ريــح حنـــّـاك
السلام عليكم ،
من الغزل المطوي ولولا إلحاح (عزيز ) لبقيت على حالها [poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"] لا تنفعل وتثور والعلم يفداك =يفداك .. ويفدا ثورتك وانفعالك طش الخطا منّاك .. والعذر منّاك =أجادلك وأقنع مع أوّل جدالك ولا تعقد حجاجك وتزعل محيـّاك=وأبسط فراش الصدر وأجلس لحالك أجلس لحالك .. عن هذولا وذولاك=وأنا ومكنون الجــــوارح حلالك يهواك قلب ٍ كل ما قلت يهواك =نبض لك .. ولمـّك .. وحطــّك .. وشالك ! جابوا مجالك قلت يا حيّ طرياك=وطرياك لو يقصر .. يطوّل مجالك ناس ٍ تسولف بك وتقفي وتقفاك=ويخيب فال الناس .. ويطيب فالك نم ٍ تمثناني .. و نم ٍ تمثناك =ماعاد فيها قول ( مالي ومالك ) ؟ ترا المحبّه متعبه لا عدمنــاك=أمـّا كذا وألاّ فـ لاهي كذلك أحـّرفك فـ البال واكتبك واقراك=والحبّ كلمــه بين بالي وبالك وأهيم بك وأحط روحي بيمناك=وأقول صفـّق في يمينك شمالك ولانيب ميّت غير من ريح حنــّاك=وأن متّ من حنّــاك سقت العزاا لك تلعب بي الأشواق وأنا اتحرّاك =أخاف لا تجزع وتقطع وصالك وغابت عليّ الشمس والحبّ فتـّاك=وضاقت على رجلي جميع المسالك أشوف حالي فيك وأقول وش جاك=عني تلد الشوف .. وتشوف حالك ؟ لوّ أنّ كل الخلق مثلك وشرواك =واللــّه ما يصلح حبيب ٍ بدالك [/poem] وسلمتوا ، |
حظي كبير اني اول من يرد على هالفاتنه ياسداح
لو ان كل الخلق مثلك وشرواك واللــّه ما يصلح حبيب ٍ بدالك والله يجمل حال من الحّ بطلبها... اذكر منها بيتين كانن توقيع المبدع مثلك يعجز الكلام يفيه حقه ولكن لنا الحضور والمتعه فانت لست بحاجة مديح..... تحياتي |
السلام عليكم
الاخ الغالى الشاعر الرائع سداح مرحبا مليوون على الجزاله والابدااع ياسلام على الابدااااع وصح السانك على القصيده الرائعه قصيده جزله من شاعر جزل ماجيت بقصور وافي دلئما يا بو سدحه تقبل تحياتي اخوك خالد بن سكران |
سداح
صح السانك وبيض الله وجهك تحياتي لك |
[poet font="Simplified Arabic,5,red,normal,normal" bkcolor="transparent" bkimage="backgrounds/65.gif" border="none,4,gray" type=0 line=200% align=center use=ex length=0 char="" num="0,black" filter=""]
لاتنفعل وتثور والعلم يفداك =يفداك .. ويفدا ثورتك وانفعالك طش الخطا منّاك .. والعذر منّاك =أجادلك وأقنع مع أوّل جدالك ولا تعقد حجاجك وتزعل محيـّاك =وأبسط فراش الصدر وأجلس لحالك أجلس لحالك .. عن هذولا وذولاك =وأنا ومكنون الجــــوارح حلالك يهواك قلب ٍ كل ما قلت يهواك =نبض لك ولمـّك وحطــّك وشالك ! جابوا مجالك قلت يا حيّ طرياك =وطرياك لو يقصر .. يطوّل مجالك ناس ٍ تسولف بك وتقفي وتقفاك =ويخيب فال الناس .. ويطيب فالك نم ٍ تمثناني .. و نم ٍ تمثناك =ماعاد فيها قول ( مالي ومالك ) ؟ ترا المحبّه متعبه لا عدمنــاك =أمـّا كذا وألاّ فـ لاهي كذلك أحـّرفك فـ البال واكتبك واقراك =والحبّ كلمــه بين بالي وبالك وأهيم بك وأحط روحي بيمناك =وأقول صفـّق في يمينك شمالك ولانيب ميّت غير من ريح حنــّاك =وأن متّ من حنّــاك سقت العزاا لك تلعب بي الأشواق وأنا اتحرّاك =أخاف لا تجزع وتقطع وصالك وغابت عليّ الشمس والحبّ فتـّاك =وضاقت على رجلي جميع المسالك أشوف حالي فيك وأقول وش جاك=عني تلد الشوف .. وتشوف حالك ؟ لو ان كل الخلق مثلك وشرواك =واللــّه ما يصلح حبيب ٍ بدالك د/ ســــــــــــــــــــــداح [/poet] د/ســــــــــــداح صح لسانك مليووووون لاجديد ............الابدااااع يتكرر سجل اعجابي ومتابعتي تحياتي |
صح لسانك يالدكتوووووووووووووووووووووووور مليووون ولايكفوون
قصيده رائعه وعذبه لاعدمتك ولاهان اللي طلبها ويستاهل حبة خشم وانت كذلك:) دمت بخير ايها المبدع تحياتي واعجابي بما تكتب |
المبدع سداح
والله انك رائع ومبدع صح لسانك ولاهنت سجل اعجابي المتكرر تحياتي لك مطلق بن شويه |
جابوا مجالك قلت يا حيّ طرياك
وطرياك لو يقصر .. يطوّل مجالك سدااااااااااااااح,,,,,,,,,,,,,,,جعلك العااافيه يالسناااافي شاعر مبدع ومتميز في كلا الظروووووووووف سجل متابعتي ,,,,,,,,,وصح لسااانك تحياتي لك,,,,,,,,,,, نااااايف |
ولانيب ميّت غير من ريح حنــّاك
..............وأن متّ من حنّــاك سقت العزاا لك ارفق علينا لا عدمناك :) لله درك يا شيخ ولله در اللي طلبها شفتها في توقيعك قبل فتره وتمنيت انك تجيبها وهذا انت جبتها بيض الله وجهك يا القرم فالقصيده / لا يجود لغير الابداع مكان صح لسانك وقلبك يا دكتور تحيتي ، وتجديد اعجابي اخوك ومحبك |
لو ان كل الخلق مثلك وشرواك
واللــّه ما يصلح حبيب ٍ بدالك ولانيب ميّت غير من ريح حنــّاك ..............وأن متّ من حنّــاك سقت العزاا لك عز الله انك شاعر ومعلم شعر صح واللي يقول غيرر هالشي ماعنده ضمير تحيااااتي لك |
الدكتوووووور ....
