[poem=font="Simplified Arabic,6,black,normal,normal" bkcolor="transparent" bkimage="backgrounds/40.gif" border="none,6,gray" type=1 line=0 align=center use=ex num="0,black"]
يانصر خــذها كاش والعــلم بوضـوح=من شــاعرٍ يانصر يعــشقك بهــيام

والله مــابك يالنصـــر غير ممــــدوح=والا البقــيه يالنصـر شـــلة إعـــلام

من يوم مات الرمز..والأب..والروح=والنصر يشكي من قويات الاســـقام

انا ادري انك تالي الوقــت مجـــروح=وتعيش بالحرمان من عشرة اعوام

وحنا بعد مثلك مـجــــاريح ونــنـــوح=لكـــن وفــانا معــك تكــتــبه الاقــلام

والله نـــخــاف تمــوت والشله تروح=وتدفــــن بمــقـبـــرة اللــيالي والايام

وفي وقتــها ماينـــــفع اللوم والنوح=ولاتــنــفــعك أهل الفلاشات والكــام

والله قـــهر مهـــدور دمـك ومسفوح=يحــــق لك تصـــــرخ ولانته بمنــلام

العـــام تذبـــح لكـــن اليوم مــــذبوح=آخــــــر زمن تســيدوا فـيك الاقــزام

كــم من رئيــسٍ يوعد وعود ويروح=وحنا تحــت رحمــة مــواعيد الاوهام

والله تعــــبنا نكــتم الــحزن والــبوح=والصــبر طــعمه مـــر والحــظ ماقام

خلاص يكـــفي كلنا احــزان وجروح=ماعــاد فينا حـــيل نـخلــص ونـنـظــام

وين الرئيس اللي له القـــلب مفتوح=اللي نبي: كــحيلان..ممـدوح..حــسام

عشنا ورى الاحلام من غير مصلوح=ننــــسج من الاحـلام تفسير الاحــلام

هذا البـسيط اللي له سـنين مفـضوح=والخــــافي اعـظــم والمــواعيد قــدام

يارمــزنا الثاني يابو سعود ممـــدوح=العالــمي ينــخاك ضــايع له اعـوااام[/poem]