منتديات المرقاب الأدبية - أتنومس في عتيبة على طول الليال

السلام عليكم ورحمة الله وبركاته
قصيدة تشرفت بإلقائها في حفل ذوي عارف من قبيلة الذيبة بمناسبة زفاف
الشاب حجاب بن فايح بن عارف الذيابي

[poem=font="Simplified Arabic,4,black,normal,normal" bkcolor="transparent" bkimage="" border="none,10,gray" type=2 line=0 align=center use=ex num="0,black""]

بسم من يارد على الجم بطوال الحبال=ويتقصوى في المثايل ويشقى للجزيل .
مطلق مسباق شعره ويسبح في الخيال = وأن قصد يفرق سمان الكلام عن الهزيل .
لااعتلى في منبر الشعر ماجاب الهـــزال = وقفته وقفة ثقة ماهي بوقفة ذليل.
وقفةٍماتغتبي في محاضير الرجـــال =وقفةٍ لو مالت جبال حايـــل ماتميــــــل.
ياسلام الله سلامٍ مثل وبل الخيــال =لاسكر جوّه وجاله على البيدا هميـــــــــل .
لاانتثر وبله وساقى معاطيش العبال =واغتنم وسمه هل الطرش من عقب المحيــل.
ياسلام الله سلام على الحفلة ظلال =مثل فوح العود في حفل كســـاب الجميـــــــل
مثل فوح العود في حفل وافين الخصال =عزوةٍ يرجح بها الوزن في اليوم الثقيل.
جيت يدفعني محبة ورفقــــة واتصال = من رفيقٍ رفقته قدرها ماهو قـــــليل .
من رجالٍ يكسبون النعم في كل حال= روسهم تقدح سطر والفعول لها دليـــــــل.
من سلايل روق عرق الظفر سم الطحال = العزايم شامخة والسيوف الها صلـــــيل.
جيت والماقف ينومس ولافيها جدال =شاش راسي والحمايا تسوي المستحـــــــيل .
في حلال الذيبة أهل الكرم وأهل الدلال=والصيانا اللي عليها الشحم دايم يسيل
جيت أمثل لابتي عن طحاطيح العيال =عسكر البارود ستر الهنوف أم الجديــــل
عزوة العبود يوم العزاوي والقتـال= عزوةٍ باالرمح تفرق خليل من خليـــــل
عزوة الآد القثامي مخضبة الــــسلال= فالنهار اللي يخلص عميل من عميـــــل
جيت ألبي دعوتك وأتنومس ياجمال = ماحضرت بلا عزيمة ولاعابر سبــــــيــــل.
جيت والهاجس بصدري سريع الاشتعال =يوقده فعل النواميس والماقف فتيــــــل .
أتنومس في عتيبة على طول الليال= وأنت من روس القبيلة والك باع طويـــل.
في علوم المرجلة مايوفّيك المقال =يوم غيرك فالمجالس هروج بلا بذبيـــــل.
جيت ألبي دعوتك وأتنومس ياجمال=أنت رجــل رفقتة قدرها ماهــــو قليـــل.

[/poem]