ما للجروح .. الا يد الجـارح البـار
اللي يبر بـ/ جـرح قلبـي و يدميـه
سخره لي ربي وانـا مااقـدر اختـار
حطه سبب للجرح .. يجـرح ويبريـه
ماهو غشيم الحـب ويدينـه قصـار
دامه جرح بيديه !! فـ/ الطب بيديـه
يا جرحي المزمن ويا دمعـي الحـار
تقاسمـوا قـدم العبـاد المشـاريـه
واللي يمـل !! يبـادل اخـوه الادوار
لا تطمعون .. اصلآ بقى شي نرجيه !!
اجمع شتاتي .. واصمل شوي وانهار
مات الامل ,, لكـن عاشـت مباديـه
لاضاق صدري / ما ملا عينـي ديـار
عند العرب حاضر ولا كأني بـ/ فيـه
بيني وبين الضحك يا كثـر الاسـوار
سور الحزن .. يآسي على طول قافيه
امشي ورا الافكار .. يا بعـد الافكـار
امشي ولا انشد علـى ويـن او ليـه
والحزن .. كل شوي في دربنـا مـار
يلقـي تحياتـه / وحـنـا نحيـيـه
راح العمر .. والحظ رايح لـ/ مشوار
ادوره لـكـن مـانـي بـ/ لاقـيـه
مبدع مبدع مبدع مبدع
وسجل الاعجاب والمتابعه هنا وفي الركن الهادي يامبدع
|