[align=center]ألا ياسجين الفكر والمكر من ساجنك
والافكار حره طلق ماهيب مسجونه
تلفت بمن فايسرك والا بمن فايمنك
تجيب الكلام اللي سمعته يقولونه
على اللي ورى حدب الحنايا ماعاد آمنك
حقوق الطبع والنشر ماهيب مضمونه
تغير قوافي كل مرة هذا ديدنك
وش الفايدة لو إن الابيات موزونه
يامبدع بسرق الفكره الشارده ماامكنك
الابداع يقصر ضحل الادراك من دونه
على كل منبر كن مايوجد أشعر منك
تقحط ومنك الناس ماهيب ممنونه
تزاحم زحول قدمهم ينكشف معدنك
ضعيف الجهد فالمهمهيه يخلونه
ليا قيم الشعر الحقيقي ياويلي عنك
علومك كبار ووزنها وزن بالونه
ابو قرش لايدحم بجنبه عميل البنك
هل الصنف والتصنيف يمكن يردونه
لاوالله يبا يشوف ويذوق منهم ظنك
ترمد وتطفي جمرته فوق غليونه
الا انه تساوى سعر صرف الذهب والزنك
هذا المنطق أدينه وغيري يدينونه
ولن قيل يافراج هالحين وش شاحنك
أقول اللي أشوفه ورى ماتشوفونه؟
على الطاولة والكرسي الالف صرف فرنك
والارقاب ملويه والاشناب مدهونه
حدا أمرين يانديم حرفي وابا استاذنك
يانا مختلف والا أكثر الناس مجنونه.
ياهلا والله وغلا ياابو نايف
ياخوي والله العظيم ان قصيدك يعيّف العوارف في قصيدهم
حدا أمرين يانديم حرفي وابا استاذنك
يانا مختلف والا أكثر الناس مجنونه.
اذا كان حدا امرين وواحد منهم لابد منه فوالله انك انت منتب مختلف
والناس مدري عنهم
الاكيد الله يرحم والديك ويكّثر امثالك
ويجزاك خير يوم انك ماتبخل علينا بالجواهر الشعريه
قصيدك يجبر المتابع على التعصب لك ولقصيدك[/align]
|