الصراحه مربحه
 

الهاجس اللي كل ماجيت اكبحه
قام وتعلا بي على المشرافيه

لامنّ هجرس كل قاف ٍ يقدحه
يصوغ من بدع الشعر والقافيه

والوضع مايحتاج لاجيت اشرحه
الحر يفهم والاشاره كافيه

ماكل رجل ٍ يستحق انّ تمدحه
ياكود رجال ٍ فعوله وافيه

وراع المراجل لامدحته تِفرحه
تعطيه من جزل المديح انصافيه

امدح كريم ٍ كل حايل يذبحه
واترك بخيل ٍ نار بيته طافيه

وكب الضعيف اللي فعوله تفضحه
دايم ردي العرف اموره هافيه

ما من ورى قول الحقيقه مصلحه
تفطن لها اهل القلوب الصافيه

الصدق فيها والصراحه مربحه
وكل المقاصد فالقوافي شافيه
محمد مرزوق السميري