مـن كـل الـفــصـــول
 

السلام عليكم ورحمة الله وبركاته


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامرحبا ترحيبة ٍ ترفع الراس= مودة ٍ للي يمرون محضة
في ركن ٍ اكتب فيه عن جو الاحساس= ليا تقلّب بين لحظة ولحظة
وعن ما جرالي من تجارب مع الناس = وريم ٍ سبا قلبي بقده ولحظه
[/poem]

وعليكم السلام ورحمة الله وبركاته ..


:)+:)
أنا جائك من فصل ثانيه "ج" أبا أتعلّم الشعر على أصوله !


متابع ومرابط هنا

ههههههههههههههههههههههههههههههه

اثرك من طلاب ثانية /ج اللي ما فيه الا الكبار

والله اني خابرك يابو حوا تبا تردنا لفصول المدرسة

الاكيد انك منور الركن وانك تشرفني بمرورك ومتابعتك

وبعدين اترك التواضع ياخي حنا كلنا نتعلم منك يارمزنا الكبير

تحيتي ومودتي الخالصة يا ابو حوا

لاخابرها فصول السنه !
<- ليتها على مبنى الشائب (jar-


الله يبارك فيك يابوفالح
مير ماش تواضع وإني أكبر متغطرس ، فـَ لـَكن على الضاعه !

تحياتي

هلا وغلا دايم يابو حوا والله انك مشرفني بمرورك واني افرح يوم اشوف

اسمك متواجد في المرقاب

بيتين لازالة الالتباس اللي نكبنا فيها ابو حوا :)


