اقبل النقد قبل النشر؟؟؟؟؟؟
 

معاناتي


سجيت انا رجلي بكل المشاوير

وتعبت نفسي بين روحه وجيه

وشغلت بالي في عميق التفاكير

يلعب بي الهوجاس صبح وعشيه

وهاضت بي الافكار مثل الدوافير

قلت اه ياقلبي تريض شويه

الهم وسط الصدر مثل المسامير

يابخت من يقضي حياته هنيه

مدام هذي من سوات المقادير

الله يصبرني واحل القضيه

ماهمني درب العنا والمعاسير

الدرب واحد والليالي مديه

اصبر واقول الصبر درب المناعير

اللي تعيش ايامها واقعيه

متى على الله تستوي بالتياسير

مليت من جور السنين الشقيه


وسلامتكم

سعود





صح لسانك ولاهنت قصيده جيده







واتمنى لك التوفيق وفي انتظار مشاركاتك










اخوك / فالح

أخوي سعود المحجان

أسلوب سلس وجميل في كتابة
القصيدة .. صح لسانك يالغالي


لك تحياتي ,,,,,,,,,,,,


أخوك / عبدالله مرّان

"
"
اخوي سعود صح الساااانك ..

واسلوب وطرح جميل ..

اتمنى اني اشوف شي جديد قريب ...

تقبل تحياتي لك

أختك

أمســــــــــــــــيه

صح لسانك ياسعود

قصيدة جميلة واعتقد من خلال اسلوبك فيها انها من قديمك


تقبل تحياتي