ســـــــــــــــدااااح .. صح لسانك وسلمت مليووووووون امتعتنا والله والله يكّثر من العزيزين اللي يطلعون لنا مثل هالفاتنه.. لاهنت يالنشمي وبيض الله وجهك |
الشاعر ... سداح
صح لسانك ولاهنت
:) |
[ALIGN=CENTER]
السلام عليكم ورحمة الله وبركاته الله الله الله سداح ,, حضورك بـــ.. روح الياسمين .. يغيّب عن روحي بعض الحزن .. هنا إطلالة من نافذة صدق رائعة .... لقد رحلت بك ومعك إلى مدار آخر .. قرأتك صدقا وأحساسا يخالطه تمكن وإحتراف مفرداتيّ رائع .. * * * .,,.,,.,,.. وقفة ..,,.,,.,, من يدخل هنا ,, لايخرج الا بوعد العوده او يفعل مثلي فلا يخرج !! احترمك ويشكر الورد اسباب خروج الفاتنه .. وفقك الله تحياتي سراب [/ALIGN] |
ياهلا بالقاف وراعيه
صح لسان الدكتور والله ان كن الكيبورد يقول رد على سداح رد وافي والا ريحني! وان اقول له ابشر بطول الراحه ياكيبوردي! لاني مهما دعست على خشومك اللي وش كثرها ماراح اوفي سداح حقه! تحياتي لك يادكتور ابوزيد |
حيه وحى ماجاب
دكتور سداح
صح السانك ولا تعقد حجاجك وتزعل محيـّاك وأبسط فراش الصدر وأجلس لحالك اتمنى وجود ديوان يادكتور المرقاب واى مساعده انا حاضر لك الله شاعر مواقف |
[ALIGN=CENTER]هذا السداح...لايزال شامخا كما عهدناه...
مبدع لان الابداع الفطري سمته...هو والشعر تؤمان...وجميل جدا ان تقترن الرجولة والشعر...لنخرج بمثل هذه الظاهرة الشعرية والتجربة الفريدة...يكتب سداح لنشعر اننا ننتحي بالشعر هناك في كوكب آخر تسكنه(( قصائده)) ونتنفس ((اكسجين)) معانيه قبل ان نرتوي ((عذب )) مفرداته... ناس ٍ تسولف بك وتقفي وتقفاك.....ويخيب فال الناس .. ويطيب فالك اجزم انه قد اسس ماركة ((شعرية)) خاصة به..كان لها الابداع شعارا والتلقائية اجمل تسويق...باختصار نحن هنا نستمتع بقصائده مجانا!!!! أحـّرفك فـ البال واكتبك واقراك.......والحبّ كلمــه بين بالي وبالك لك تقدير الشعر..بأكملة...وتحياتي[/ALIGN] |
صـــح لسانك
وبيض الله وجهك سجل اعجابي المتكرر |
دكتوووووووووووووووور
دكتوووووووووووووووور دكتووووووووووووووور ياليت كل دكتور في تخصصه مثلك كان محد شكى هم المرض |
الله الله عليك يا دكتور
متفرد في كل موضوع تطرقه بارك الله فيك وفي من طلبها مهما قلت،،، سداح فوق كل قول،، والله اني اقوم واقعد اليا شفتلك قصيده يا سداح. بس اذا قريتها ضاعت التعابير ولكن ما شاء الله عليك في طرق ابواب القلوب. تحياتي الخاصه واعجابي الخالص اخوك عامر عمار |
صبـاح الشعر ياشــعــر
كلما أدخــل الى هــذا المنتدى الرحيــب أحس بالراحــه وأتأهب لقراءة شعر من النجوم هنا ....وســـداح فالمقدمه ...صباحي جميـــل بك ياســداح وبهذا الشعر الذي أفخر به ويفخر بــه كل من هــنــا .... دمــت راقيــــاً شــــاعراً أخــــاً .. مر من هنا مـُـعـجـبـاً أخــوك بندر ... |
الغالي سداح
صح لسانك وتسلم يمينك جزله لاعدمتك سجل الاعجاب والتقدير تحياتي ابو عرب |
الشاعر الكبير/ سداح
صح لسانك وتسلم يمناك جزله لاعدمناك سجل الاعجاب والتقدير تحياتي اخوك/ابومحمد العرجانى |
| جميع الأوقات بتوقيت GMT +3. الساعة الآن 11:27 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية