الى الشاعر العذب مع التحية
[ALIGN=CENTER]السلام عليكم ورحمة الله وبركاته
اقدم هذه الابيات كمحاولة لمجاراة لابيات استفزتني للشاعرالعذب يمكنكم الاطلاع علي قصيدة الشاعر العذب على هذا الرابط http://montada.mergab.com/showthread...&threadid=7865 تقبلوها بصادق الود مشكلتنا يابشر في هـَ العصر عـَ المرة كلٍ بمكياله يكيل ناس تحكي دون مبدأ او فكر منطقٍ ضيق وتفكيرٍ هزيل عنده الانثى أقل من الذكر يعني يوم انه رجل لازم يعيل ناسي ان الام معنى للطهر تحت ماطاها جنان وسلسبيل ويوم جا منهو يدوّر عـَ الاجر للنبي وقال له ويش الدليل؟ (امك,وامك,وامك يابشر اكسب ارضاها فلا تصبح ذليل) والقوامة ماهي تشريف وقدر يوم تحمل عننا الحمل الثقيل حكمة الله صرت فيها تفتخر كـنّك المعصوم من يومٍ يهيل ذاك تكليفٍ يزيدك بالعسر يوم تتحاسب قدم وجه الجليل ذيك جنة .. ذيك نارٍ تستعر هن جزا المسلم عقب يوم الرحيل ولا انتَ بمعفى من حساب القبر بالتساوي فـ الحساب وفـ الحصيل أفتخر لي دين قايم عـَ اليسر دين ربي بالعدل ما له مثيل ضلعي المعووج ما ابي له جبر خلقة الله ما ابي عنها بديل وكان فينا نقص لله الشكر رزقنا عنده ولا عند البخيل تحسب ان الطيب في يدك حكر ؟ والمرة ماهي سوى عقلٍ هبيل أقدر اتكلم واجيب من العِبر عن حريمٍ شالن التاريخ شيل امهات المؤمنين اهل الدرر ما انعَرف عنهن سوى الفعل النبيل والصحابيات سيرتهن عطر ذكرهن محفوظ من جيلٍ لجيل كيف تجحدهن وتدني للخطر ليه ما تستثني الجيل الفضيل ؟ مبدأ التعميم للجاهل عذر لازم تحدد وللشكة تزيل نرجع لموضوع ثاني قد ذكر يومك تشكك فـِ شعر البنت حيل تحسب ان القاف مقصورٍ قصر عالرجال.. ورافع السيف السليل؟ والمرة (تمثال) ماله بالشعر برقع ونظرة من الطرف الكحيل ملهمة .. وانت الورق ويا الحبر تكتب احلى وصف بالخصر النحيل ويومها تكتب طواريقٍ قشر تشكي الخافي وسط قلب العليل حضرتك تستهزئ وحكمك صدر (ما لهن بالقاف مرباع ومقيل) ؟ الادب ان كان شعرٍ او نثر عن خليلٍ او هبيلٍ او حليل او قصيدٍ يشكي انواع القهر او شموخٍ عاليٍ مثل النخيل موهبة ماهيب محصورة حصر عالرجل . .ولا المرة وجهٍ جميل الكلام اللي مضى وجهة نظر يوم شب النار في راس الفتيل اعتذر عن الاطالة (hrt777- الاختلاف بالراي لايفسد للود قضية (hrt777- تحيااااااااااتي للجميع البندري[/ALIGN] |
ياحبكن للقشر
البندري صح لسانك |
صح لسانك
والله والله والله
اني لو ما ادري انك انتي كاتبه القصيده والله راح اقول الخنساء صحّت من الموت وصارت تكتب نبطي00000 وبس هذا تعليق وصح لسانك اخوك: و_ذ_الشمـــــري |
الكلام اللي مضى وجهة نظر
يوم شب النار في راس الفتيل وجهة نظر... والاختلاف في الرأي لايفسد للود قضية قصيدة رائعة وحضور جميل تحياتي |
امهات المؤمنين اهل الدرر
...............ما انعَرف عنهن سوى الفعل النبيل صح لسانك يالبندري راي اخر والاختلاف لايفسد للود قضيه تحياتي لكِ |
أي اختلاف يالبندري
أي اختلاف عز الله يابعد هالقصيدة إني أبصم بالعشرة على قوة شاعرية المرأة إبداع يالبندري الحق لابد أن يقااااااااااااال إبداع |
احــــــــــــــــم احـــــــــــم
[ALIGN=CENTER]الاخ زايد الرويس
:) :) :) صح بدنك مرورك وتشريفك الاول يشرفني لاهنت اختك البندري[/ALIGN] |
الشاعره البندري
اولا صح اللسانك وماقصرتي بها الرد . لاكن الشاعر العذيب ابدى وجهة نظره ومثل ماقالوا الاخوان اختلاف الرآي لايفسد للود قضيه تحياتي للجميع منازع الغلا |
امهات المؤمنين اهل الدرر
...............ما انعَرف عنهن سوى الفعل النبيل صح السانج ياالشاعره |
مبدأ التعميم للجاهل عذر
