الشاعر شفق السريع و الشاعر فارس العصيمي
الاخ الشاعر حبيب العازمي
الاخوه مشرفي منتدي المرقاب الكرام الاخوه الاعضاء الكرام الاخوه الزوار الكرام اسعد الله اوقاتكم بكل خير و يسعدني ان اكون اول من ابتدأ به المرقاب محاوراته الصيفيه عبر الشبكه العنكبوتيه (انترنت) انا و زميلي الشاعر الرائع فارس بن مقبل العصيمي, آملاً من الله الكريم ان نكون عند حسن الظن و نخرج بشئ من الشعر الجميل و الله ولي التوفيق. استلم يا فارس: سلامي على المرقاب ومشرّف المرقاب ******************* عسى الله يوفق ساعة نجتمع فيها الا يالعصيمي صك لك باب وفتح باب ******************وخل النشاما تستمع لك بذانيها |
هلا مرحبا بك ياشفق طيب الانساب.... انا معك والقلطه تبا من يسريها
حضرنا معك يالعازمي والهوا جذاب... وجدي وجدك يثلج الصدر ماضيها |
هلا يالله حيهم يالله حيهم
الشعار والصفوف والزوار العبوا العبوا سلامي على المرقاب ومشرّف المرقاب ******************* عسى الله يوفق ساعة نجتمع فيها ========================================= هلا مرحبا بك ياشفق طيب الانساب.... انا معك والقلطه تبا من يسريها الليل هلالالالالالالالالالالالالالالالالالالالالا بكم هلا |
ياسلام ياشفق ياسلام يافارس
من اولها ابشجع تراي ماسك الصف شفق عليك بطريقه الاتحاد442 |
يامرحبا . ياشفق السريع .يامرحبا يافارس العصيمي
كم انا سعيد في هذه الليله التي تجمع بين شاعرين من شعراء المرقاب العزيز علي الهواء مباشره .. الله يوفقكم .. ويسدد خطاكم تقبلوا تحياتي وتقديري ... |
السلام عليكم ورحمة الله وبركاته................,
هذه مصافحه لجمهورنا الكريم من خارج المملكه وداخلها. واشكر القائمين على هذا المنتدى العظيم الذي له السبق في هذه الفكره محاوره لها صفوف في جميع انحاء المملكه وخارجها |
اشوف الذيابه قامت تحدد الانياب
**************عسى الله يبعدها و يكفي بلاويها وانا وانت يا فارس وليلي وليك طاب ************* علوم نسرحها والاخرى نضويها |
انا للذيابه عندي السيف والمشعاب....وابا ازهب البلجيك واحفظ مراميها
وادوس الخطر وامشي وافلي مع الاجناب....وانا رايتي عليا ولا احدٍ موطيها |
اشوف الذيابه قامت تحدد الانياب
**************عسى الله يبعدها و يكفي بلاويها وانا وانت يا فارس وليلي وليك طاب ************* علوم نسرحها والاخرى نضويها يسلام انا للذيابه عندي السيف والمشعاب....وابا ازهب البلجيك واحفظ مراميها وادوس الخطر وامشي وافلي مع الاجناب....وانا رايتي عليا ولا احدٍ موطيها __________________ العصيمي لاهنتو سروها وازهلو الصفوف |
يا سلام عاشو عاشو الشعار0 شفق0 فارس العصمي0
واصلو ونا مشجع لكم يالاثنين والكم تحياتي 0 مرزوق الروقي |
ترى الوقت يا فارس يجي فيه شد اعصاب
************** فلا تامن الخطوه و حسّب مماشيها تجيب الخبر بكره جهينه بوسط كتاب ************ و كلٍ يسوي له سوالف و يرويها |
انا احسّب الخطوه وأعرف الثعل والداب....وعينٍ بنفقعها وعينٍ نداويها
وراع الدوادي والخرابيط سف تراب.....وخل البشر تركض وترشي محاميها |
الشاعر حبيب العازمي ياشعار يبلغكم تحياته ويعتذر منكم
لعدم المشاركه بسبب انه في حفله بالرياض هو والشاعر مستور العصيمي ولكن يقول انا معكم بقلبي ويتمنى لكم التوفيق وكلنا نتمنى لكم التوفيق |
الشاعر فارس
والله اني اعرف معاناتك مع السيرفر في الخفجي مير الله يعينك انت والدايل ان(dial in). مار لانقطع شغل الموتر ولا توقف الا عند شفق في ابقيق وازهل الصف لان تاصل!!!!!!!!! |
ترى للرجال الحى ترى للرجال اشناب
************ و اذا جاتك العورا على من تمشيها انا اعرف زبون الصامله واعرف اللعاب ************ وناس تهقوانا نضيع هقاويها |
انا للحى ناتف وانا للشنب نتاب 00000 و اذا جاتني العورا ابا اقطع مصاريها
ترى من يضن الطيب فينا ربح ما خاب 00000 و ناسٍ تهقوانا على الكبد نكويها |
يا الربع انا اراسلكم من الخفجي والنت بطي ويفصل على طول
وارجو المعذره على التأخير |
الاخ شفق والاخ فارس ،،، ما شا الله عليكم ،،، محاورة ممتازة وشيقة ،،،
واصلوا ترانا متابعين ،،، وعساكم على القوة . تحياتي للجميع . |
فارس يعاني من مشكلة في الارسال
ولكن يحاول وسيعود باذن الله |
تقوله وربك يعلم الغيب والاسباب
*************** ومن لا يثبت ساسها ليش يبنيها على هونك اركد واعرف الماقف الغصاب ************* ترا ام الكباير شرها في كلاويها |
اقوله وقولي يا شفق يطرب الالباب......على سنة الهادي وربي مقديها
انا ماقفي واضح واشرد اسود الغاب....وراع الكباير كلمته لا يثنيها |
ياسلالالالالالالالالالالالالالالالالالالالالالالام
رائعين وممتعين الليل الليل الله يمدكم بالعافيه |
| جميع الأوقات بتوقيت GMT +3. الساعة الآن 06:27 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية