العام الجديد..!!
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
الضيقه اللي مزمنه فالقلب عيّت لا تهيد=في كل عام تعود وأحداث الزمان تزودها حايلتها بالبعد والترحال ما شيٍ يفيد=كن الفضاء والارض عندي في نطاق حدودها وش حيلتي وأنا تركت جبال وعدود ورصيد=الله من شيٍ على كبدي يزيد الهودها هذي ثلاث سنين مرت من شديد وفي شديد=والرابعه برّاقها مقتاد صوت رعودها يلوح لي برق الامل والوح له في كل حيد=أمسي معه وأصبح معه والحال يامعبودها لو ما الامل ماشفت بيبان السعاده والسعيد=قومٍ تراودها وقومٍ كل يوم ترودها وأنته تشاهد من بعيد ودايم حظوظك بعيد=تبعد لامن قرّبت وإليا ابعدت جتك تعودها ماهو حسد يالله ياربي على خلقك تزيد=حاشا وكلا. ماتمنينا نضوب عدودها لو إن صبرك من حديد النار ما خلّت حديد=وتقول يمكن ضيقتي تبا تفك اقيودها لكن ياجعل الحياء والخير فالعام الجديد=حتى القلوب الممحله ترجع ويورق عودها[/poem] |
لـكــن يـاجـعـل الـحـيـاء والـخـيـر فـالـعـام الـجـديــد
حتـى القلـوب الممحلـه تـرجـع ويــورق عـودهـا صح لسانك يالسمي :wardah: |
كفشتك وينك لك حواللي سبوع ماشفتك يالله الله قدامي هههههههه
تحيه لك اخوي احمد وصح السااانك كتبت وا ابدعت بيض الله وجهك |
الاسعدي
كل عام وانت الخير صح السانك |
احمد كل سنه وانت بخير
صح السانك مدد احترامي |
اقتباس:
وش اقول يابو خليفه مااقول الا لايستغرب الابداع على اهله صح كلك ولك خالص تحياتي |
لكن ياجعل الحياء والخيـر فالعـام الجديـد
حتى القلوب الممحله ترجع ويورق عودهـا آمين آمين : ) قصيدة تروي كل من يظمأ للشعر ، الجميل |
احمد
صح لسانك لين ترضى على هالجزلة والله يحقق لك كل احلامك ويجعل العام الجديد عام سعادة وصحة عليك وعلى الجميع تحيتي ومودتي |
لكن ياجعل الحياء والخيـر فالعـام الجديـد
حتى القلوب الممحله ترجع ويورق عودهـا صح لسانك شاعرنا ولاهنت على هـ النص الفاخر والأبدااع وان شاء الله عام خير وسعاده عـ الجميع تقديري,’’ |
مرحبا يالسمي
وصح بدنك.. يابعدي أصدق التحايا:wardah: |
اقتباس:
وصح بدنك يالامير.. وأبيض وجه تحيتي:wardah: |
مرحبا يامناحي
وصح بدنك .. ياسنايدي أصدق التحايا:wardah: |
مرحبا يالشهيب مرحبا وكل عام وانت بصحه وسلامه
وصح بدنك .. يا سنايدي أصدق التحايا:wardah: |
مرحبا يابو فهد مرحبااا
والابداع يكمن في وجودك يالامير صح بدنك .. ولاهنت أصدق التحايا:wardah: |
لـكــن يـاجـعـل الـحـيـاء والـخـيـر فـالـعـام الـجـديــد حتـى القلـوب الممحلـه تـرجـع ويــورق عـودهـا صح لسانك ياخوي أحمد نص متفائل وجميل كل عام وانت بخير تحياتي لك |
ياحبني لك انت وشعرك
صح لسانك |
مرحبا يا ناصر وحياك الله
صحّ بدنك .. ولاهنت يا ياسنايدي أصدق التحايا:wardah: |
الله الله
اخوي احمد صح لسانك وبيض الله وجهك كل عام وانت بخير وسعادة تقبل مروري هنا تقديري |
| جميع الأوقات بتوقيت GMT +3. الساعة الآن 01:02 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية