السلام عليكم


وعيدكم مبارك .. وكل عام والجميع بخير ..






[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياليل ياكثر عشّاقك وكثر السهر = سريتني والطعون الخضر سريتها

أنا أحسبنك نديم الجنب بطن وظهر = وأثرك سبة عمى عيني وتبييتها

حسبي على غربي النسناس سر وجهر = الليّ حداني على الزلّه وزليتها

وأنا من الله خلقني مااشتكيت الدهر = لوّ ان له وجعةٍ فالصدر كنيتها

تردنيّ شيمة الاعراب عوق القهر = الليّ فتوحاتها تنبيك عن صيتها

كل شي تقدر عليه ابعام والا شهر = الاّ فراق الهنوف اللي تمنيتها

حوريةٍ حبّها بين الضلوع ازدهر = تملكتني وحبتني وحبيتها

تعوم بحر الغرام ويهتويها النهر = الليّ على جاله اتجاوب تناهيتها

تسمو بها العفّه السمحا وثوب الطهر = واخلاقها والطبوع الليّ تحليتها

ماكنّها الاّ الرحيق الليّ بقلب الزهر = تضمّه اليانعه وايضمّها بيتها

لاعرضت وانكسر خصر الغوا وانصهر = وقام ايتبرا من البنطال جاكيتها

ماعاد ندري صلاة العصر قبل الظهر = والا الظهر بعدها او مثل توقيتها

ياحلميّ الليّ مع اعروق الصميم اشتهر = عيت عليه السنين وسكرّت ليتها

راحت وانا مااذكر ان به خافيٍ ماظهر = ياكون كلمه بغت تظهر وخفيتها [/poem]