لازم تحدد وللشكة تزيل نرجع لموضوع ثاني قد ذكر يومك تشكك فـِ شعر البنت حيل تحسب ان القاف مقصورٍ قصر عالرجال.. ورافع السيف السليل؟ والمرة (تمثال) ماله بالشعر برقع ونظرة من الطرف الكحيل ملهمة .. وانت الورق ويا الحبر تكتب احلى وصف بالخصر النحيل ويومها تكتب طواريقٍ قشر تشكي الخافي وسط قلب العليل حضرتك تستهزئ وحكمك صدر (ما لهن بالقاف مرباع ومقيل) ؟ الادب ان كان شعرٍ او نثر عن خليلٍ او هبيلٍ او حليل او قصيدٍ يشكي انواع القهر او شموخٍ عاليٍ مثل النخيل موهبة ماهيب محصورة حصر عالرجل . .ولا المرة وجهٍ جميل الكلام اللي مضى وجهة نظر يوم شب النار في راس الفتيل ,,, البندري ,,, مجااااااااراه واعيه ,,,,, مقنعه ,,,,,, فيها أدب حواااااااار ,,,,, لذا سأقول ,,,,, دمت للشعر ,,,,, أخوك/مستور الذويبي |
احــــــــــــــــم احـــــــــــم
[ALIGN=CENTER]الاخ
وليد الشمري شاكرة لك مجاملتك اللي تعدت الحد:) واهم شي ان الابيات نالت على بعض اعجابك لاهنت تحيااااااااتي اختك البندري[/ALIGN] |
الندري
صح لسانك يالشاعره الجزله والمتميزه اختي البندري بقول لك شي: هذا مثل عندنا في السعوديه( الهرج فالسعه زين) واللي يقول ان الحمره ناقصه او مثل مايقولون اكثر الناسه اللي ماعنده شيوت فكر اذا جا طاري الحرمه قال وانت بكرامه . تراه ينطبق عليه المثل هذااااا لو بس عندي انا لأنه لو راحت زوجته عنه تغيرت احواله كلهااااا وطلع ماش احد . والرجل من وين جاء اصلاً ماجااا الا من الحرمه عموماً صح لسانك يالمبدعه وسجلي اعجابي أفتخر لي دين قايم عـَ اليسر ....................دين ربي بالعدل ما له مثيل ضلعي المعووج ما ابي له جبر ...................خلقة الله ما ابي عنها بديل تقبلي تحيااااااااااااااتي |
البندري
صح لسانك و وجهة نظرك نحترمها جميعاً... و لكل قاعده شواذ و شواذ قاعدة النساء انهن كاملات رائعات.. صح لسانك على قوة الرد و قوة التعبير و شمولية الرد... تحياتي و اعجابي يا شاعره |
احــــــــــــــــم احـــــــــــم
[ALIGN=CENTER]الاخ
معيض العتيبي تواجدك اعتبره تشجيع لي شاكرة لك تعقيبك وبالفعل الاختلاف بالراي لايفسد للود قضية تحيااااااااتي اختك البندري[/ALIGN] |
احــــــــــــــــم احـــــــــــم
[ALIGN=CENTER]الاخ
مناااااااحي شاكرة لك مرورك اللي زاد المتصفح جماااااااال تحياااااااتي لك اختك البندري[/ALIGN] |
الله يكفينا شركن والله لو اني من العذب لغني للشر وانفذ بجلدي
ااعووووووذ بالله يهالوقت الواحد ماعاد يقدر يقول كلمه حق هههههه صح لسااااااانك مليووون يا البندري |
احــــــــــــــــم احـــــــــــم
[ALIGN=CENTER]الاخ
الشاااعر فهد الشهيب للامانة شهاااادة اعتز وافتخر فيها شاعر بحجمك يسعدني مروره.. فما بالك بكلمات الاطرااء شاكرة لك من الاعماق تقبل تحياااااااتي اختك البندري[/ALIGN] |
احــــــــــــــــم احـــــــــــم
[ALIGN=CENTER]الاخ
محمد الحربي هلابك شاكرة لك على المرور والتعقيب تحيااااااااااااتي اختك البندري[/ALIGN] |
الشاعرة البندري
قصيدة رائعه واسلوب مميّز وحظور جميــل صح لسانك ولاهنتي تحياتي لك مطلق بن شويه |
احــــــــــــــــم احـــــــــــم
[ALIGN=CENTER]الاخ
محمد بن هضيبااان صح بدنك واشكرك على المرووور تقبل تحياااااااااااتي اختك البندري[/ALIGN] |
احــــــــــــــــم احـــــــــــم
[ALIGN=CENTER]الاخ
الشااااعر مستور الذويبي هلابك كليوووون واطلاعك على متواضعتي يسرني كثيرا شاكرة لك تعقيبك لاهنت تحياااااااااتي اختك البندري[/ALIGN] |
الرائعه البندري
صح لسانك مجاراه رائعه تحياتي محمد زيد |
| جميع الأوقات بتوقيت GMT +3. الساعة الآن 10:37 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية