ســــــــــؤال ؟؟يامعدي المرقاب
 

اخـواني الاحبه
عندي سؤال عن تكملة هاذي البيتين

الشهيرين للامير محمد الاحمد السديري

التي بها سمي هذا المنتدى الرائع واريد القصيده كامله لو تكرمتوا

يامعدي المرقاب خله لمشتاق,,,,,,,,حول وخل معذب القلب يرقا

ياليت ربي ماخلق حب وفراق,,,,,,,,ولا خلق حب على غير فرقــا

والله ياليت


عايض محمد شكرا لك


اتمني ان يلبي طلبك

تحيااتى

ياهلا فيك اخوي عايض

بصراحة حاولت ابحث عنها في كل المواقع
الخاصة بالشعر
وبحثت عنها في الدواوين لكن للاسف بدون جدوى

واتمنى اي احد يعرف تكملتها مايبخل علينا

تحياتي

اخي الكريم الابيات المذكور تجدها في ديواوين شعر الامير محمد السديري
وهي قصيده معروفه ومشهوره عند اكثر الشعراء ومحبين الشاعر محمد السديري الله يرحمه



شكرا لك

شكرا شلاش ولكن انا دورت في دواوين المرحوم
مالقيت شي اذا كان عندك معرفه بها ارجوا ان تنزلها في المنتدى

والف شكر مره ثانيه

يامشرف المرقاب خله لمشطون
حوّل وخل مــولــــع القلب يــرقــــا
شلون دورتها مالقيتها ؟ :)
على العموم يااخي الكريم
حاضر وتامر امر

يامشرف المرقاب
 

الأخ عايض محمد

هذي اللي تبيها ولا غيرها ...!


[poet font="Arabic Transparent,5,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يامشرف المرقاب خله لمشطون
حوّل وخل مولّع القلب يرقا
خله لمشطونٍ تزايد به الكون
على عشيرٍ زوّد الهجر فرقا
ينوح يوم أن الخلايق ينامون
ويزيد نوحه كل ماسمع ورقا
ياسف له اللي بالهوا مايعرفون
وياسعود شلاّنه من الدمع غرقا


[/poet]

ابو سلطان ..


ما اظنه يبي هذي لان شطر البيت الأول على آق ..

بس مادري وين راح الله يهداه .. لأن هاليومين البوق هابين فيه الشباب
مالومه يمكن له فايده منها .. مانظلم الاجواد ربنا وربهم الله


:)

:)

انشاء الله

اذا مانسيت اجيبها لك من احد ابناء الامير محمدالاحمد السديري

تقبل تحياتي اخوي

اخوك محمد بن مطلق

[ALIGN=CENTER]الاخ / عائض الكربي


السلام عليكم ورحمة الله وبركا ته


في الحقيقه انني اسمع بهاذين البيتين فقط واعتقد انها ليسى لها بقيه


اما الابيات التي اعرفها هي التي اوردها الاخ / محمد هضيبان


وللمعلوميه القصيده موجهه للشاعر / المرحوم نمر بن صنت

وليسى كما ورد في البيت الاخير (ياسعود) والصحيح هو:


يامشـرف المرقاب خلــه لمشطـون

،،،،،،،،،،،،،،،،،، حــول وخل مولـــع القلــب يـرقا

خلــه لمشطـون ٍتزايــد بــه طعــون

،،،،،،،،،،،،،،،،،، على عشـــير ٍ زود الهجـــر فرقا

كبدي من الغالي بها تسعة طعون

،،،،،،،،،،،،،،،،،، والعاشـره يانمــر بالقلــب زرقا

طفـــل ٍ يتــل القلـــب تل ٍ بلاهــون

،،،،،،،،،،،،،،،،، يسبى الفؤاد ويسرق الحال سرقا

محد ٍ عشق مثله من الحضر وظعون

،،،،،،،،،،،،،،،،،، وشمــر وعنــاز ٍ و روق ٍ وبـرقـا

سهـــرت يوم ٍ الخــلايق ينــامــون

،،،،،،،،،،،،،،،،،، ويزيــد نوحـي كل ماناح ورقـا

ياسفلـي اللي للهــواء مايعرفون

،،،،،،،،،،،،،،،،، (يانمــر) شلانـي من الدمع غرقا



وقال نمر :

عزالله انـــي شفــت بـــرق ٍ تخيلــون

،،،،،،،،،،،،،،،،،، ماشفــت مثله كــل ماناح برقـا

ماهـــــوب وحده قلب ابو زيد مرهون

،،،،،،،،،،،،،،،،، وعلى صخيف الكبد وسم ٍ معرقا

عينت بصـري قبلـنا وبــــن لعبــــون

،،،،،،،،،،،،،،،،،، اهل القلوب اللي من الـود حرقا

وقيس الملوح من هوى البيض مجنون

،،،،،،،،،،،،،،،،،، ينوح مثلك كل مانـــــــاح ورقا

الود قدامك علـــى النـــاس مسنـــون

،،،،،،،،،،،،،،،،،، بالهيف والقبله وشـــام ٍ وشرقا

ود ٍ علـــى وضـــح النقا منــه مامؤن

،،،،،،،،،،،،،،،،،، شيخ العرب مايـدرق الحب درقا


وارجوا المعذره على التقصير ربما تكون القصائد

اطول من ذالك وشكرا ً للعموم

اخوك موسم القثامي
[/ALIGN]

شكرا موسم على ردك
وانا اعتقد نفس اعتقادك ان ليس لها بقيه
والدليل ان الطلب له اكثر من 3 شهور
ولم نلقا لها تكمله
مره اخرى شكرا لك موسم