قرير العين !!
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صباح الخير يا طيرٍ على الشّجرة تجرّ الصوت = صباحٍ فيه صوتك يا قرير العين صبّحني
نبش خضر الجروح الماكنة فالخاطر المكبوت = جروحٍ خايف انها في حدا الآيام تذبحني
حصيلي من غرابيل السّنين وحبلها المفلوت = وحظٍّ شابت ارموشه وظهره فالدّهر محني
ليا جيت اغتنم فرصة ذهبيّة عليّ اتفوت = تمرّ وخاطري فيها وبالنّظرات تلمحني
واجاريها بنظرات العيون وكلّبونا سكوت = و امدّ إلها يدي لكنّها ترّفض تصافحني
وانا مومن واخاف الله واعرف انّ الهجر ممقوت = لكنّ الله يسامحها على الهجر و يسامحني
اكنّ إلها المحبّة والغلا واهيه تكنّ الموت = ولا آدري وش تبا بسم الميانة يوم تجرحني
ماني ناقص جروح .. ولغم مكنون الحشا موقوت = خطيرٍ ينفجر وتحوّل العبرة وتفضحني
واروح إليا انزلت ( محور نقاش ) الباحث الهلفوت = ليا منّه تربّع فالمجالس قام يشرحني
قليل الخاتمة ضميره الميّت وهو تابوت = شعاره بطرحك جوف الشرك قدّام تطرحني
هذاك اللّي يحسب انّ البحر ما ضمّ غير الحوت = عليم الله ما تفرق لو يذمّ او راح يمدحني
مواصل رحلتي والقافلة فالموعد الموقوت = تبا تاصل ويبطي باير الحيلات يكبحني
مغاتير النّوايا بيتها فوق الصخر منحوت = ليا صاغه خيال الفكر للواقع يوضّحني
على وضح النّقا والصّوت ما ينفع لا فات الفوت = يا طيرٍ من صباح الله بجر الصوت صبّحني [/poem]

ماني ناقص جروح .. ولغم مكنون الحشا موقـوت
خطيـرٍ ينفجـر وتحـوّل العـبـرة وتفضحـنـي

ياسلام ياهزاع
صح لسانك ولا هنت
تحياتي

ياسلام
مبدع

صح السانك دائما

اعجابي