اهداء


الى زوار واعضاء منتديات المرقاب الادبيه.


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
في قديم الوقت وأيام العجافة=في ز مان الجوع والتمر الحشيف

يوم كان الذيب مايرجع خلافه=وحد نابه كنه السيف الرهيف

فوق كل القوم في روس الشرافه=صوت ذيب وداب تسمع له وحيف

فالزمان اللي تطول به المسافه= فالزمان اللي يموت به الضعيف

جات أميره كلها زين ورهافه=حاتميه فالكرم مع كل ضيف

كل ممشاها على طهر ونظافه=وماتشيل الكره فالقلب النظيف

ما حكمت كل الخلايق بالخلافه=ولا يشابه حكمها حكم الشريف

أحكمتهم بالمروه واللطافه=والأدب والعقل والهرج اللطيف

وإغرست نخله على النهر وضفافه=لجل مالـ البرق فا لمجد ب رفيف

وصار بين أثنينهم حب وولافه=وعاشت النخله لزارعها وليف

لين نهر الحب غرقها عفافه=وأرتوت من صافي الحب العفيف

وإكبرت والحب محرقها بلهافه=وأثمرت فرحه قبل وقت المصيف

وفي ثمرها خير زايد وبكثافه=وأغتنت منها الأميره كل صيف

ويوم زاد الخير خانتها الثقافه=ماشكرت ربي وجاء فصل الخريف

وإصرخت صرخه وقالت واحسافه=وإختلط صوت الأميره بالحفيف

وعاشت الأيام في هم وكلافه=وأنرسم في وجهها الليل المخيف[/poem]تقبل تحيتي وتقدير لزيارتكم

اخوكم / عبد الاله شلواح العتيبي