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
للمشاعر في محانينا فصول = والهدوء احلى الفصول ليا حصل
والظروف تهب وتقول وتطول=وتنقل الاحساس من فصل لفصل
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
مادام الركن هادي ولا به عبث وازعاج=ابركن به هموم ٍ من العام تزعجني
ودام القصيد لفايحات الصدور علاج= تخلويت بالطاروق يمكن يعالجني
ابدد به هموم ٍ بصدري كما الامواج = واعبر بطرقه عن شعور ٍ يخالجني
شعور ٍ كناه القلب عن واشي وهرّاج = وعن صاحب ٍ عقب الغلا ما يهرجني
ومن صد عني ماني لشوفته محتاج = ابا اموت ما لديت يمه وقلت اجني
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما للتواضع حد واضح وبيّن=نبع ٍ يزيد ان زاد عمقه عذوبة
كان النبي دمث ٍ جنابه وليّن=وابو جهل يزمر وينفخ ذروبه
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
الناس ضحوا يوم جا عيد الاضحى=والوقت له في عيد الاضحى ضحاياه
ساق الليالي بين وضحا وملحا= فوق الثلاث امية نحرهن بشلفاه
سطر ٍ من اوسط صفحة العمر يمحى=حسبت ما فوقه ولا ادري عن ادناه
عام ٍ من اعوام العمر عني انحى= ما عاد باقي لي منه غير ذكراه
ولا زال قلبي نايم ٍ بعد ما اضحى = وخوفي تطيح الشمس ما كب عمياه
كم لي وانا اناديه يانايم اصحى = بيوتنا فوق الركايب مطوّاة
ما قدمنا الا قصر ٍ اعلاه بطحا = وياويلنا مما ورا القصر ويلاه
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
الا يارفيق ٍ كل مسجد تصلي به = وتهجّد توال الليل تستغفر وتوتر
ومن قام من عندك تشذّب عراقيبه= وتعطيه قسمه قبل ما يركب الموتر
توقّع ترى الحسنة تلاشى مع الغيبة = ترى كل ما سويت محسوب ومفوتر
[/poem]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
بحر الهوى كل الخطر والظما فيه=ما ينومن غدره ولا ينشرب ماه
سافرت لاعماقه وغادرت شاطيه = واليوم ادوّر ساحله واتمناه
تلعب بي امواج العتب والمشاريه = واعوم بين الهم والدمع والاه
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بعد تنثر الذكرى على سكة النسيان= تقول ابتعد وانسى وانا اقول كيف انسى
وانا لا ذكرت ايامنا والغلا اللي كان = اشوف الفراق بحور وعيونك المرسى
دخيلك تعال وبدد بقربك الحرمان = وعلى قلبي ..اللي ما به الا انت ..لا تقسى
[/poem]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
يابنت يامنصى القوافي والاوزان = هاتي من اعذاب الطواريق هاتي
هلي علي قلبي من العشق هتان = واروي جذور احساسي وامنياتي
واخذي وعد مني وانا حر وحصان=واحمى كلامي لو يكلف حياتي
ما بيننا ما يعرفه غيرنا انسان = واني لاشيله بين نفسي وذاتي
واني لاسكّنك الحنايا والاعيان = واقول سجي وسط بالي وباتي
في واقعي صرتي مداهيل واوطان=واسمك نقشته في كهف ذكرياتي
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يارشيق القد وش سويت في مهجة فتى= وين ما لقّى لقاك وذكرياتك واتته
في نهاره مشغل ٍ فكره وليله لا اتى = فز خفاقه وعينه ليلها ما باتته
ليل بعدك به جفاف الصيف مع برد الشتا= فيه يحسب كل لحظة عن وصالك فاتته
لامتى صبر المولع يالمدلع لا متى = بين سندان الفراق ومطرقة شماتته
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليه زود الصد ياعنق الظبي = كن مالي داخلك ود وغلا
والغرام اللي بقلبك مختبي = تفضحه عينك ليا قالت هلا
اتركي صحرا التغلي واقربي = خافقي لك نبع وضلوعي فلا
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اشتقت للشعر مير الشعر خلاني = عنه انشغلت وتركني وانشغل عني
من اول ان ضقت جاني ثم سلاني = وقمت ازعج الصوت بالقيفان واغني
واليوم اناديه لي مدة ولا جاني = وكنه يقول انتهينا وش تبي مني
ياحيف وشلون بعد الود ينساني = ظنيته اوفى خوي مير اختلف ظني
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يامرحبا ياعنيق الخشف = شوفتك نور ٍ جلا الظلما
سولف بحلو النواعس واشف = مشاعر ٍ ذبّل ٍ سقما
ترشفك عين المولع رشف = من صادف الما مع المضما
في خافقي للغوالي كشف = ما فيه غيرك من الاسما
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تعبت اطوي مسافات الزمن لكن عجزت اقرب = ووصلت وياخسارة بعد غادرتي شواطينا
مقفّية ٍ مراكبكم وانا مذهول مستغرب = وعلى امواج الغلا والشوق تضحك صخرة المينا
نشوف الشمس لاقاها القمر مع حزة المغرب =وحنا مع غروب العشق رحنا ما تلاقينا
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
والله يابنت ما انسى ليلة الجمعة= لو اني انسى العمر ما راح والباقي
فيها الاحاسيس فالميعاد مجتمعة=وشوفي وسمعي سوا في ...قاعة اشواقي
كانت على ايقاع نبض القلب مستمعة=لصوتك الفاتن ولاسلوبك الراقي
مع كل كلمة يزيد من الوله شمعة = واقول مع كل اه ٍ عل ّ ياساقي
عسى سحاب الوصل يوم انتثر دمعه= ما تمسحه يوم كف عناد وفراقي
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وين انت ياللي وقف دربي على بابك=قلبي على الصد بعد الود ما يقوى
وشلون طاوعك قلبك تجرح احبابك = وتصد عن عيني اللي منك ما تروى
اخاف مع صدك.. اتعوّد على غيابك = والشوق ما عاد يلقى داخلي.. مأوى
وانا اعشقك وافقدك واموت واحيا بك=ودنياي من غير ما اشتاق الك ...وش تسوى
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ما الومك والله يانوم = يوم تجافي اجفاني
ما اخذك الا شيخة قوم=بنت شيوخ ٍ شجعاني
طرقا فيها الزين كروم = ما قد قطفها الجاني
عين ٍ رمشها مسموم= سمم روحي واضناني
وصوت ٍ في بحته علوم = لا زالت في وجداني
وعليها العفاف هدوم = وملح وحلا رباني
قد قلت لها انا في يوم = ليت ابوي .......
وليتك لي حظ ومقسوم= قالت لي ما يمداني
وقالت سوالفك حلوم = قم من نومك وانساني
وخلت قلبي فيه وسوم = وازرعت فيه احزاني
مكتوب ٍ عليّ الصوم = عن بوحي لوّ اعاني
ابعزة نفسي محكوم = لو الثمن حرماني
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
والله لو شفتي مكانك بالخفوق = والشوق لا غبتي دقايق واشتعل
ليروح كل الضيق واعصابك تروق = وتبطلين الشك فيني والزعل
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
للحب منهج ياجميلة وله سلم = وصفات في دنيا المحبة عريقة
البذل والاخلاص والصدق والحلم = معها دروب الوصل تصبح حديقة
والعاشق ليا لاعته حرقة الظلم = معاتب الاحباب يطفي حريقه
وانتي وانا فالحب ما غرّنا العلم = مير الوصل عطشان ما بل ريقه
ودام الامل ..فالوصل ..مات انتهى الفلم =كل ٍ يروح بطعنته في طريقه
واعتبري العشق الذي ضمنا..حلم=قمتي وقلتي ..اه..ليته حقيقة
[/poem]