مدلهين الخوي ، ومتيهين البكار
 

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]للشعر بحرً عميق ،، وللبيوت ابتكار=للشاعر اللي فنون الشعر تمشي معه
ماياخذ الا الجواهر من عميق البحار=اللي وراها الخبير يطق راس اصبعه
ماجابها الا بعد جهد وعنا وانتظار=لانه ماهوب اي جوهر ياجده يقنعه
عيني على اللي لها عند النشاما وقار=الدره اللي عليها نظرة المطمعه
حتى ليا مرت اذواق العقول الكبار=قالوا هذي مكسب اللي مايغر اسنعه
والناس في منافسات العز والافتخار=الجزل تستقبله ، وألاّ الهزل تمنعه
والشاعر اللي يجمعها من ادنا مسار=ماشنف اسماع رجالً يبا يسمعه
لاصار مايتعب الافكار في كل دار=ماهوب جايب قصيد يشوقهم مطلعه
وانا اعطي الشعر وقت الجد حشمه وكار=ماني مجمع كلامً خاب من يجمعه
وان كان ماتستوي في حفلة ابن شرار=شعر النبط نذر ماعاد اكتبه وابدعه
مقعد طويل الشبور محقق الانتصار=حرً لفعل الكرم ،،، بيبانه مشرعه
الشامخ اللي فعوله ماعليها غبار=طيبه على فطرته ماهوب مستصنعه
من عزوةً صيتها في سر ولا جهار=صديقها تفرحه ، ولا العدو تقمعه
لاد النفيعي ليا من صار رد اعتبار=ياسعد من عزوته عند اللزوم نفعه
مدلهين الخوي ، ومتيهين البكار=اشاوسً وارثين الطيب من منبعه
تاريخهم بالمفاخر مثل شمس النهار=واللي جهل ياخذ التاريخ من مرجعه
ومدامني عند ربعي محتمين الديار=ترحيبنا في حظور الضيف مانقطعه
يامرحبا بالحرار اللي لفت للحرار=ترحيبةً ضافيه والصدر كله سعه
سلم التراحيب مانضفي عليه الستار=لاوالله ألاّ شعاره بالوفاء نرفعه
اقولها عن هل الماقف طوال العمار=ولاخاب من عزوته عند اللزوم نفعه[/poem][URL="http://www.al-hfah.com/vb/search.php?do=finduser&u=294&starteronly=1"]

محمد النخيش

ونعم والله يا محمد إبك وبربعك
والمادح والممدوح
يستاهلون


وصح اللسانك ،

صح لسانك وبيض الله وجهك
ونعم فيكم جميع

دايم مبدع يا محمد

ماجابها الا بعد جهـد وعنـا وانتظـار
لانه ماهوب اي جوهـر ياجـده يقنعـه

هنا مربط الفرس ولادة الحرف هي اصعب لحظات القصيدة وهنا قصيدة رائعه منذ ولادتها صح قلبك ولسانك يا محمد

ماعليك زود ياابن مشوط

وتستاهل الطيب لاعدمتك

وصح بدنك ..

صح بدنك ووجهك أبيض يامشخص

والابداع مكتمل بمرورك الكريم

الاروع مرورك يادكتور الشعر والابداع

شرفتني متابعتك

وصح بدنك لاعدمتك