القصايد دهن عود,القلب توله
 

القصايد \ دهن عود,القلب\توله


..................المشاعر\وبل غيث,الروح\بيد


لو ماقول الشعر انا, منهو يقوله


.................لو ماانا ماتثمر عذوق القصيد؟!


من بحوره لي انا ماسه ولوله


.................والمعاني لي انا منها الشريد


يعتلي واصغر اصابيعي يطوله


...................ون تفزع بي رفعته من جديد


من محاه ومن كتب اجمل فصوله


.................صار شهقة ميت مع صرخة وليد


خابره شعري ولو هم صفقوا له


.................فوق عرش القافيه يجلس وحيد


خابره والله يالولا طبوله


.................ماتمايل عنق ,مايهتزّجيد


ان قعد شم الرواسي وقفوا له


...............ون وقف بحموله الدنيا تميد


ون عطا صار البحر اردى فعوله


...............صارت ايده قلب.صار القلب ايد


ون رضا شفت المطر يعلن هطوله


.............ون بطش مال الحديد الا الحديد


والله ان الشمس من شمسه خجوله


...............والله ان الغيم مع غيمه وقيد


تذبل الورده ويحييها ذبوله


...............كيف اجل لاسال به غصن وجريد؟!


كل نفس ماترضّاه زعوله


...............كل عذر ماتمسح به بليد


ان كتبته يختصم عرضه وطوله


................من هو اللي ضيّق الكون المديد؟!


وش على الحادي اذا فلّت ذلوله


................كل عشب القلب وشربت من وريد


وش عليه ان حال قبل الحول حوله


................وهو حلا له كل ماينقص يزيد


لو ماقول الشعر انا ,من هو يقوله


................غير (روحي) مالها روحي نديد.

الشاعر محمد النفيعي

صح لسانك

قصيده رائعه

سجل كامل اعجابي

اخي الكريم/ محمد النفيعي00


صح السانك مليون مرة وانت راعيها00


قصيدة شاعر متمكن ومن حقك ان تمدح نفسك00


لانك وصلت الى قمة الثقة بالنفس00


سجل اعجابي بهذه الرائعة المنمقة المرتبة00


التي تستاهل ان تحمل اسمك00


ولك مني كل الحب والتقدير00

النفيعي محمد
 

رائع كعادتك يامحمد


الابداع ليس بغريب على شاعــــــــــــــــــر مثلك

تحياتي لك مقرونه باعجابي الشديد بما تكتب

اعشق الابداع صادق وعشقي مثلما
تعشق الارض المطر بعد شمس محرقه

الشعر قوة بيانه تجلى كلما
يعرف الشاعر غروب الكلام ومشرقه

رائع -------------- رائع-------- رائع---------ولا--------- اروع -----كفو ------------ وقدها ---------- تحياتي وا حتر امي لشخصك وابداعك .

إبداع مُنقطِع النظير




سِقتُ رِكاب البحث للأخيره فوجدت ما لا يستحِق إلا الأولى



تحياتىىىىىىىىىىىىىىى

الله الله الله


والله قصيده ابداعيه لاخر مدى


محمد النفيعي


كفو ونفسك تستاهل المدح


صح لسانك



لاهنت

كفوا يامحمد النفيعي
 

[ALIGN=CENTER]
قصيده رائعــــــــه من شاعر متمكن

ولاغرابــــــــه فــــــــــي ذالـــــــك

تشـرفت بقرأتهــــا


تقبل تحياتي وتقديري

اخوك موسم القثامي[/ALIGN]

[ALIGN=CENTER]الشاعر المبدع محمد النفيعي




كفو والله يامحمد وصح الساااااااااااانك ملاااااايين يالقرم




راااااائع ومبدع وجزل وممتع ايها الرائع



سجل اعجابي الشديد بما سطرت وتقبل تحياتي وتقديري[/ALIGN]

المبدع / محمد القثامي




صح لسانك ولاهنت .... كفوووووو يابو حميد




تحياتي

الشا عر / محمد النفيعي







صح السا نك على هذه الرائعه

لو ماقول الشعر انا , من هو يقوله


ـــــــــــــــــ غير ( روحي ) مالها روحي نديد



كفو والله

محمد النفيعي شاعر علم .

وقصيده غارقه بالابداع ..

صح لسانك وقلبك يا محمد .

ودمت على العز ..

تحيتي لك وسلامي ،

المناحي . . :)