تـغ ـــريـدات حــــرّه !
بسم الله ،
: : : إلى أولى التغريدات .. :021: :thisdown: :thisdown: :thisdown: |
:
أبا أفتح لي تويتر هنا وأطلق التغريد ليا ضيّق تويتر وقيّد عصافيره لو إني قعدت وْحيد أنا من هل التوحيد ولا همني كلب اليهودي ولا طيـره وفاً للمكان اللي عطاني جميل الفيد لو إنه على عروشه خوى من جماهيره ! : |
:
العبد لا .. ماله من الطيب مثقال وش يرجي من أول إلى آخرحياته باطل ليا ماعِدّ من ضمن الأبطال خطّط لموته مايدوّر نجاته يسمع كلام الله وسمع النبي قال مايقتدي به مايسوي سواته ! : |
:
مابه جديد أقوله لْكم .. كل ما أبا أقول .. قيل ................... ولاعاد للأقلام في الأعلام لوصرت صريخ يعني تراها باحت القربه ولا فيها حصيل .................منفضخه ولاعاد ينقلها سوى القلب الفضيخ والمنصف اللي مايجامل لا زميل ولا عميل ................. يبا يقول إن أكثر علوم الأوادم .. طاخ طيـخ والله ما أنسى من صنع فيه جميل أكبر جميل ..............اللي مـن أجـله شـيّخوني لو أنا مانيب شيـخ! الدين ما أحسن منه والله لا كثير ولا قليل ............... ولا ينفصخ عن منهجه يكود أبو عقلٍ فصيخ : |
أبا أفتح لي تويتر هنا وأطلق التغريد
ليا ضيّق تويتر وقيّد عصافيره لو إني قعدت وْحيد أنا من هل التوحيد ولا همني كلب اليهودي ولا طيـره وفاً للمكان اللي عطاني جميل الفيد لو إنه على عروشه خوى من جماهيره ! سجلني متابع للتغريدات الحره :) |
:
تنكلوجيه : ماعاد عندي ياعرب وتس آب حذفته وحذفت مندوبه وسكايب اللي يفتح الأبواب قفل على الماسنجر دروبه وتويت والي للوجوه كتاب على حسابي غير محسوبه وبرلنقو اخو الببلي النصاب يجرها لوكان منصوبه ولاعَرْف انست اقرام يالاصحاب اعرابيٍ ماغيّر اسلوبه تواجدي فقط على المرقاب وياقرب عنه اعلاني التوبه ! : |
ياهلا ياكديميس ..
متابعتك مكسب وفخر ياكحالان :) .. |
عبدربه/
سأتواجد هنا كثيراً رغم قلة التواجد ورغم تزايد وسائل التواصل التي أجزم بإنها فتنة إلا ماوافق العقل والمنطق مما يستند ع القران الكريم والسنه لن أعتذر ولن أستأذنك فتواجدي هنا يــدفعه الحب في الله دعواتي الخالده لكـ .. |
:
ياكثر ماجتني رسالة " تمّ سحب " وياقل ماجتني رسالة " تمّ ايداع " يكثر عليّ العجز لو الصدر رحب والله هو الرزاق .. ما فيها نزاع : |
اقتباس:
حي التواجد وراعيه وأشكرك .. على هالشعور النبيله! آنستني يابعدي :) |
اقتباس:
اقتباس:
الله يثبتنا على الحق وإياك احسن تحاسب قبل تاكل مطبك! تعرف سلاح الشعر تراه فتاك لكن ياجرح الزمن وين طبك ؟ |
تغريداتك ممتعة
ومتابع يابو حوّا لك التقدير دوماً |
^
^ ياهلابك وبمتابعتك يابوسعيــد .. فديتك فد وفد :) |
:
ياصاحبي في توالي صحبتك وش نويت ؟ لاتستمع في المثل ( من لادمر ماعمر ) وراك في سرنا المخزون بعت وشريت عطيتك الضوء الأخضر وأنت موتٍ حمر! الحب له في صميم القلب مقصد وبيت ماهي سوالف على دله وتبسي تمر ! : |
:
ورد عن نبي الله حديثٍ بما معناه : ترى الله يتوب لمن يسئ في نهار أو ليل وأنا أرجو من الرب العلي رحمته ورضاه ما غيرك يغفـر ذنوبنا ياشديـد الحيـل ليا جيت لك يارب وبضاعتي مزجاه تصدق عليّه وأوف لي ياكريم الكيل : |
هلابك ياشيخ عبدربه متابعينك يالغالي تويتر علوم وعلومه اعلوم صباحك مشرق وصافي .. طقوسه به زهر وورود.. به التوحيد صافي محض .. للمنان سبحانه ,, |
^
^ هلا بك أكثـر يالماجدي .. شرّفت الركن بطلتك البهيه :) تحياتي لسموو روحك :icon31: |
:
تعوذوا يالربع من نزغة إبليس دليل شر ولا يبا الخير للناس جداه في زرع الفتن والوساويس واللي يطيعه حاصدٍ كل الاتعاس شقر العصا فيه الضعافه بلا قيس والاجتماع يفيد قوه ونوماس : |
:
مانيب داخل نظام الفيس وتويت من صالحي يوم أغرد خارج السرب من الامل مرتوي من دون رتويت ماكل هشتاق له مشتاق يالذرب : |
:
ماهمنا خسر والا فاز روحاني روافضٍ كلبوها تبت أيديها شرذمةٍ تكره أهل الحق من داني قليّله مير ياما أكثر بلاويها تبا تسوي علاقه وأنت شيطاني حيلة حصاني علانا ماتمشيها وكلابك اللي بسوريه ولبناني والروس الاذناب حاميها حراميها اذيتوا المسلمين بكل الاوطاني بأعمال حتى اليهودي مايسويها وأيضاً بعد تسخرون بخير الادياني وسنة محمد حربتوها وراعيها ينصرهم الله علاكم عالي الشاني الواحد اللي جميع الخلق محصيها : |
:
الا ياهل الهوشه على ختوم وبشوت حَمَار الدمي غطى حَمَار العمامه أنا مانفيت العلم والعلم مثبوت طلع من علامات القيامه علامه مادام المؤذن قائمٍ يرخي الصوت سمعنا الأذان ولا سمعنا الاقامه ! : |
\
/ \ ياهلا برمضان عد رش المزون له بقلبي مكان وإلْه تبكي العيون فاقده من زمان واحتريه مغبون والله المستعان يرحم المسلمون اسمعوا ياخوان ومن سمع مايهون لايروح رمضان في السهر والمجون مالعمرك ضمان ولاتفيد الظنون \ / \ |
| جميع الأوقات بتوقيت GMT +3. الساعة الآن 02:14 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية