فهد نعيم العازمي قد الافعال
الاخ الشاعر فهد نعيم العازمي
مع التحيه والتقدير يقول من لايكلفه بدع الامثال ............ عنده على نظم القصايد شهاده شهادةٍ يفخر بها يوم تنقال ................ ما جت له الا بعد عزم واراده ما سقت فيها يوم تمنح لي ريال ............... شعري وصل بي لين حد الرياده ومن بعدها يا مسندي طيّب الفال ................ فهد نعيم اللي رفيعٍ شداده فهد نعيم العازمي قد الافعال ............... شاعر وله فالشعر مركز قياده من روس ربعٍ تبذل الجاه والمال ............ ولهم على صكات بقعا جلاده لا يافهد وش غير الحال بالحال ........... تال الزمن خالط بياضه سواده وقتٍ عجيب وشيّبوا منه الاطفال .......... حتى الرضيع اللي بدا في مهاده احترت يا مشكاي فــ اقفاي واقبال ....................... مابينهن حاربت نوم الوساده ياشين ميزان الصداقه ليا مال .............. تحتار به ويصيب فكرك بلاده ما كل رجالٍ يسمى برجال ............... لو كان دكتورٍ ويملك عياده ولوهو معه نجمات فالكتف تختال ............. ان ما نفع تصبح على اسمه نكاده والحافي اللي ماقدر يشري نعال .................... يشكي لهيب القيظ وايضا براده حتى ولو هو من مقاديم الابطال .................. ما يامن المقرود كبوة جواده مايروي العطشان مقدار فنجال ................ ولايشبع الجايع من اكل الجراده اثر الصقور بهم تناويع واشكال ................ ما كل صقرٍ يعجبك في هداده ودك ردي الفعل يلبس له شيال ............. ويحط له من فوق صدره قلاده لاصار ماهو للمواجيب شيال ............... ماهو محصل في حياته سعاده واسلم وسلّم يافهد عد همال .................. ماشاب قافي بس مابغى زياده |
الاخ : زايد الرويس
صح السانك مليووووون ونعم باللي ذكرت ويستاهل تقبل تحياتي |
الاخ العزيز نواف
لاهنت والله على ردك تحياتي لك |
زايد
جزل ومبدع صح لسانك وبيض الله وجهك وبإنتظار رد فهد تحياتى للكل |
زايد الرويس
كفو يازايد وقصيده جزله في شاعر يستاهل شكرا يا زايد وبانتظار رد فهد |
الاخ الشاعر / زايد الرويس
صـــــــــح الســـــــــااانك على القصيده الجزله ويستاهل بن نعيم وكفوووو وتقبل تحياتي الكويت |
زايد الرويس
هلا وسهلا اخوي زايد وصح لسانك على هالقصيده الجزله وعذرني على التاخير انا مسافر ولا عندي نت غير مريت واحد من الشباب وصدفه قريت القصيده وعجبتني ولو فيها مدح انا اقل منه شوي بس هذا من طيبك وما عليش ابا اتاخر شوي في الرد لاني مشغول في الصيفيه وعندي حفلات وتنقلات وسفريات الله يعين انتظرني شوي وعذري منك على التاخير ومن جميع الزملاء هنا |
المميز
زايد الرويس صح لسانك على هذه الرائعه وافي و فهد يستاهل شاعر متمكن في فن صياغة القصيده , دائماً تجبرني قصائدك على توقيع اسمي بها. و ننتظر الرد من البارع فهد تحياتي لكم اخوكم شفق السريع |
الاخ
زايد الرويس صح السانك شاعر متمكن والشاعر فهد العازمى كفو ويستاهل ونعم فيكم تحياتى لك |
ابو عايض
شاعر يمتلك من الجزاله مايكفيه صح لسانك ولاهنت يابعدي شهادتي مجروحه يالسنافي وبو نعيم كفو ويستاهل اكثر لاهنت تحياااتي لك نايف بن عيفاان |
زايد يازايد
. . . والقصيدة زايدة بالجمال. . . . والأخ فهد العازمي يستاهل أكثر |
خالد الذيابي
شكرا لتواجدك تحياتي لك |
الاخ العزيز مسعود اليامي
الله لايهينك يا مسعود ومشكور على تواجدك تحياتي لك |
الاخ الشاعر الجزل
حسين العتيبي الله لايهينك وانا اخوك تواجدك وتعليقك شهاده لي تحياتي وشكري لك |
الاخ العزيز فهد العازمي
الله لايهينك وتستاهل اكثر وانا اخوك وانا بالي طويل وانا اخوك تحياتي لك |
الاخ العزيز شفق السريّع
لاهنت ياشفق ومشكور على تواصلك الجميل تحياتي لك |
الاخ العزيز محمد الكرشمي
الله لايهينك يا محمد ومشكور على ردك الجميل تقبل تحياتي |
الاخ العزيز نايف بن عيفان
مشكور يا نايف على تواجدك الله لايهينك تحياتي لك |
الاخ العزيز محمد البشري
تسلم يا محمد والله لايهينك على تواجدك تحياتي لك |
الشاعر / زايد الرويس
الله عليك قصيدة جزلة في شخص يتسحقها بيض الله وجهك وصح لسانك ولاهنت |
الاخ العزيز سعود النفيعي
لاهنت يا بعدي ومشكور على ردك الجميل |
أخوي زايد رويس
صح لسانك ألف جزلة من شاعر جزل كفيت ووفيت يالغالي ... تقبل تحياتي ,,,,,,,,,, أخوك / عبدالله مرّان |
| جميع الأوقات بتوقيت GMT +3. الساعة الآن 06:06 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية