البارق
 

عسى البارق اللي لاح في نجد من داني
=يعمه بخير الله ويجدد افراحه
ويسق الديار اللي بها طوال الأيماني
=كعام الضديد ونار جوفه وقداحه
علوم الحيا تجلي عن النفس الاحزاني
=وتشرح صدور من عنا الجور منساحه
احس اني ليا جاء المطر واحد ثاني
=ولا افرق عن اللي شاهر غير بجناحه
ولا أقول عانوني ولا اقول وش جاني
=اسج القدم وأسلى عن الوقت واجراحه
وادور خوي خوته ما لها أثماني
=عزيز جنابه ما جفى الطيب ملواحه
مردد عريب جدود من حسبة اخواني
=يروم المراجل في مجييه ومرواحه
نخيل البروق اللي تكاشف بالامزاني
=وندعى عسى الريضان من المزن مياحه
يعل الوطى يكسيه من العشب الالواني
=ونقطف زماليقة والازهار فواحه
يا عنك التعب ينزاح و تزين الألحاني
=ويصبح عليل الروح موعود بالراحه
لو إن الفتى يدري عن ظروف الازماني
=ما عاش الحياة اللي بالأقدار لواحه

احس اني ليا جاء المطر واحد ثاني
=ولا افرق عن اللي شاهر غير بجناحه


الله الله

صح لسانك يااستاذ

تحياتي

عسى البارق اللي لاح في نجد من داني
=يعمه بخير الله ويجدد افراحه

اللهم آمين
وصح لسانك شاعرنا
ولاهنت على هـ الفاخرهـ

تقديري,’’

صح بدنك يالامير
ولاهنت
:)

صح بدنك
ولاهنتِ

صح بدنك
يالغالي
ولاهنت