـل ، مـا يستـدّ عـجـلان
شف كيف ينزف صوابي من صوابـك وآشرنا شراه منكم يالغنانيم اثعيتو فينا :icon_mrgreen: صح الله لسانك يارحيم جزاله وابداع غير مستغرب |
ما كنت أحسّ بوجودك ، لكـن الآن
عرفت قيمة حضورك في غيابـك ! لله درك قصيده راقت لي كثيرًا متابعتي الشديده |
ابو راشد
يالله حيه وحي اليوم اللي جابه ياخي تراگ تكسب ذنب في جمهورگ اذا غبت والله اني اطرب لشعرگ وشعر ماهو مثل شعرگ ماعليه حسوفه لله درررگ من مبدع تحاياي ولاتغيب :mad: |
القصيدة هذي فارقة يارحيم
ولو ماودي في مواصلتك الطرح كان تمنيت غيابك وحضورك بمثل هذي صح لسانك وكل عام وانت بخير ~ |
ما كنت أحسّ بوجودك ، لكـن الآن
عرفت قيمة حضورك في غيابـك ! صح لسانك ملايين |
مـن ليلـة البارحـه ، مـا بــتّ سـهـران جــازت مــن الـنـوم عيـنـي ودّهــا بـــك لله درّك يا بوراشد عزالله لبدعك نهكه غير وابداعك يحبننا فالشعر اكثر واكثر صح لسانك وسلمت يا واحشنا :con200: محبه وتحيه من الروح :SnipeR (69): |
ياسلام سلم
صح لسانك وكلك قصيدة رائعه بحق لاهنت يبو راشد تقبل مروري وتقديري اخوك |
رحيم
صح لسانك مبدع دايماً تحياتي |
| جميع الأوقات بتوقيت GMT +3. الساعة الآن 05:51 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية