منتديات المرقاب الأدبية - عرض مشاركة واحدة

09-12-2008, 10:17 AM

الصدق

قلـب الحقيقـه) يكسرضلوعـه
الكذب

قلب الحقيقه) وانـت ماتـدري ؟
ان ابتسامـة سنـون الحقـد مصنوعـه
واني مع اهل المثايل ماقصـر شبـري !
ان عشت شعـري نهرماجـف ينبوعـه
وان مت ضامي وفا واعتب على شعري!!
والحب: شجره ورى المعلوق مزروعـه
ومحبـة الوالديـن وبـرّهـم فـطـري
لكنّ من طـاح لـه فـي حـب دلوعـه
مشاعـره فـي المحبـه بثهـا حصـري
يمسي ويصبح وراسـه متعـبٍ كوعـه
وان مره النوم مـره طرقـي وعبـري!
بالذات لا كانت مـن الوقـت مفجوعـه
وانا الحميّه عليها شبـت مـن صغـري
ادعيك يالله عسـى دعـواي مسموعـه
ترحمنـي برحمتـك وتوسّـع بقـبـري
ارقـام الاحـزان فالشريـان مطبـوعـه
والدم يجري ماهـو داري بمـا يجـري!
حتى المشاعر عـن الخفـاق ممنوعـه
من كثر ماتكّت الضيقـه علـى صـدري
حاولت احايـل خفـوقٍ ماهـدا روعـه
وانسى الذي فات واهوّن علـى عمـري
لـو ان الافـراح والاحـلام مشروعـه
من همي اللي طواني طي وش عـذري .
ياصاحبـي ياحصـاد الهـم واللـوعـه
تحت امرك العام وأنت اليوم تحت امـري
اوجيه الآمـال مـن فرقـاك مصفوعـه
ضايـع وضيّعـت مستقبلـك ياصبـري!
احبال رجـواي فـي عودتـك مقطوعـه
تنزل دموع الملـوك ولانـزل قـدري!!

ياسلاام الله عليك .. ياسلاام الله عليك

المبدع غلاب بن عايض

اقسم بالله مبدع .. وعذب وجزل و و و الخ ..

صح السانك مدد بلا عدد ،،

جدد اعجابي الى مالا نهايه

وسلام الله عليك